الموضوع: أسعار قطع غيار 316 الدبانه من موديل 91 الى 97

طيب بعد اذنكم ياجماعة انا عايز اعرف اسعار قطع غيار الفراشة كام وهل هى اقل من الدبانة ولا اعلى ولو انا قدامى واحدة ستوك 316 فبريكة برة وجوة وما بتمشيش كتير يبقى اخرها فى السعر كام؟؟

nice work man

يا باشا العفو

جزاك الله خيرا .. جامد اوى الموضوع

وانا عايز اجيب 316 94 .. بس انا لا افقه شىء فى السيارات غير السواقة .

ههههههه فوووووووووووووووووووووووو ووووووووو

ما صبرك الا بالله بكره ربنا يرزقك
حط قدامك الهدف وقول يارب
انا كنت بحلم اركب بى ام وانا فى ثانوى لما كنت بشوفها فى فيلم ولا اشوفها معديه فى الشارع وكنت متخيل ان صاحبها ده مش بنى ادم زينا ههههههههههههه
كبرت شويه واما بقيت فى معهد بقيت اخرج من باب المعهد فى جيبى 5 جنيه واحيانا مفيش ههههههه وابص للى معدى وراكبها واقول بكره اتخرج وربنا يكرمنى واركب زيها ومفيش حاجه بعيد عن ربنا لدرجة انى كنت بقولها ساعات بصوت مسموع ( جننتنى وخليتنى اكلم نفسى بس بردو وراها :) )
ربنا كرمنى واول ماشتغلت جبت 127 بطلوع الروح ومساعدة الحاج وقولت عشان اوصل للبى ام لازم ابدأ بالمستطاع واقول الحمد لله وكانت جدتى الله يرحمها تقولى ( من حمده زاده) وكنت باخد تريأه بالكوريك من صحابى اكمنها كانت برتقانى وكانت التريأه بتزيد اما اقولهم محدش بيطلع بالدور العاشر فى عماره مره واحده لازم ترمى اساس وتطلع دور دور وبكره ربنا يكرمنى واركبها بحر مالى وهنا كانت التريأه تزييييييييييييييييد
والله كنت كل ماركب ال 127 اقول (سبحان الذى سخر لنا هذا وما كنا له مقرنين ) واقول الف حمد وشكر ليك يارب سنى 24 سنه وراكب عربية بتاعتى وباسمى وماشيه بيا ومقضيالى حاجتى واما كنت احسبها كنت الاقى محتاج 3 سنين عشان اقدر اكمل واغير ل 128
بس ربك كرم من حيث لا احتسب وفى سنتين قدرت اجيب بونتو موديل 95 صيانة توكيل لحد 2003 مفيهاش غلطه وكانت الناس بتجرى ورايا فى الشارع عشان ابيع
وبردو قولت الحمد لله وشاب عندى 26 سنه وراكب عربيه تمنها 33 الف وده التمن اللى بعته بيها والله ومن غير مكسب لانها كانت فعلا شاذه وكنت كل ماركبها افتكر ايام المعهد وافتكر ازاى ربنا كرمنى بال 127 وازاى دلوقتى راكب بونتو حتى القميص ماكانش بيتكسر من نضافة العربيه ههههههههه وحسيت بالفرق بين اللى 127 والبونتو مع ان الاتنين فيات
واكمنى قولت الحمد لله بردو ومابطلتش احمد ربنا دلوقتى ربنا كرمنى ومعايا تمن البى ام اللى بحلم بيها وفى الوقت اللى قطع الغيار فيه بقت متوفره ومقدور عليها باذن الله تعالى زى مايكون ربنا بيكافأنى على حمده ( ولو انى والله مقصر ) وبأذن رب الارض والعباد هايكرمنى ربنا بعربيه كويسه زى مانفسى فيها وعشمى فى ربنا تكون احسن كمان
لا فلوس ولا شغل ولا مساعدة من حد ولا حظ
بس حط الهدف وقول الحمد لله انا احسن من غيرى كتير وهاتلاقى كرم ربك جاى من حيث لا تحتسب
وبكره تقول محمد قال

الحمد لله ربنا يكرمك بيها انشاء الله