الموضوع: أسعار قطع غيار 316 الدبانه من موديل 91 الى 97

ألف شكر يا باشا عالموضوع المحترم ده, لأنى بحترم أى موضوع محترم بيتكلم على أى عربية محترمة بشكل محترم.

طاب و لما العربية -الbmw 316 مو 92_97- دى السعر بتاعها بيلعب من 80000 - 85000 جنيه, هل معنى كده, أنى أجيبها أفضل من الفكترا الcdx ال 2000 سى سى الألمانى مو 2003, من حيث سهولة الصيانة و مدى توافر قطع الغيار و أسعار قطع الغيار و لا رأيكم ايه, خلوا بالكم أن الأوبل فكترا الcdx ال 2000 سى سى اللى هى مو 2003 سعرها بيلعب فى 70000 - 75000 جنيه و لا أنتوا رأيكم ايه؟؟؟

شكرا و جزاكم الله كل خير .

والله يافندم انا كنت بدور فى الاول على فيكترا واتفرجت فعلا لانى اصلا عاوز اركب ماركه واللى يركب اوروبى عموما بغض النظر عن عيوبه شبه المشتركه واللى بتتلخص فى تعقيد صيانتها وارتفاع الحراره صعب ينزل عن هذا المستوى من الجوده
انا لقيت ان الاوبل قطع غيارها اغلى واقل تواجد واصعب فى الصيانه حاجه بسيطه
وبالنسبه للسعر فهاتلاقى البى ام شكل الدبانه متشابه خارجيا وداخلبا الا فى الموتور والفتيس الجديد والايرباج والاى بى اس بخلاف كده لو عربيه معديه قدام حضرتك مش هاتعرف هى موديل سنة كام تحديدا وده ميزته الوحيده فى فروق اسعارها فلو عاوز تركب بى ام دبانه بغض النظر عن الفروق اللى انا ذكرتها سابقا هاتلاقى انك تقدر تبدأ من 60 الف جنيه امتدادا لحد 80 الف بالاكثر فى الحالات النادره اما مايزيد عن ذلك فهو مبالغه فى السعر
اتمنى من الله ان يعطيك ويرشدك واياى الى ما فيه الخير