أسعار قطع غيار 316 الدبانه من موديل 91 الى 97

**ahmedfoud** · 23-04-2011 09:17 PM

شكرا يا باشا علي المعلومات الجاامده دي
و يا ريت لو في حد عنده معلومات عن اسعار قطع غيار ال 520 الموديلات دي

**m000dy** · 25-04-2011 02:45 PM

طلمبة باور استيراد -------------- 350 جنيه
علبة دركسيون ------------------ 1000 جنيه وممكن ب 900

**MASERATI** · 08-05-2011 12:34 AM

السلام عليكم و رحمة الله و بركاته

أنا آسف أنى بحط الاستفسار بتاعى هنا لأنى بصراحة مش عاوز أعمل موضوع جديد مخصوص عشان السؤال ده:

أنا كنت قريت فى الأهرام بتاع الجمعة 6-5-2011 أن جمارك العربية الBMW 316 مو 2011 حوالى 65000 جنيه, فهل الرقم ده سليم و لا هى أصلا 165000 جنيه و دى خطأ مطبعى؟؟؟؟

لأن فى نفس الجرنال, لقيت أن الكورولا ال1600 مو 2008, جمركها 63000 جنيه مش عارف بأه بعد خصم الاستعمال و لا قبله و البيجو ال308 جمركها تقريبا 85000 جنيه !!!!!!!!!!

فهل فيه حد من الأخوة الأفاضل عنده فكرة سليمة و دقيقة عن القيمة الحقيقية بتاع الجمارك؟؟؟

شكرا و جزاكم الله كل خير .

**sheko_2000eg** · 08-05-2011 01:23 AM

ممكن اعرف رأييكو في البي ام ال 316-318-320 موديل من 85 الي 90
و اسعارها كام بالضبط يا ريت تفيدوني من فضلكم لاني هبيع اللانوس2 بتعتي علشان اركب الب ام
انشاء الله .

**ahmedfoud** · 08-05-2011 02:30 AM

المشاركة الأصلية كتبت بواسطة MASERATI

السلام عليكم و رحمة الله و بركاته

أنا آسف أنى بحط الاستفسار بتاعى هنا لأنى بصراحة مش عاوز أعمل موضوع جديد مخصوص عشان السؤال ده:

أنا كنت قريت فى الأهرام بتاع الجمعة 6-5-2011 أن جمارك العربية الBMW 316 مو 2011 حوالى 65000 جنيه, فهل الرقم ده سليم و لا هى أصلا 165000 جنيه و دى خطأ مطبعى؟؟؟؟

لأن فى نفس الجرنال, لقيت أن الكورولا ال1600 مو 2008, جمركها 63000 جنيه مش عارف بأه بعد خصم الاستعمال و لا قبله و البيجو ال308 جمركها تقريبا 85000 جنيه !!!!!!!!!!

فهل فيه حد من الأخوة الأفاضل عنده فكرة سليمة و دقيقة عن القيمة الحقيقية بتاع الجمارك؟؟؟

شكرا و جزاكم الله كل خير .

متابع بأهتمام

**ahmedfoud** · 08-05-2011 03:00 AM

المشاركة الأصلية كتبت بواسطة m000dy

اولا ياجميل عيب ماتشكرنيش انا اخوك وماقدرش اتاخر عليك طول مانت محتاج حاجه الافضل تشكر صاحب الموقع انه قدر يجمعنا فى مكان واحد عشان نفيد ونستفيد
بالنسبة لموضوع كامل عن العربيه دى فانا ماعرفش فيه ولا لأ الصراحه لكن عموما معلوماتى عنها من ناحية التسارع - وانا بتكلم عن ال 316 سواء الواحد كامه او الاتنين كامه - فطبعا هايعجبك لكن ماتشدش مع عربيه كورى خفيفه عشان هايطلع منك انما بعد كده انت ممكن تبلعه والعفشه والموتور مفيش منهم شكوى ولا حتى حوض او شاسيه العربيه ولا صاجها
موضوع الكمبيوتر ده بصراحه ماعرفوش لان محدش من اصحابى اللى راكبين العربيه دى اشتكى او واجه اى مشكله مع الكنترول بتاعها
اما بقى بخصوص الميجان فاحب اقوللك هو ده السبب فى نزول سعرها بشكل غير عادى - تخيل فى ناس بتبيع العربيه دى فابريكه بره وجوه باقل من 55 الف كمان وعيبها الوحيد ان التكنولوجيا اللى فيها زيادة واللى زاد الطينه بلله توكيلها واسعاره وصدق ناس كتير لما قالو التكنولوجيا الموجوده فى العربيه دى هى اللى مخليه صباع الناس تحت ضرس التوكيل انما ااكدلك ان اول ماينتشر الشغل فيها بره هاتبدأ تمسك سعرها وتعلى تانى خصوصا انها باعت كويس وعدد العربيات اللى بيجرى منها فى الشارع بالنسبه لماركة رينو فى مصر مش قليل والخلاصه انها سيارة اخرى من السيارات المحترمه التى ظلمها السوق وثقافة المستهلك وتوكيلها

الاخ الفاضل m000dy واضح من مداخلاتك ان حضرتك انسان محترم و الواحد يتشرف انه يناقشك او يزيد الشرف لصداقتك
مبدئيا انا تقريبا نفس حكايتك و انت بتتكلم كأنك بتتكلم بلساني ... مع الفارق ... انا ناوي ان شاء الله انزل مصر في الصيف القادم و اشتري دبانه او برغوت الي هلاقيه ههههه و بما اني بعيد شويه عن سوق العربيات في مصر فممكن اخليك تساعدني و امري لله هههه
علي فكره هدفي من التعليق دا اني اكلمك و بس

**reemnabel** · 09-05-2011 07:11 PM

السلام عليكم ورحمه الله وبركاته
اولا انا من التمبروايه يعنى معايه عربيه تمبرا والعربيه بسم الله مشاء الله عليها معليهاش كلام
بس مشكلتها ا ن مافيهاش تكيف وبما ان دى اول عربيه امتلكها فا اتعلمت منها كتير بجد العربيه حماله قسيه والله
بس هغيرها السنه دى خلاص وبما انى هغيرها ففكرت فى كذا اختيار كان الانسر الكرستاله وبعدين الاسكودا اكتافيا وعلى راس الاختيارات كانت ال بى ام ودى حبيبتى من زمان انا كل ما كنت اشوفها معديه قدامى اقول اسنحاله اساسا هايجى اليوم ال اركبها كنت بحسها بتاعت مستوى تانى يعنى محتاجه فيلا بقه بحمام سباحه عشان تركن العربيه قدام الفيلا والكل طبعا رعبنى من اسعار قطع الغيار واستهلاك البنزين وان مالهاش حد بيفهم فى تصليحها غير فى الحرفين او تسلم امرك لله وتروح التوكيل
فا لما شفت الرابط بتاعكم وشفت الاسعار لقيتها معقوله مش مبالغ فيها اوى
فا على سبيل المثال المساحات عندى ب 110 والدسك والاسطوانه 450 وكبالن 150 فوانيس اماميه استيراد 300 دى اسعار بعض قطع الغيار فى العربيه التمبر ا واعتقد انها مش بعيده اوى عن العربيا ت الحديثه
حبيت بس اعرف شويه حاجات كده عن العربيه
يعنى المانيول بتاعها افضل و لا الاتوماتك من حيث استهلاك البنزين
والدسك والاسطوانه سعرهم تقريبا كام لا ان لو مانيول بيبقه فى تحميل على الدسك والاسطوانه عندى لا ان العريبه مجهزه
وانا عانيت فى الموضع ده فى العربيه التمبرا كل سنه بغير دسك واسطوانه لا ان التجهيزه ال بتتحط فى العربيه بتحمل عليهم
بس انا اعتقد ان سواقه المانيول اجمل كتير وممتعه عن الاوتوماتك وامكانيات العربيه بتكون احسن فا لو سعر الدسك والاسطوانه مناسب هتبقه مانيول ان شا الله
وكمان سمعت ان قطع الغيار بتاعتها لما بتبوظ وتتغير بتنسها خلاص يعنى ما تحتاجش كل فتره تراجع عليها
فلو هصرف عليها 1000 جنيه مره وانسها احسن ما كل يوم عند مكانيكى شكل ومره 60 فى 100 واعطال متكرره
وتقريبا تفويله التانك بتكون كا م يعنى انا عندى 110 بتفول التانك بنزين 90
العربيه ال قدامى اسمها الدبانه بس مش عارفه سنه كام
اسفه على الاطاله وجزاكم الله خيرا على تعبكم

**egytamer** · 09-05-2011 07:23 PM

موضوع ممتاز الصراحة والبي ام حلم كل الشباب عربية تحس انها حاية من كوكب تاني.

**emmer** · 11-05-2011 10:58 AM

اخواني واحبائي فى الله كم يسعدني ان ارى نجاح الموضوع على يد الاخ m000dy المحترم اتمنى ان يكون متذكرني ويجب ان اشيد بمجهودة الرئع فى الارتقاء بموضوعه وبأهتمامة الكبير بأستفسارات اعضائة وفتحة لموضوع يشغل بال الكثير منا وكان واجب علينا شكرة مع تمنياتي لة بدوام التوفيق

سبحان الله وبحمدة سبحان الله العظيم
اللهم اغفر للمؤمنين والمؤمنات الاحياء منهم والاموات

**reemnabel** · 11-05-2011 05:06 PM

هو محدش شاف الاسئله بتاعتى خالص انا بقالى كا م يوم ادور ادخل ادور يمكن حد يكون رد عليه
اتمنى حد يهتم ويجاوبنى

الموضوع: أسعار قطع غيار 316 الدبانه من موديل 91 الى 97

LinkBack

أدوات الموضوع

عرض

-

-

-

-

-

المواضيع المتشابهه

أسعار قطع غيار bmw e36 الدبانه من موديل 91 الى 98 (ملخص)

أسعار قطع غيار نيون موديل 2000-2004

أسعار قطع غيار عمرة مازدا 323 موديل 82

ممكن اعرف أسعار قطع غيار الشيروكي موديل من 95 إلى 98

أسعار قطع غيار جين 2 موديل 2009

الكلمات الدلالية لهذا الموضوع

المفضلات

المفضلات

ضوابط المشاركة