الموضوع: أسعار قطع غيار 316 الدبانه من موديل 91 الى 97

المشاركة الأصلية كتبت بواسطة nadeem2000

ارجو منكم لو فيه حد يعرف أسعار بعض الحاجات دي... انا لسه شاري العربية و محتاج اغير بعض الحاجات.. العربيه موديل 1997 وفيها الموتور ال2800 الأسود مانوال . بس عفشتها ضايعة وسحبها تعبان... وبعد الكشف عليها عرفت ان الحاجات دي هيا المطلوبة :
1- طقم دبرياج ( ديسك وبلية واسطوانة) وياريت كمان ترس فولام.
2- أربع مساعدين بالسوست بتاعتهم (بالشتين).
3- مقصين أمامي ومعاهم الجلب اللي في الآخر دول.
4- طرمبة باور.
5- طقم جنط 16 أبدله مع أي حد بطقم بي بي إس أصلي 17 راكب في العربية وطبعاً بالكاوتش لأني مش مرتاح بصراحة في ال 17 ده.
6- البار الحديد اللي بتثبيت عال مساعدين الأمامي من فوق الموتور كدعامه.
7- الأير ماس بتاع الهواء اللي داخل للموتور.
أستأذنكم بس اللي يعرف سعر أي حاجة من دول جديد أو مستعمل يقوللي لأني على حسب الأسعار والفلوس اللي معايا فيه حاجات هاجيبها جديدة وحاجات استيراد... وطبعا شكراً لكم

المشاركة الأصلية كتبت بواسطة omaranes77

انا عمال اقري بقالي ساعة واعمل اقلب في الصفحات وكان نفسي تزيد انا بجمع كدة معلومات عن العربية الصراحة عشان لو فكرت في التغيير
هل كل الموديلات من الدبانة في ايموبليزر
انا عرفت من حضراتكو ان بعد موديل 95 فيها ايرباج abs
وهل هيا ولا a4 وشكرا علي المجهود الكبيير دة ربنا يباركلك

الايموبلايزر فى الموديﻻت من 95 وانت طالع
حضرتك بالنسبه للمقارنه فحضرتك الاسكودا دى عامله زى الوصيفه خدت ماتبقى من فولكس ولبسته عباية عربيه واطلقت عليه اسم فطلعت الاسكودا ... افتح الكبوت هاتﻻقى ختم فولكس على كل سلكه ... يعنى هى ﻻ تقارن بفولكس اصﻻ تقوم حضرتك تقارنها بالبى ام ؟