الموضوع: أسعار قطع غيار 316 الدبانه من موديل 91 الى 97

المشاركة الأصلية كتبت بواسطة jackson_75

من حوالى مايقرب من أسبوع روحت للميكانيكي عشان ينظف الرشاشات والمانفول وكمان يشوف العربية لو محتاجة حاجة لأنها كانت مخنوقة شوية وكمان كان فى استهلأك عالى شوية فى البنزين , بعد الصيانة وبعد تغير البوجيهات العربية فاقت اوى وصوت الموتور أصبح احلى من الأول لكن أستهلأك البنزين مازال عالى ,, فقولت ياواد تعالى على نفسك وأستحمل شوية تناكة منصور وروح شوف هايقولك أيه ,, مش هاتصدقوا لو قلت لكم أنى أخدت فى المشوار ما يقرب من ساعة وأكتر عشان أوصلله ,, وهو مقبلته معايا خدت 5 إلى 7 دقائق بالظبط .. والله لو مظبط ميعاد مع رئيس أركان الجيش كانت هتأخد وقت أكتر من كده ..
قولت له يا منصور باشا أنا عاوز حضرتك تقولى الأستهلأك ده طبيعى ولأ كدة فى حاجة غلط ,,
فرد عليا وقال لى كل المكن الأبيض القديم كده بيعمل جوة البلد مع التكيف 120 فى الصفيحة وبرة البلد 160 للصفيحة ..
فقلت له طب معاليك تقترح أيه يا فندم ؟!!
فرد وقال لى ..شيل المكنة دي وركب m43 ..
فقلت له ,, طب أيه رأى معاليك فى المكنة اللى هية m50tub20
فقال لى ,, دي ستة سليندر وبتأكل بنزين فخليك فى الصغير .. فأنا حبيت بعدها أرخم عليه لأنه بصراحة كان بيرد على أسئلتى وكأنى بشحت منه , وقلت له .. طب هي حضرتك مصنعية تركيب المكنة الجديدة بتتكلف كام ,,فقال لى 800 جنيه ..أنتوا أيه رأيكم فى الكلأم ده وسعر المصنعية دي ؟!!!!

ثانياً :بعدها أخدت بعضى ورحت على مصطفى ميكا فى أحمد عصمت وقولت يواد أتأكد منه تانى وشوف كده العربية دي تمام ,, فرد عليا بعد ما شافها وقال لى صوت الموتور والمكنة حلوة بس هو من رأيه أنى أشيل المكنة القديمة بتاعتها وأحط واحدة 25 أو واحدة زيها بس موديل 97 ..
أنا عندي المكنة عشرة على عشرة فى السحب وصوتها كويس جداً وده بشهادة أكتر من ميكانيكي شافها لأنى كنت حاسس أن صوتها خشن وعالى شوية .. معلش سامحونى أصلى دايماً مشكلتى انى بقارن صوتها بصوت مواتير التويوتا والهيونداي اللى كانوا معايا .... بس المشكلة هى فى أستهلأك البنزين ... والمشكلة التانية أن صوت المكنة بيعلي بعد 120 فمش عارف هل ده طبيعي على المكن القديم ده ولأ مش طبيعي
ثالثاً : قولت ياواد أتعب شوية كمان وتعالى على نفسك ورح الحرفين عشان تقطع الشك باليقين ,, فرحت عند عادل منصورة عشان أحطها على الجهاز وأعرف لو فى حاجة .. الكمبيوتر قرأ مشكلة فى حساس الأكسجين والأير ماس لأن منصور بيه كان فتحه نهار ماكنت بعمل عنده عفشة من شهر ولعب فيه بالمفك ..

رابعاً : رحت بعدها عند واحد أسمه الشيخ عادل فى شارع حربى السروجى وقولت أدردش معاه شوية وأعرف الأسعار ماشية أزاى .. فقال لى أن الأير ماس عامل 550 ,, وحساس الأكسجين بيعمل له حوالى 480 جنيه بس هو نصحنى أنى أغير حساس الأكسجين بس وقال لى أن ألأير ماس عندك كويس بس لما حساس الأكسجين بيبوظ فبيدي قرأية غلط للأير ماس !!!!!!!!!!
أنتوا أيه رأيكم فى الحوارات دي ..أرفع المكنة وأركب تانية وأشتري دماغى وأوفر فلوسى ,, ولأ مالهاش لأزمة المصاريف الكتير بتاعت المكن الأستيراد والمصنعيات وأكتفى بتغير حساس الأكسجين ..والله لو أنتوا شايفين أن الدنيا هتتظبط بعد كده مع تغير الأشياء البسيطة دى والشغل على المكنة القديمة فما فيش عندي مشكلة أنى أشترى حساس أكسجين ولو طلبت أشتري أير ماس كمان ..
من فضلكم دلونى على الصح أنا محتاج رأيكم ونصيحتكم

ممكن تروح لمصطفى ميكا تانى وتقولو يقيسلك طرمبة البنزين عشان انا كانت بايظة عندى وبتاكل بنزين كتير وبعد لما غيرتها ظبطت الحمد لله وممكن كمان تركب قلب الطرمبة بتاعت الدايو على الشاسية بتاع طرمبة ال 36 عادى وهى موفرة ومفيهاش مشاكل ومتجربة فى اكتر من عربية ولو العيب مطلعش من الطرمبة مع انى 90% هيكون طرمبة ولا تسقط مكن ولا غيرو لانك هتكلف مكنة ومصنعية وطبعأ من الركنة هتغير السيور والزيوت كلها طب وعلى ايه هات حساس الاوكسجين وهيظبط العربية واما بقي موضوع الاير ماس فا متقلقش لانو تقريبا لو بايظظ العربية متدورش ولو مهيس ميخليش العربية سحبها حلو ومتكونش مظبوطة ابدأ وانت بتقول انها سحبها اتحسن ..ابدأ بالطرمبة وان شاء الله مش هتحتاج تغير حساس الاوكسجين لانو كمان مش هتلاقية قليل شوية

لو سمحتوا عاوز اعرف الاسعار ديت بعد ازنكم فى عربية bmw 316 موديل 91 موتور 1600
رداتير بالمروحة الى هو الكينز
سربنتينه
الدفيره كامله الى هى فى الكبوت عند الماتور
مواصير التكيف
الكومبروسر بتاع التكيف
ياريت اعرف الاسعار لو سمحتوا

موضوع رائع بجد استفدت منة كتير جدا علما ب انى ركوبى كله كان سوزوكى وفيات بونتو فقط ومالوش علاقة بالبى ام ولاكن انا ان شاء الله ناوى اجيب بايمايه الدبانة 318 i موديل 96-97 بس مش من مصر من الامارات بتعملها المصرى تقريبا 15000 الف جنية تقريبا 8000 الاف درهم + تغيير السيور والفلاتر
ايه رائيكم فيها والاداء بتاعها ولو عاملة 180 الف كيلو اتاكد منها فى ايه بالظبط كمان ؟
سوال تانى ايه الفرق بين الماكينة البيضاء والماكينة السوداء ؟
ولا اسبها واشوف جولف 3-4 احسن ؟ تقريبا فى حدود السعر برضوا
يا ريت تدلونى من خبرتكم لانى محتار جدا وشكرا

السلام عليكم ...

عايز اغير الوش بتاع التكييف البكر الى عندى واجيبو التاتش , اجيب الوش معاه الضفيرة بتاعتو بس ولا الشغلانه اكبر من كده ؟

ويعدين من عند مين واحسن حد يتركب عندو عشان شغل الكهربا الى فيه ده ؟