الموضوع: معلومة لوجة الله

المشاركة الأصلية كتبت بواسطة lancer2010

اعرف الاخوة اولا ان غلق البوجية او فتحة يؤثر على اداء السيارة لان مش ممكن ان احنا يا مصريين نعدل على الخواجة اللى قال نركب البوجية بحالتة اللى بيجى عليها من العلبة وهاتولى اى مانوال بيقول غير كدة موضوع انهم فى اسكندرية لعبو فى فتحة البوجية غير مسموح لية بقى لانة لو اغلق فسوف تؤثر على البوبينة لانك يا اخويا بتحمل عليها بشرارة قوية عند تقريب الاقطاب من بعضها :pointiy2[2]::pointiy2[2]: ومتزعلش لما البوبينة تطير منك

ثانيا - موضوع علو الصوت دة هو دة الميكانيزم بتاع الموتور دة يا ناس ومش عيب فية كان الميكانيكى بتاعى بيعملى الحركة بتاعة البوجية دى لما كان معايا 128
السلام عليكم ورحمة الله وبركاته

الحقيقة مسكت نفسى كتير عن التعليق بس خلاص وجبت..
ممكن أعرف مين "الباشمهندز" النجار مبيض المحارة اللى وصلك المعلومة اللوذعية الحلزونية دى.. ؟؟
أحب أقو لك حضرتك يا 777 وبما إنى راجل فيزيائى غتت حبتين إن البوبينة دى هى اللى بنعلمها للعيال بتوع ثانوى وإعدادى على إنها التطبيق العملى لما يسمى بملف رومكورف.. والملف ده وظيفته أساسا إنه ياخد فولتات قليلة جدا ويحولها لقوة دافعة كهربائية عالية جدا وإستخدامها فى التغلب على مقاومة الهواء وإحداث تفريغ كهربائى بين قطبين.. وبالتالى أحب أقول لحضرتك ولمبيض النحاس بتاع الفجل اللى علمك المعلومة دى إن تقليل المسافة بين القطبين - يعنى فتحة سن البوجيه - لا يمثل أى حمل على البوبينة بل بالعكس ده بيقلل فرق الجهد اللازم لإحداث تفريغ كهربائى بين القطبين وبالتالى يخف الحمل على البوبينة يعنى الفولت الخارج منها لإن العلاقة الفيزيائية الأبدية اللى درسناها كلنا فى إعدادى وثانوى إن فرق الجهد بتناسب طردى مع المسافة بين القطبين والعكس صحيح..
نيجى بقى لنقطة مهمة.. وهى لماذا تتغير فتحة البوجيه من سيارة لأخرى؟؟
فتحة البوجيه الموصى بها من المصنع ده يقصد به فنيا عنده قيمة معينة من الشرارة الكهربائية تكفى لإحداث الإشعال الكامل فى الوقود... فلو قلت الشرارة عن حد معين هيكون الإحتراق غير كامل.. بالنسبة للفتحة لو وسعت زيادة عن اللزوم.. فمن الناحية الفيزيائية ده معناه فرق جهد أكبر لإحداث الشرارة وستكون فى هذه الحالة كافية لإحداث الإحتراق ولكن هذا معناه تحميل زائد على البوبينة ويصاحب هذا تأخير فى بدأ الشرارة نوعا ما .. فكل سيارة لها تظبيط خاص بها قائم على دراسات قام بها مصمموا الموتور وحددوا فيها المدى الأمثل لفتحة البوجيه التى تضمن حدوث شرارة مثالية للإحتراق ..
تقبل تحياتى وسلامى للأخ الطرشجى اللى وصلك المعلومة
سلام عليكم

المشاركة الأصلية كتبت بواسطة dodedode

ولك علينا نجهزلك فيلا دوبلكس فقلوبنا جنب الدكتور المناهرى وعم ابو جسى والاستاذ اسامة22 والزعيم sv065 والاهلاوى ا/زياد باسم و lonedoctor و mmmmgogommmm وكل رواد الbyd الافاضل وكلنا نبقا جرااااان وعزوه وموسوعة ومرجعية لكل الناس :f_eyeb1[1]::f_eyeb1[1]::f_eyeb1[1]::f_eyeb1[1]::f_eyeb1[1]:

ربنا يعزك يافندم وهو الواحد حيتمكني إيه أكتر من الناس اللي زي العسل دول يكون حواليه

ربنا يديم المودة والمحبة بيننا ويجمعنا عليها دائما