الموضوع: جراند تيريوس 150 حصان !!!!

المشاركة الأصلية كتبت بواسطة أبو عبدالله

معلشي يا سليم واضح انها غلطة مطبعية بس على النت برضه
بالله عليك انت جربت ايه ياباني او كوري بتيربوا علشان تقولنا على خبرتك في الموضوع ده

يعنى يا أبوعبدالله أكيد فهمتوا انى بهرج...!!!
أولا الكورى مشفتش اى مواتير تربو... بيقولوا عندهم موتور فى هيونداى (لسه تحت التطوير)
اليابانى انا مجربتش غير Mitsu EVO VIII فى الأمارات وعربية مجرمة الصراحة (كانت بتنزل مع اللانسر مكوة)

وعامة .. محدش عنده تطور فى مواتير التربو دى فى اليابان غير السوبارو (علشان الأمبريزا WRX) والمتسوبيشى.. الباقيين على استحياء..!

وجزئية "بتسيح" دى كان فيها شىء من الحقيقة على فكرة.. مش كلها تهريج:
- درجة الحرارة جوه الcombustion chambers ممكن توصل ل 1500 درجة (لحظيا) مش مستمر.. وده رقم اضعاف اضعاف مواتير NA
- فى حاجات كتير بتحتاج تتغير دوريا زى التربو نفسه, وشوش السلندرات, وفى مرحلة متقدمة Crank-shaft و Flywheel...!!!

علشان كده الصناع "الأوروبيين" دلوقتى بيعملوا ايه:
- التربو نفسه من الTitanium علشان تحمل الحرارة وكتم الصوت
- وش السلندر بيبقى من Magnesium+Aluminum Alloy
- البلوك وعمود الكرنك بيبقى Beryllium+Mg+Al Alloy

انا مش بتكلم فى حاجة جاية من الفضاء.. الكلام ده موجود فى عربيات عادية هنا فى مصر: T-Jet بتاع الفيات و TSI بتاع الفولكس...!

وطبعا انتو لا يخفى عليكما ان اليابانيين آخرهم Cast-Iron+Aluminum والمعادن دى مدخلتش آسيا أصلا.

المشاركة الأصلية كتبت بواسطة tutankhamoun

لا أعتقد أن العربية دي يتحط فيها موتور 150 حصان ( عربية عالية زي دي مينفعش يبى فيها موتور بتاع شد ) تتقلب على طول

هى أصلا.. كده كده بتتقلب من غير تربو ولا حاجة.. بالموتور 1500 العادى..هههههههههه
بالنسبة لموتور الفلوكس 1400 ........... ده فيه شحن أجباري (مش عارف بالظبط توروبو و لا سوبر تشارجر )

الأتنين سعادتك.. تربو وسوبر

المشاركة الأصلية كتبت بواسطة tutankhamoun

بالنسبة لأمكانية صناعة مواتير في حجم 1600 حصان و بقدرة حصانية عالية
فهي موجودة على أرض الواقع بالفعل معانا في الهوندات حاجات جبارة .....
فيه كمان حديثا بروتون و لوتس عملوا موتور كامبروا عادي من غير أي شحن أجباري و بيطلع 138 حصان .
تعديل في شريحة الكمبيوتر تعديل في الشكمان و فلاتر الهوا و البنزين ............ الموتور أصبح خرجه 138 حصان .

عمر مواتير الI-VTEC ولا حتى مواتير الType-R هتبقى زى مواتير الSIR القديمة..! واسأل الهونداوية
وbtw موتور البروتون R3 بيخرج 135 حصان بس.. معرفش حضرتك جبت ال3 حصان زيادة دول منين...!!!
وكمان التعديل مش بس Chip-Tunninig, Exhaust, Filters زى مانت بتقول.. دا فيه Performance CAMs, Injectors وده اسمه تعديل major على فكرة

المشاركة الأصلية كتبت بواسطة tutankhamoun

إلا صحيح ...... هو مواتير الميتسوبيشي الأيفو .......... بتسيح ؟؟؟؟؟
صباح الجمال .......أستاذ فروميلاتور ........... مواتير أيه بس اللي بتسيح دي ؟

اقرأ اول جزئية تانى وانت تعرف ايه اللى بيسيح..!

المشاركة الأصلية كتبت بواسطة CryptonX

اكيد formulator كان بيهرج يا جماعة :)

يا كريم انا فعلا كنت بهرج... معرفش الناس خدت الكلام ع الحامى كده من غير intercooler ليه...؟؟!!!

المشاركة الأصلية كتبت بواسطة CryptonX

لأ و انت الصادق يا استاذ توت :)
مواتير البونتو ايفو هي الي بــ" تستحي " :)

لأ وانتو الأتنين صادقين.. أوماترا هى اللى بتستحى..ههههههههههههههههه
موتور الأبارث بونتو أيفو بيطلع لحد 180 حصان من بلوك 1400.. هو ده tunning لما ييجى من Professionals.. وياريت الناس تتعلم..!