الموضوع: نقرتين فى السقف منكدين عليا

المشاركة الأصلية كتبت بواسطة أبو إياد

ولا تضايق نفسك كل مشكله وليها حل ودى حلها انها تترد على البارد واياك ترش السقف بس المشكله اللى هاتضايقك هى فك السقف من الصالون محتاجه فعلا سروجى بيفهم علشان مايبوظش الكليبسات
والتقشير بتاع الدهان مش هايبان اوى بعد ما تترد

المشاركة الأصلية كتبت بواسطة nicegypt

القلق من السمكرة ع البرد ان الصنيعي لازم يكون صنيعي مش كفتجى
لكن هية تترد ع البارد متقلقش

بو ايااد عامل ايه؟ عارف افك السقف دى كأنك بتغزنى بسكينة صعب اوى الموضوع ده ياابو اياد وماعرفش سروجى ممكن اثق فيه يعمل الحوار ده

المشاركة الأصلية كتبت بواسطة felix

ولا معجون ولا حاجة وان شاء الله بسيطة
استخدم ال تلج الجاف او dry ice وان شاء الله كلو يرجع تمااااااااااااااام

بيتجاب منين لو سمحت

tn سؤال تانى بقا دلوقتى فيه سقف استيراد ؟ ولو فيه استيراد فيه منه بفتحة السقف؟ وطبعا فى الحالة دى انا هضطر اغير السقف من جوة حد جرب او شاف الموضوع ده قبل كده؟

نقره واحده بس ؟؟؟

يا بختك

المشاركة الأصلية كتبت بواسطة felix

ولا معجون ولا حاجة وان شاء الله بسيطة
استخدم ال تلج الجاف او dry ice وان شاء الله كلو يرجع تمااااااااااااااام

يا ريت حضرتك تقولنا نجيبه او نشتريه منين لأني بدور عليه

المشاركة الأصلية كتبت بواسطة kh_talaat

نقره واحده بس ؟؟؟

يا بختك

لأ ياباشا نقرتيين الحمد لله شوف الصور كويس بس

المشاركة الأصلية كتبت بواسطة bassem_sams

أولا الحمد لله بسيطه هو حضرتك كنت راكنها تحت عمارة او حاجه وقعت عليها من فوق

بالنسبه انها تتعالج فهى بسيطه زى ما زملاء قالوا

و طبعا حضرتك متضايق بس كام يوم و هتروق فمعلش الحمد لله

حلول اللى اعرفها كالأتى:

1- سمكره على بارد و ممكن بحته قطنه و دهان لونه عربيه تدهنها علشان متصديش

2- ممكن استيكر ساده قريب من لون عربيه و تقصه عليه بالضبط

3- فى ناس بتفيم سقف و بيبقى شكله جميل بس خليه فاميه مطفى مش بيلمع


4- فيه حاجه اسمها تجيلد انا دايما بشوفها ناس بتعملها على كابوت عربيه و بيبقى حلو و بيحمى من زلط على طريق سريع
ممكن يتعمل على سقف هيبقى حلو

5-شوفت على نت فيديوهات بيستخدموا استشوار لمده دقيقه و بعدين يرشوا ثلج اسبراى او يحطوا ثلج جاف و بترد تانى و فى اداه شبه شفاط لما حوض بيتسد و يستخدمة بيفيد بردوا

اهم حاجه لو قشرت ياريت تدهنها علشان متصديش روح لأى حد بتاع بويه يعملك شويه بعشره جنيه بلون عربيه و تدهنها لغايه متشوف حل توديها لسمكرى و تأخذ رأيه و تكلفه او تعمل موضوع استيكر او فاميه او تجليد

و ربنا يوفقك و تبقى طمنا حضرتك هتعمل ايه و ياريت لو تكلم استاذ طارق اكيد هيفيدك اكتر فى موضوع سمكرة هتبقى انضف

اشكرك على المعلومة دى بتاعت الDry ice انا بتفرج على فديوهات ليها دلوقتى بس هل الكلام ده موجود منه هنا فى مصر؟؟ حد شاف علبة سبراى منها قبل كده ؟ وبتتباع فين وبكام؟

معقووووول تغير السقف عشان نقرتين انا مش معاك في الفكرة دي
انا هقولك على الحل بس هو ممكن يكون صعب عليك شوية لو انا
مكانك بس هو دا أحسن الحلول السيئة وأحسن من فك السقف
والكلام دا ، نقر السقف بالظبط زي نقر العتب السمكري بيعمل فيها إيه
عشان يردها بيخرم خرم صغير على النقرة نفسها ويشد الصاج لبرة
ويلحم تاني ويمعجن ويرش ومتبانش بعد الرش نهائي أنا مجربها عندي في
العتب بس في عربيتي القديمة ومكنتش باينة خالص بعد الرش