ايه افضل نوع سخان غاز للمنزل

**amribrahim** · 13-01-2011 09:51 AM

المشاركة الأصلية كتبت بواسطة human12

سخان المصانع الحربيه!!!!

حسبنا الله و نعم الوكيل فى اللى وصلونا لكده

اسف على المداخله مش فى الموضوع بس ماقدرتش امسك نفسى

بالنسبه للسخان انا عندى وايت ويل و هو مش كويس

الكهربا عندك ببلاش ولا ايه؟ :)

لأ بس أحسن من موضوع تسريب الغاز و الفيلم ده

**mohamed2002** · 13-01-2011 10:50 AM

بس يا باشا ما تشوف الناشيونال

**eng_maged** · 13-01-2011 11:30 AM

المشاركة الأصلية كتبت بواسطة hagan

ناس بتشكر في سخان المصانع الحربيه س 8و انا جايب واحد ولسه هركبه بأذن الله
لو تنتظر حضرتك علي الشتا الجاي ان شاء الله اقولك رأيي
ههههههه

م.حاتم السباعي

انا السخان ده بالذات نفس الموديل خلاني اكره الغاز وسيرة الغاز وخلاني اغير السخان واجيب واحد كهربا

**walidmhafeez** · 13-01-2011 11:54 AM

انا عندي سخان المصانع الحربية س8 من 19 سنة وشغال تمام هو بس بيحتاج جلدة و قرص طالع منه مسمار كل سنة ونص الي سنتين ودول تمنهم من 15 الي20 جنيه ومنتشرين عند كل بتوع الادوات الصحية
في الاول هتجيب سباك يغيرهم بس بعد هتتعلم تغيرهم بنفسك وتغيرهم مبياخدش اكتر من 5 دقائق ولا في بطارية ولا حاجة الشعلة شغالة علطول , تفتح المياه يشتغل
و طبعا هتقول الشعلة شغالة علطول ان دة استهلاك غاز جامد , هاقولك ان اكبر فاتورة غاز بتيجيلي في الشهر ب12 الي15 جنيه ودة بيبقي في الشتاء اما في الصيف علطول اقل من 10 جنيه

**husseinsalah** · 13-01-2011 12:05 PM

بمناسبة انى اخى شغال فى شركة صيانكو فاقالى ان كل السخانات الجديدة زى بعض من الداخل واحسن سخان اللى بيعمر هو المصانع بس القديم مش الجديد وطبعا مش هتلاقية وبالنسبة لى انا معايا يونيفرسال من 4 سنين وشغال كويس معايا واكيد اخويا قايم بالواجب معايا فى صيانتة وعيبة ان فية Oil seal صغير اوى مش عارف فين بالظبط لما بيبوظ الشركة بتقولك غير مجموعة المية كلها لكن اخويا بيعرف يغيرة وعلم كل زملائة فى الشركة كيفية تغييرة لانه وضعة غريب اوى

**epnmasr** · 13-01-2011 12:46 PM

المشاركة الأصلية كتبت بواسطة husseinsalah

بمناسبة انى اخى شغال فى شركة صيانكو فاقالى ان كل السخانات الجديدة زى بعض من الداخل واحسن سخان اللى بيعمر هو المصانع بس القديم مش الجديد وطبعا مش هتلاقية وبالنسبة لى انا معايا يونيفرسال من 4 سنين وشغال كويس معايا واكيد اخويا قايم بالواجب معايا فى صيانتة وعيبة ان فية oil seal صغير اوى مش عارف فين بالظبط لما بيبوظ الشركة بتقولك غير مجموعة المية كلها لكن اخويا بيعرف يغيرة وعلم كل زملائة فى الشركة كيفية تغييرة لانه وضعة غريب اوى

يا ريت يا أستاذ حسين تقول لي تليفونه من فضلك لأني عندي مشكله في هذا السخان ومش عارف أصل لحل ويبدو أنها مشكله فونيا علشان السخان مش عايز يولّع ومش بيطلع غاز أصلاً وجزاك الله خيراً

**dramir1** · 13-01-2011 10:14 PM

ربنا يبارك في كل الاعضاء
وحقيقي الواحد بيستفيد من خبراتكم وربنا يديم المعروف

**ainshouka** · 14-01-2011 02:15 AM

عندى سخان اوليمبك وشغال كويس حتى الان من شهرين

مش حقدر اعرف عيوبه الا بعد صيانة 50000 لتر على الاقل

والسخان لايتواجد فى المناطق الحارة مثل الصحراء التى يكثر فيها الجمال لان الجمل حيوان اليف وهو سفينة الصحراء وله رموش طويلة لتحمى عينيه من الرمال وله سنام ليخزن فيه الطعام كما ان له رقبة طويلة عشان نعرف نربط الحبل براحتنا

معلش انا اضطريت اكتب الكلام دا لان كل ما ابعت المشاركة يقولولى " المشاركة التى كتبتها قصيرة جدا . الرجاء إجعل رسالتك على الاقل 3 حقول"

**ashrafsadany** · 14-01-2011 09:44 AM

لو حضرتك عايز شركه مصريه تعطيك خدمه ما بعد البيع عن تجربه ناس فى قمه الاحترام بنفس مستوى توشيبا ورخيص يبقى فرش عندى واحد بقاله 12 سنه طبعآ كان ايطالى لاكن الى موجود حاليآ مصرى بس هما شركه محترمه جدآ وصيانتهم رخيصه ومنزلين واحد 6 لتر جديد شكله ممتاز واعرف ان العربى منزل واحد لاكن سيبك من تكنو ويونفرسال كان زمان

-

الموضوع: ايه افضل نوع سخان غاز للمنزل

LinkBack

أدوات الموضوع

عرض

-

-

-

-

-

-

-

المواضيع المتشابهه

افضل سخان كهرباء ماهو

كشاف طوارى للمنزل

ايه افضل سخان غاز حاليا

ماهو افضل سخان غاز صغير الحجم موجود فى السوق

مولد كهرباء أحتياطي للمنزل

الكلمات الدلالية لهذا الموضوع

المفضلات

المفضلات

ضوابط المشاركة