شاهد عيان: ما حدث أمس من الاخوه المسيحيين في المقطم

**cyborg_ift** · 13-01-2011 10:06 AM

إمبارح وانا مروح من الشغل وواخد نزلة المقطم اللي بتودي لصلاح سالم ... فيه هناك منطقه اسمهه العزبه اللي عند كافيه جنجل ... لقيت تجمع كبير جدا من الاخوه المسيحيين متجمعين علشان بمعنى أصح يربونا على الارهاب بيعمله فيهم علي حد قولهم فعملوا إيه بأه... كسروا ماسورة المايه الرئيسيه وطبعا الشارع متغرق تماما وبقوا يستنوا لحد ما العربيات تهدي ويكسروا فيهه بفروع الشجر ويا ويله اللي يقف كان بياخد علقه محترمه ده غير ان أي واحده محجبه يشوفوهه يضربوهه ويشدوا الطرحه بتاعتهه ... طبعا انا مش عاوز أطول في الكلام لإن دول حتى الأن إخواتنا بس بصراحه انا ضد أي عدوان من مسلم على مسيحي أو من مسيحي على مسلم فلو الارهاب إعتدى على اخواتنا المسيحيين فإحنا معاهم ضده بس لما مسيحي لكن لما مسيحي يعتدي على مسلم بلطجه فأنا أسف ملوش عندي غير تصرف محبش أقوله..............

طبعا رجال الأمن اللي مبيشطروش غير على الغلابه كانو بيجرو زي البهايم ومش عارفين يعملوا حاجه وأنا الحاجه الوحيده اللي قدرت أعملهه وربنا يسامحني عليهه إن فيه بنت إضربت جامد فركنت بسرعه وخلصتهه منهم وخدتهه وصلتهه وطبعا بتمنا ان ربنا يسامحني بس صعبت عليه وده اللي قدرت أعمله...

كلمه أخيره لو الإخوه المسيحيين فاكرين انهم مضطهدين فأحب أقولهم متخدعوش نفسكم أكتر من كده لإنكم واخدين حقكم أكتر حتى مننا والكل عارف كده

**macdiv** · 13-01-2011 10:17 AM

ربنا يهدي الكل ..و ارجع اقول ان العيب في الجهل و قله الثقافه و التعليم ... اللي بتخلي الناس زي قوافل الماشيه تمشي ورا بعض و هي مش عارفه راحيه فين .. ارجو ان تضرب الدوله بيد من حديد - دون التفرقه - على كل من يحاول زعزعه الامن في مصر ،، و شكرا لك لنقل الصوره .. انا امبارح معرفتش اروح الشغل بسبب البلطجيه دول ...

**ahmed4000** · 13-01-2011 10:17 AM

الموضوع بقى زايد عن حده اوى والدلع حيقلب بغم

**wael17** · 13-01-2011 10:19 AM

المشاركة الأصلية كتبت بواسطة cyborg_ift

اللي قدرت أعملهه وربنا يسامحني عليهه إن فيه بنت إضربت جامد فركنت بسرعه وخلصتهه منهم وخدتهه وصلتهه وطبعا بتمنا ان ربنا يسامحني بس صعبت عليه وده اللي قدرت أعمله...

الحاجات دي سمعتها قبل كده وماكنتش بصدقها و باعتبر ان الناس بتبالغ عشان تسخن الدنيا

معلش ممكن توضح تاني

بنت محجبة اضربت جامد و حضرتك خلصتها منهم!!!!!!!!!!!

يعني ماشية في الشارع ضربوها ولا نزلوها من عربية و الضرب ازاي...حدفوا عليها طوب من بعيد ولا ضرب بالايد...و دي بس اللي شوفتها ولا كان في غيرها....و الضرب و هم ساكتين ولا بيوجهوا لها شتائم واهانات و ايه الكلام الي بيتقال!

الكلام ده كتير قوي و فعلا للصبر حدود وفي ناس كتير معتدلة هتتنقل من خانة الاعتدال لخانة التعصب لو الكلام ده استمر

**cyborg_ift** · 13-01-2011 10:20 AM

الموضوع مبقاش زايد عن حده لأ ده خلاص بقا مستفحل والحكومه هيه السبب في كل حاجه

**mrwho1982** · 13-01-2011 10:21 AM

الصبر ليه حدود وان خرج عن حدوده ماحدش هايستحمل عواقبة

**wael17** · 13-01-2011 10:22 AM

المشاركة الأصلية كتبت بواسطة ahmed4000

الموضوع بقى زايد عن حده اوى والدلع حيقلب بغم

فعلا الحكاية ما يتسكتش عليها و بكره نسمع نتائج الي بيتعمل ده

و اعتقد التعاطف هيقل بعد كده قوي

**mrwho1982** · 13-01-2011 10:22 AM

اقسم بالله العلي العظيم لو حاجة زي كده حصلت مع مراتي او اختي والله لاخليها دم واللي يحصل يحصل

**cyborg_ift** · 13-01-2011 10:24 AM

اللي حصل إن عربيه ميكروباص بتاعة خط السيده عائشه / المقطم السواق هدا جامد علشان يعدي المايه نطو قدامه خرجوه من العربيه خد علقه قسما بالله إتشلفط والأمن شايفه وسايبه طبعا الركاب شافو كده فتحوا الباب وجريو قفشو البنت ديه ولعلمك كان فيه غيرهه كتير بشعرهم تقريبا طلاب معهد المقطم وشدو طرحتهه وبقت الناس اللي معاهه يشدو فيهه وكام واحد معايا ركنا وحاولنا نخلص السواق والبنت منهم وخدتهه معايا

يا جماعه الحكومه جبانه ولا عارفه تحمي ولا تسيطر على أي حد منهم أو مننا أهم حاجه عندهم الانتخابات تعدي على خير من غير شوشره بس شكل الموضوع هيخرج من ايديهم

**mikho83** · 13-01-2011 10:34 AM

يا جماعة احنا في إيدنا إيه نعمله؟؟
عايزين بجد حل موضوعي وسريع، احنا عايزين نعيش في أمان مش عايزين نبقى زي العراق. ربنا يعدي الفترة دي على خير

الموضوع: شاهد عيان: ما حدث أمس من الاخوه المسيحيين في المقطم

LinkBack

أدوات الموضوع

عرض

شاهد عيان: ما حدث أمس من الاخوه المسيحيين في المقطم - انشر الموضوع فى :

-

-

-

-

-

المواضيع المتشابهه

يوم أصبحت حرا – شاهد عيان على أحداث 25

كنت شاهد عيان على الأحداث

ما حدث فى الاسكندرية من شاهد عيان

الكلمات الدلالية لهذا الموضوع

المفضلات

المفضلات

ضوابط المشاركة