الحقنة :)

**Eng.Geo** · 13-01-2011 06:08 PM

المشاركة الأصلية كتبت بواسطة pro_samir

كانت بتبقي مناحه وعياط للصبح

بس اللي يشوف الحقنه في الصوره دي .. ميشوفش الخازوق اللي كانو بيحقنونا بيه

أه والله كانت بتبقي خازوق
مش عارف ليه بيعملوا فينا كدة :))))))

المشاركة الأصلية كتبت بواسطة أحمد كمال

انا مرة اتضربت علقة غباء بالعصاية في رابعة ابتدائي عشان اخد الحقنة بالعافية و امي راحت تاني يوم نفخت المدرسة و عرفت الممرضة جت من انهي مكتب صحة و راحت نفختها برضه

يا نهار !!!!
شكلك رحت البيت عملت فلم عياط تمام :)

المشاركة الأصلية كتبت بواسطة m.osman

واضح ان جو الإمتحانات يا جورج بيفكر بالحقن

==========
يا ريت الأيام دي ترجع تاني بجد... احلى ايام!

لأ جو الأمتحانات ده بيفكرني بحاجة تانية قريبة الحقنة :)

**zago** · 13-01-2011 06:25 PM

طب احمدو ربنا
انا ماما هي اللي كانت بتديني الحقن في المدرسه

**D . a .\ AYMAN** · 13-01-2011 06:35 PM

أنا بقى عمري ما خدت حقنة في المدرسة ...

عشان كنت في السعودية في إبتدائي ..

في السعودية النظام عندهم حلو خالص .. كانو بيبعتوا جواب لولي الأمر بالتوجه اليوم الفلاني للعيادة الفلانية لتطعيم الطالب الفلاني (اللى هو أنا) في الموعد الفلاني .. وغالبا العيادة بتختلف من طالب للتاني حسب عنوان بيته ... دا غير إن التطعيمات ماكانتش إجبارية إلا حاجات معينة

طبعا أنا ماكنتش ببقى عارف حاجة عن القصة دي (إلا لما كبرت وفهمتها) ... أنا كنت بتاخد على العيادة على طول من غير ما أعرف ليه ... وفجأة ألاقي أمي بتاخدنى في حضنها وفجأة ألاقي واحد راح رازع الحقنة وشايلها قبل ما آخد بالي إيه اللى بيحصل

**mrwho1982** · 13-01-2011 06:36 PM

ههههههههههههه

مرة اخدت وقع حلوة بلعجلة وانا في اعدادي

وقعت من علي العجلة وانا لابس النظارة ووقعت علي وشي

الدم ساعتها اتحبس عن عيني وكانت عيني مزرقة كاني واخد بوكس في وشي

افتكر ساعتها بابا وداني لدكتور عيون وقاللي ان في حقن لازم تتاخد لمدة 3 اسابيع كل يوم حقنة وكمادات شاي علي عيني مع كام قطرة

يعني كان قرص علاج تييييييييييت

لا واللي يغيظك ان الحقن كانت في العضل وكل يوم اروح للصيدلي يقعد يعملي فيلم اني مش هاشوف تاني لو ماخدتش الحقنةوالكلام ده

اتاري في الاخر بابا هو اللي قايلو يقولي كده

**m_car** · 13-01-2011 07:01 PM

المشاركة الأصلية كتبت بواسطة pro_samir

كانت بتبقي مناحه وعياط للصبح

بس اللي يشوف الحقنه في الصوره دي .. ميشوفش الخازوق اللي كانو بيحقنونا بيه

الله يكرمك ياراجل انا ضحكتك لحد ما كنت هموت بتعليقك ده كان بجد عامل زى الخازوق وايد الممرضة تقيله تحس انها بترزع مسمار فى جسمك

**Ralliart** · 13-01-2011 07:29 PM

ياما طلعت اجري واستخبى في المدرسه علشان حوار الحقنه ده وكان دايماً يوم الحقنه وكيلة المدرسه بتطلبني بالاسم وتحبسني في مكتبها لحد ما اخد الحقنه علشان مجريش وادوخهم
والاغبى من كده الفلور (لو كان موجود في مصر) كانو لازم كل فتره يجيبولنا كبايات فلور (سائل لزج لونه بينك وطعمه مقرف) بنتمضمض بيه علشان السنان

**M.Alaa92** · 13-01-2011 08:35 PM

التطعيم لا دين له
اليوم اللى فية التطعيم اكون اول واحد فى البيت ( زوغان طبعا)

**A.Saad** · 13-01-2011 10:24 PM

المشاركة الأصلية كتبت بواسطة m.osman

واضح ان جو الإمتحانات يا جورج بيفكر بالحقن

==========
يا ريت الأيام دي ترجع تاني بجد... احلى ايام!

طبعا قصدك على ايام الحقن
معندناش مانع نسعدك
ابعت العنوان يا غالى وهتلاقى خمشتشر وتمنتاشر حقنة عندك

**sara2001** · 13-01-2011 10:49 PM

اسوأ اختراع في التاريخ هو الحقن
مازلت بخاف من الحقن
في تطعيم هربت منه وانا صغيره
عرفت ان ميعاده امتى وماروحتش اليوم ده المدرسه
التطعيم ده مش فاكره كان بتاع ايه
بس كان عندي خلفيه مسبقه من اللي اكبر مني
انه مرعب وكمان بيسيب اثر بارز في الذراع مكان التطعيم
وبعدين يا جو الممرضه كانت بتبقى مخيفه ومش شكلها زي اللي في الصوره

الموضوع: الحقنة :)

LinkBack

أدوات الموضوع

عرض

-

-

-

-

-

-

-

الكلمات الدلالية لهذا الموضوع

المفضلات

المفضلات

ضوابط المشاركة