زيارتى لتوكيل القطاميه اليوم عشان الدريكسيون والفتيس

**aamn** · 15-01-2011 03:45 PM

اليوم ذهبت كما نصحنى الاخوه عشان الدريكسيون كان تقيل وفيه عضه فى الفتيس على الاول رحت بدرى قابلنى الاخ المسئول بمنتهى الاحترام وبعتلى الميكانيكى الاخلاق أ/ سامح محترم جدا وزوق واشطر ميكانيكى هناك ده كلام الناس اللى كانت معاى عنه قلتله على كل الحاجات اللى كانت مديقانى فى العربيه وطلعت الاستراحه اتفرج على شغل العربيه من فوق وكان فيه ناس هناك وتناولنا مزيد من الخبرات وكان يوم مش شاق وخلال وقت قصير شيك على العربيه كامله ورحنا جربناها وكانت كويسه الدريكسيون خف وقالى مع الاستعمال حيخف اكتر وخفف الاكسراتير والفتيس والله بالنسبه لى لو الكلام حيفضل علطول حيبقى ممتاز وجزيل الشكر لكل الناس اللى وقفت معايا والف شكر وان شاء الله حصورها واعمل تقرير مفصل لما تتم الاف كيلو

**aamn** · 15-01-2011 03:50 PM

بس نسيت اقلكم على حلجه العربيه لما خدتاه من المعرض كانت عامله 242 كيلو الراجل قالى طبيعى بس انا حاسه انه اضحك على لما سالت الراجل العربيه عامله كام قالى بدون ضمير 42 كيلو وصدقته ربنا يسامحه

**hefz** · 15-01-2011 11:40 PM

يافندم شرفتنا
واتمنى يارب نكون عند حسن ظن حضراتكم دايما
واى مشكلة يافندم احنا تحت امرك وان شاء الله قبل ماتتم الالف كيلو استاذن حضرتك علشان تحجز معايا
او استقبال اى شكوى من حضراك
تحياتى لك وللجميع

**x_gomgom** · 16-01-2011 03:17 AM

انا استلمت العربيه عامله على العداد 42 كيلو فقط!!! 242 دي كتير الصراحه المفروض تعترضي على الاستلام
انا عندي نفس موضوع العضه دا في الفتيس بصراحه حضرتك شجعتيني ان شاء الله هروح الخميس بإذن الله و استأذن الاستاذه الفاضله داليا انا كنت اشتكيت لحضرتك بالنسبه لموضوع الفرامل و تفضلتم مشكورين بالاستماع لشكواي .....
انا هتصل برضه احجز محدش ضامن الظروف .....
يا مسهل

**aamn** · 16-01-2011 09:36 AM

والله انا لقله الخبره وعشان العداد كان ديجيتال مخدشش بالى وبعدين على فكره ده مش نصاحه منه لان ربنا حيوقعه بنفس الموقف فى حاجه مبيفهمش فيها برده الحمد لله ربنا يعوضنا بحسن نيتنا فى حاجات تانيه حضرتك روح وانت مطمن الناس محترمين جدا مشفتش حاجه وحشه وان شاء الله حتصل احجز لصيانه الالف باذن الله وقلنا ايه الاخبار

**x_gomgom** · 16-01-2011 03:12 PM

انا عملت 1200 كيلو و عملت صيانه الالف.....
بصراحه انا تجربتي سيئه للغايه وانا حجزت يوم الخميس 9 الصبح عشان موضوع العضه بتاعت الفتيس و الفرامل عندي بتصفر و هشوف لعل و عسي المره دي تبقي احسن من اللي فاتت ....
انا هعمل موضوع مستقل عن المركز و ما له و ما عليه بس لما اجرب تاني عشان رأيي يبقي بناء على تجربتين مش كلام و خلاص....
يا مسهل

**aamn** · 16-01-2011 05:04 PM

كلام سليم جرب تانى لانى سمعت ان صاحب التوكيل شد عليهم من شكوى الناس وقلنا ايه الاخبار بعد الصيانه وربنا يرضيك

**kokyjoon** · 16-01-2011 08:02 PM

سلام عليكم

الله ينور عليكم اللى يروح وياخد حقه ويرجع مبسوط
لازم يا جماعة يقول لنا لأن ف نس كتير وانا منهم كان ليه تجارب سابقة
سيئة وكنت ناوى أقاطع اتوكيل خالص بس لو فيه تحسن يبقى خير

**aamn** · 16-01-2011 08:44 PM

ان شاء الله لازم نكون على اتصال احنا اللى حنخلى التوكيل يتحسن باتحادنا مع بعض وناخد حقنا لانه حقنا مش لاننا بناخده صدقه ولو فيه كويس نشيد بيه ليتقدم اكثر المنتدى ده هو اللى ساعدنى قبل ما اشترى العربيه ولغايت دلوقت فعال وبيساعد

**memos** · 16-01-2011 09:45 PM

المشاركة الأصلية كتبت بواسطة aamn

ان شاء الله لازم نكون على اتصال احنا اللى حنخلى التوكيل يتحسن باتحادنا مع بعض وناخد حقنا لانه حقنا مش لاننا بناخده صدقه ولو فيه كويس نشيد بيه ليتقدم اكثر المنتدى ده هو اللى ساعدنى قبل ما اشترى العربيه ولغايت دلوقت فعال وبيساعد