الموضوع: إجابة السؤال-مفاجاة تويوتا والشجرة- عندى بس مش قبل 20-1-2011

مشكور وفعلا انا سعيد بتنشيط قسم تويوتا اكتر من اى حاجه تانيه وده كان هدفى فى كلامى وردودى على السادة الاعضاء اما بالنسبة للمفجاه انا قلت فى الموضوع الاصلى انها مش مفاجاه كبيرة وممكن تسعد ناس وناس تقول تعليقات سلبية وده متوقع فى اى موضوع والواحد لو اعتبر المشاركات ديه كان زمان المنتدى فقط فاعليته واهدافه
اشكرك مرة اخرى على ملاحظتك فى تنشيط القسم

المشاركة الأصلية كتبت بواسطة nouranwar

في انتظار المفاجأة بس يارب تكون تستاهل الوقت ده كله
و احلي حاجة التخمينات الجميلة و فعلا موضوعك نشط القسم كتير :)

انت شوقتنى فعلا بالموضوع ده, بس لو طلعت فى الاخر الكرولا الجديدة يبقى مكنش فى داعى لكل التشويق ده, لان كلنا شفناها على النت و عرفنها وليا واحد صحبى فى قطر و ركبها كذا مرة و قالى انها ذى القديمة ... شوية تعديلات فى الفوانيس و الشبكة مش اكتر.

حضرتك انا قلت فى اول موضوعى انها مش مفاجاه كبيرة انما اللى ادى طابع التشويق والاثارة هو المشاركات للاعضاء المحترمين اللى باشكرهم بجد على تخميناتهم وكلامهم المشجع لاستمرارى فى التفعيل والتنشيط
وكمان الاختلاف فى التخمينات ده ادى طابع اثارة وتشويق والاعلان نفسه فى الجريدة كده
عامة انا سعيد بتنشيط القسم اكتر من اى حاجه تانيه ومتهيالى فى ناس مبسوطة برده للتنشيط وارجو منهم الاستمرار بنفس النشاط
وبجد شرفتنا بمرورك على قسم تويوتا
على فكرة انا كنت فيرناوى زيك وبقيت تويوتاوى

المشاركة الأصلية كتبت بواسطة samehnoshi

انت شوقتنى فعلا بالموضوع ده, بس لو طلعت فى الاخر الكرولا الجديدة يبقى مكنش فى داعى لكل التشويق ده, لان كلنا شفناها على النت و عرفنها وليا واحد صحبى فى قطر و ركبها كذا مرة و قالى انها ذى القديمة ... شوية تعديلات فى الفوانيس و الشبكة مش اكتر.

الساد الاعضاء المحترمين
تم ارسال الصور والمواصفات للاستاذ/خالد طلعت وهو صديق شخصى وتبرع مشكورا برفع الصور والمواصفات واشكره مرة اخرى على مجهوده وعلى تبرعه بالوقت رغم انشغاله ولكن حبا منه فى العمل التطوعى هو اختار انه يساهم فى الموضوع
شكرا خالد بك طلعت.

المتوقع طبعا انى الردود تتقال مش مفاجاه او السعر او ما شابه وده متوقع طبعا بس ياريت اللى يكتب مشاركة يقرا اول مشاركة ليا وهى مضمونها كالتالى انى الموضوع مش مفاجاه وانى بعض الاعضاء كان عندهم الحس والخبر بس الفرق انى كله جاب صور من بره يعنى غير اللى حتنزل فى مصر المحروسة والعربية فعلا مش موجوده فى مصر يعنى ولا اللى شاف على الدائرى ولا غيره صح مفيش غير واحده هى اللى انا صورتها فى المخزن وكمان هى مش نزلت اساسا فى اوتو ماك الماضى ولكن اتقال انهم بيفكروا فيها ولم يؤكدوا ذلك والا كان زمانى راكبها او مستنيها

تم اخذ الصور بالصدفه وانا باعمل صيانه فى التوكيل و بسرعه عن طريق موبايلى وللاسف كان حيفصل شحن وكمان كان لازم اخطف كام صورة بسرعه حفاظا على سرية الموضوع من جانب تويوتا على العربية وهى كان متغطية فى المخزن وانا حبيت اجازف لان محدش قبل كده قدر يجيب صور عربية من داخل توكيل قبل نزولها ( كلها صور من جوجل وكده) وده باعتبره سبق ليا انا شخصيا وللقسم وده اتعمل حبا منى فى اعضاء قسم تويوتا اللى اتشرفت بمقابلتهم واتمنى الاستمرا كاصدقاء والحمد لله مازلنا على اتصال.
الموضوع حقق هدفه بالنسبة لتنشيط القسم بالاضافه انى بعض الاعضاء كلمونى على الخاص وقالوا انهم حاجزين كورولا 2010 وسالونى انى اديهم اى معلومات لانهم كانوا حيستلموا تانى يوم وبالفعل قلتلهم معلومات ساعدتهم فى اتخاذ القرار وبكده يبقى ده تانى هدف اتحقق انه حياخد عربية 2011 وليست2010 بعد هدف التنشيط واحب اشكر أ.بهاء على كتمانه واحترامه لرغبتى فى الانتظار ليوم 20 يناير

واعتذر لكل من شاهد موضوع انه شهره او من غير هدف المشاركات السابقه اكدت غير كده نهائى وكمان اعطتنى الدفعه بالاستمرار فى خدمة القسم

واحب اشكر كل من شارك فى الموضوع سواء بالسلب او بالايجاب
الى لقاء اخر فى موضوع اخر
ومن الان و غدا حاسيبكم مع الصور والكماليات والمواصفات
مع خالد بك طلعت

وطبعا اللى عاوز اى سؤال او معلومه اضافيه انا تحت امره فى اى وقت
ومبروك مقدما للى يركبوها ويبقوا من ملاكها
مع تحياتى وائل عبد الرازق

ياه والله سعيد انى جبتك بموضوعى ده انا مستنيك ياراجل من زمان وده الهدف التالت اتحقق بدخولك وبمشاركتك يا شاركى باشا

المشاركة الأصلية كتبت بواسطة sharky

موضوع شيق جدا يا م/ وائل و فعلا بقدرت تنشط قسم تويوتا
و للأسف لسه شايفه حالا

أحييك على هذه الفكرة
لكن افهم من كلامك ان المفاجأة هى كرولا بالتعديل الجديد ؟


بصراحة انا كان نفسى تكون البريوس لإنها بصراحة سيارة رائعة و كنت اتمنى اشوفها فى مصر و كان حتبقى تويوتا لها السبق فى مصر بدخزل سيارات الهايبرد