إجابة السؤال-مفاجاة تويوتا والشجرة- عندى بس مش قبل 20-1-2011

**OilMan** · 16-01-2011 10:08 AM

المهم مش عاوز اطول عليكم اجابة السؤال عندى وللاسف انا مش شايف انها مفاجاه كبيرة بس هى حلوة وكمان حيعلن عنها يوم 20يناير فى اخبار السيارات
عندى صورها ومواصفاتها واسعارها بس احتراما لمصدر المعلومات حستنى لحد يوم 20 يناير بس عاوز مساعده من احد الزملاء هنا لرفع الصور مين قال انا؟
وممكن الاعضاء يبداوا يخمنوا لحد ما اكمل الموضوع

**eng/muhamad** · 16-01-2011 11:44 AM

بما ان حضرتك مش ناوى تعلن عن المفاجأه قبل يوم 20 يبقى مكنش له لزمه الموضوع اصلا
هتعمل تشويق و خلاص و الناس تقعد تقول يا ترى ايه و اللى يسأل
تقبل احترامى

**OilMan** · 16-01-2011 11:48 AM

حضرتك لو كنت قريت كويس كنت لاقتنى طالب مساعده فى رفع الصور بمعنى انى عاوز انسق مع احد من الاعضاء يرفع الصور مش تشويق ولا اى حاجه من اللى حضرتك ذكرتها وايه المشكله لما الناس تسال وتتوقع عيب يعنى ولا حرام ومنه محاوله لارجاع روح المشاركه فى منتدى تويوتا
تقبل احترامى وحضرتك لو مش عاجبك الموضوع ما كنتش شاركت فيه من اصله

المشاركة الأصلية كتبت بواسطة eng/muhamad

بما ان حضرتك مش ناوى تعلن عن المفاجأه قبل يوم 20 يبقى مكنش له لزمه الموضوع اصلا
هتعمل تشويق و خلاص و الناس تقعد تقول يا ترى ايه و اللى يسأل
تقبل احترامى

**eng/muhamad** · 16-01-2011 11:53 AM

عندى صورها ومواصفاتها واسعارها بس احتراما لمصدر المعلومات حستنى لحد يوم 20 يناير

ده كلام حضرتك
حضرتك عندك صور و مواصفات و اسعار بس مش هتعلن عنها قبل يوم 20
منين حضرتك بتقول انك محتاج ماعده عشان ترفع الصور

حضرتك لو مش عاجبك الموضوع ما كنتش شاركت فيه من اصله

حضرتك الموضوع عاجبنى لو فيه خبر جديد فعلا مش اعمل موضوع يوم 16 عشان خبر هنزله يوم 20
يعنى اى حد هيشترى اخبار السيارات يوم 19 بليل هيعرف الخبر قبل الكل هنا

**kh_talaat** · 16-01-2011 12:03 PM

يا مفاجآتك يا وائل بك

ممكن ترفع الصور على الموقع دة www.0zz0.com هيطلعلك 2 لينك واحد عادي والتاني مكتوب قدامه للمنتديات

هتاخد لينك المنتديات وتحطه هنا وهتظر الصور ان شاء الله

ولو عايز تبعتلي الصور وانا اساعدك في الرفع أنا تحت امرك

**OilMan** · 16-01-2011 12:04 PM

انا قلت عندى الصور وعاوز ارفعها وحضرتك شرفتنا فى منتدى تويوتا ومتهيالى المفروض تحترم رغبة مصدر الاخبار فى اخفائها لحد يوم 20 وده اتفاقى معاه وحضرتك بقى ابقى اشترى الجريده وحتعرف قبل ما انا انزلها هنا وشرفتنا تانى

**ahmedbasto** · 16-01-2011 12:08 PM

مستنين المفأجاة

**OilMan** · 16-01-2011 12:12 PM

تسلم يا خالد باشا وغالبا انت اللى حتساعدنى فى رفع الصور وكمان عاوز اعمل سكان للمواصفات
بس تفتكر ايه هى يا خالد بك انا بالنسبة ليا مش مفاجاه وانما هى حلوة للاعضاء وبرده ليا

المشاركة الأصلية كتبت بواسطة kh_talaat

يا مفاجآتك يا وائل بك

ممكن ترفع الصور على الموقع دة www.0zz0.com هيطلعلك 2 لينك واحد عادي والتاني مكتوب قدامه للمنتديات

هتاخد لينك المنتديات وتحطه هنا وهتظر الصور ان شاء الله

ولو عايز تبعتلي الصور وانا اساعدك في الرفع أنا تحت امرك

**som3aa** · 16-01-2011 12:51 PM

معلش بس الموضوع فى ناس كتير عارفاه , يعنى اى حد مثلا بيشتغل فى تويوتا بيبقى عارفه و كدا يعنى مش هتبقى مفاجاة من الشركة محدش يعرفها غير مديرين الشركة , اكيد فى ناس كتير عرفوه , ممكن تقولنا بس على العربية و خلى الاسعار قبل اعلانها مباشرة.

اما عن العربية فاكيد الEtios ياما الياريس الجديدة و أنا اتوقع الEtios.

**OilMan** · 16-01-2011 01:23 PM

حبيبى سمعه باشا انا اولا اشكرك على مشاركتك وغير كده انا عملت الموضوع بدرى علشان ارد على سؤالك مخصوص لما لاقيت سؤالك عن المفاجاه وفى الاخر اديك شايف الرد السابق (خير تعمل شر تلقى)
هو الموضوع خاص بعربية مش جديده وكمان محدش يعرف حاجه عنها وانا صورتها بتاع 4 صور سرقه وهى فى المخزن وكانت متغطية وانا بعلاقاتى قدرت ادخل واشيل الغطا واصورها بس للاسف كان بسرعة جدا علشان الراجل ميحروش فى ابو بلاش عامة انا باحاول ارفع الصور بالتنسيق مع خالد باشا طلعت والمواصفات معايا
بس علشان انت حبيبى كل اللى ااقدر ااقلهولك انها يابانى كامله وكمان 1600 cc

المشاركة الأصلية كتبت بواسطة som3aa

معلش بس الموضوع فى ناس كتير عارفاه , يعنى اى حد مثلا بيشتغل فى
تويوتا بيبقى عارفه و كدا يعنى مش هتبقى مفاجاة من الشركة محدش يعرفها غير مديرين الشركة , اكيد فى ناس كتير عرفوه , ممكن تقولنا بس على العربية و خلى الاسعار قبل اعلانها مباشرة.

اما عن العربية فاكيد الEtios ياما الياريس الجديدة و أنا اتوقع الEtios.

الموضوع: إجابة السؤال-مفاجاة تويوتا والشجرة- عندى بس مش قبل 20-1-2011

LinkBack

أدوات الموضوع

عرض

إجابة السؤال-مفاجاة تويوتا والشجرة- عندى بس مش قبل 20-1-2011 - انشر الموضوع فى :

-

-

-

-

-

-

-

-

المواضيع المتشابهه

إجابة السؤال الشائع: هم اللي في التحرير فاكرين نفسهم الأغلبية؟

إجابة السؤال الشائع (هم اللي في التحرير فاكرين نفسهم الأغلبية؟)

إجابة السؤال الحائر (اللي في التحرير دول عازين إيه؟)

مفاجاة تويوتا فى 2011

إجابة السؤال عن بنزين اللينيا, من شركة فيات

الكلمات الدلالية لهذا الموضوع

المفضلات

المفضلات

ضوابط المشاركة