عايز نصيحة لياريس 1500 اتوماتيك

**swimmer25** · 18-01-2011 01:37 PM

السلام عليكم يا منتدي التويوتا

انا اشتريت عربية ياريس 1500 اتوماتيك مستعملة في الخليج
العربية 2008 عاملة 62 الف كم...الكماليات..........مفيش خالص..ازاز ورايات يدوي ومفيش سنتر....انا استغربت بصراحة ان فيه ياريس مفيهاش كماليات كده

1- بحس ان الغيارات ناشفة بسيط...بصيت علي زيت الفتيس لاقيت لونه رمادي..ده معناه ايه؟
2- العربية لاقيتها النهاردة بتتهز شوية من قدام وانا ماشي...ده ممكن يكون عيب ايه؟
3- الجزء اللي فيه زرار الانتظار داخل لجوه شوية (ماخدتش بالي منه غير لما اشتريت) ده يتصلح ازاي؟
4- ياريت نصايح بايه اللي اعمله واخلي بالي منه في العربية

**Ahmod** · 19-01-2011 12:19 AM

انا معايا يارس اتوماتيك 1300 وزيك مافيهاش كامليات خالص

لا سنتر والزجاج يدوي ! يمكن الاوبشن الوحيد الموجود ان المرايات ضبط كهربا

بالنسبة لموضوع الهزة فده وانت ماشي عادي ولا لما بتفرمل ؟ لان لو بتحسه مع الفرملة فده طبيعي ومعناه ان ال abs شغال تمام 100%

مشكلة زرار الانتظار شكلها مشكلة عامة لانه برضوا بيعلق عندي !

الاحسن انك تودي العربية التوكيل عندك تخليهم يكشفو على الزيوت والعربية بشكل عام

وعموما العربية الكومبيوتر بتاعها ممتاز جدا واي عطل هتلاقي بيطلعلك على التبلو علامة حمرا ! اوعى تمشي بالعربية وفي اي لمبة حمرا منورة قدامك في التبلو لازم تبقا عارف دي بتاعة ايه ومنورة ليه

**swimmer25** · 19-01-2011 08:31 AM

شكرا يا جماعة علي ردودكم ونصايحكم الغالية

الهزة اللي بتحصل عندي بتحصل وانا ماشي وانا كمان بفرمل
طيب وانا بفرمل وعرفناها انها عشان abs
طيب وانا ماشي تبقي ايه...
حاجة تانية محدش ردلي عليها وهي زيت الفتيس الاوتو لونه رمادي ليه..وهل ده طبيعي..
وليه الكتالوج بيقول ان زيت فتيس الاوتو مش بيتغير خالص؟