بخصوص وضع السايرةعلى جهاز كشف الاعطال

**egman** · 16-01-2011 02:22 PM

السلام عليكم ورحمة الله وبركاته

انا كنت عايز اسأل هل الايبيزا موديل 94 ممكن تتحط على كمبيوتر الى بيكشف على الاعطال و الحساسات والحاجات ده ولا الموديل ده لا ينطبق عليه هذا الموضوع ؟

طيب لو فعلا بيتم توصيلها ازاى بيركب اللاب توب عليها او الكمبيوتر عليها بيتركب فين وازاى ؟

واية الى ممكن يخلى العربية ماتتقريش على الكمبيوتر ؟

**ehab_mansour** · 17-01-2011 11:26 AM

المشاركة الأصلية كتبت بواسطة egman

السلام عليكم ورحمة الله وبركاته

انا كنت عايز اسأل هل الايبيزا موديل 94 ممكن تتحط على كمبيوتر الى بيكشف على الاعطال و الحساسات والحاجات ده ولا الموديل ده لا ينطبق عليه هذا الموضوع ؟

ايوة بيتوصل علي جهاز كشف الأعطال لأن حسب معرفتي ان الموديل ده فيه كنترول يونت ECU وطالما فيه يبقي بيكشف عليه بالكمبيوتر

طيب لو فعلا بيتم توصيلها ازاى بيركب اللاب توب عليها او الكمبيوتر عليها بيتركب فين وازاى ؟
اللابتوب بيتوصل عليها عن طريق كابل بتصنعه شركات خاصة بتعمل سوفتوير بيتثبت علي اللابتوب وبتشتري منها الكابل وبخصوص مجموعة فولكس فده موقع الشركة عليها الكابل والسوفتوير
http://www.ross-tech.com/vag-com/hex-usb+can.html
والكابل ده بيتركب في اليو اس بي في اللابتوب وفي العربية فيه فيشة عندك تحت الغطاء اللي بيغطي علبة الفيوزات بيتركب فيها

واية الى ممكن يخلى العربية ماتتقريش على الكمبيوتر ؟

أسباب كتيييييير جدا منها :-
1- ان الكابل مش أصلي لأن فيه منه مضروب صيني او فيرجن الكابل غير متوافق مع الموديل
2- فيشة التوصيل اللي عندك في العربية فيها مشكلة او أسلاكها مش متوصلة كويس مع وحدة الكنترول يونت ومع علبة الفيوزات
3- وحدة الكنترول يونت فيها مشكلة ومش قادرة تحقق اتصال باللابتوب
4- صاحب الابتوب مش عارف يستخدم برنامج كشف الأعطال لأنه بيحتاج تدخله بعض البيانات عن العربية عشان يقدر يقرأها

**egman** · 17-01-2011 04:11 PM

الف الف شكر يا ايهاب باشا على الاهتمام .

هو فعلا فى كنترول يونت وفي فعلا فيشة هجربها المرة الجاية ان شاء الله .

ا / alzelafy

ممكن اعرف ليه بتقول يا ريت تتطلع 1300 مش 1400 ؟

**alzelafy** · 19-01-2011 07:24 PM

عشان تريح دماغك من اعطال الحساسات اللى فى الانجكشن و اللى ممكن تتعبك عشان تعرف العطل فين لكن لو 1300 معندكش مشكله و لا جهاز كشف اعطال و لا غيرو الموضوع ملموم و دى وجهه نظرى و قد تكون خاطئه

**ehab_mansour** · 19-01-2011 09:24 PM

المشاركة الأصلية كتبت بواسطة alzelafy

عشان تريح دماغك من اعطال الحساسات اللى فى الانجكشن و اللى ممكن تتعبك عشان تعرف العطل فين لكن لو 1300 معندكش مشكله و لا جهاز كشف اعطال و لا غيرو الموضوع ملموم و دى وجهه نظرى و قد تكون خاطئه

معلش أسف اني اختلف معك في وجهة النظر دي
لو فعلا كلامك صح يبقي خلاص نخلينا في عربيات الثمانينات واول التسعينيات ومافيش حد يشتري جديد ولا حديث ولا مستعمل من بداية 2000 لأنها كلها تعتمد علي الحساسات وأنظمة الكنترول والتي تعبر عن التطور العلمي واستخدام التكنولوجيا الحديثة في سبيل رفاهية الإنسان
معلش بخصوص اني شغلي أصلا كله في أنظمة الكنترول والحساسات فعايز أقول لحضرتك ان العالم كله حاليا بيتجه صناعيا وعلميا في تطبيق أنظمة الكنترول في كل مناحي الحياة من صناعات الي البيت الذكي الي السيارات المتطورة التي تعتمد كلها علي أنظمة الكنترول والالكترونيات والحساسات الي الطرق ومراقبتها الي ................ حتي لعب الأطفال والغسالات والتليفزيون و .... كل حاجه

**behman** · 25-01-2011 11:05 AM

معلش أسف اني اختلف معك في وجهة النظر دي
لو فعلا كلامك صح يبقي خلاص نخلينا في عربيات الثمانينات واول التسعينيات ومافيش حد يشتري جديد ولا حديث ولا مستعمل من بداية 2000 لأنها كلها تعتمد علي الحساسات وأنظمة الكنترول والتي تعبر عن التطور العلمي واستخدام التكنولوجيا الحديثة في سبيل رفاهية الإنسان
معلش بخصوص اني شغلي أصلا كله في أنظمة الكنترول والحساسات فعايز أقول لحضرتك ان العالم كله حاليا بيتجه صناعيا وعلميا في تطبيق أنظمة الكنترول في كل مناحي الحياة من صناعات الي البيت الذكي الي السيارات المتطورة التي تعتمد كلها علي أنظمة الكنترول والالكترونيات والحساسات الي الطرق ومراقبتها الي ................ حتي لعب الأطفال والغسالات والتليفزيون و .... كل حاجه

كلام زي الفل +1111111111