معايا ياريس بتعوم مني وعايز اعرف السبب ! !

**Ahmod** · 16-01-2011 06:05 PM

السلام عليكم

انا معايا عربية يارس موديل 2007

1300 / اتوماتيك

العربية معايا بقالها اربع سنين الحمد لله مافيش اي عيوب ولا اي مشاكل غير انه عومت مني مرتين

والمشكلة انه بتعوم على سرعة 100 تقريبا ! مش ببقا مزود عن كدة

اول مرة كنت على الصحراوي كنت ماشي تقريبا في حدود ال 100

مكروباص خبط في عربية دايو قدامي اضطريت اني اكسر مع فرملة لقيت العربية امركت مني على الطريق وربنا ستر ان ماكنش فيه حاجة جية من ورا خبطتني

المهم كبرت دماغي وقلت جايز عشان كسرة الدركسيو على السرعة العالية خلت العربية تعوم مع ان 100 مش السرعة اللى المفروض العربية تعوم عليها !

تاني مرة كنت باخد غرزة مابين عربيتين بعد ماخت الغرزة بعدل راحت العربية قعدت تحدف يمين وشمال بطريقة غريبة جدا ! ! وربنا ستر وماتقلبتش

مع اني خت زي الغرزة دي كتير قبل كدة والعربية ماعومتش

انا كنت تقريبا ماشي 80 سعتها وكبست بنزين عشان اسحب واخد الغرزة بالكتير اوي الكبسة دي هتكون وصلتني ل 100 ماعتقدش اكتر من كدة

فين ناس قالولي ان اكيد فيه عيب في العفشة ! او في الفرامل

وانا مش عارف ايه قصة التعويم دي خاصا لما بكسر مع فرملة !

ياريت اللى عنده خلفية ينورني خاصا لو كان احد ملاك العربية وساقها وعارف ثبتها

**Ahmod** · 16-01-2011 06:56 PM

المشاركة الأصلية كتبت بواسطة felix

اكشف على العفشة وركب جنوط سبور مثلا وان شاء الله كل خير

ان شاء الله هروح التوكيل في ابو رواش وربنا يسهل

بس اللى اقصده هل اللى حصل ده حاجة مش طبيعية وماكنش المفروض يحصل ؟ وحصل نتيجة عيب موجود عندي في العربية ؟

**Ahmod** · 16-01-2011 11:10 PM

المشاركة الأصلية كتبت بواسطة a7mode

هوا حضرتك متعود على سواقه الغرز دى ولا لسه جديد فيها؟؟ عالعموم روح ربط العفشه واكشف على المقصات احتمال كبير تكون مقصات ..

لا يا باشا متعود عليها وده اللى خلاني استغرب لان اول مرة العربية تعمل معايا كدة

حتى لو تلاحظ هتلاقيني كاتب اني خت زي الغرزة دي قبل كدة كتير وماعومتش ولا حاجة !

انا كنت قبلها علطول عند ملف جامعة الدول وانت داخل جامعة الدول من نحية احمد عرابي وعمر فندي خت غرزتين عكس الملف وكانت العربية ماسكة نفسها تمام

مش عارف ايه اللى حصل في الغرزة دي بالذات ! !

**pro_samir** · 17-01-2011 03:44 AM

فرامل جامده مع كسر الدركسيون علي سرعه غلط (معرفش هي فيها abs ولا لأ)

بالنسبه للغرزه احتمال الأرض كان عليها حاجه هي اللي عملت كده زي تراب او رمل خفيف مثلا

أخبار الكاوتش الخلفي إيه ؟

و المساعدين الخلفيه ؟

**tameraast** · 18-01-2011 07:28 AM

لا طبعا الجنوط الاصلى مش افضل بالذات لو قصدك على الحديد

ضعيفه جدا فى النقر المطبات

**Ahmod** · 19-01-2011 12:11 AM

المشاركة الأصلية كتبت بواسطة pro_samir

فرامل جامده مع كسر الدركسيون علي سرعه غلط (معرفش هي فيها abs ولا لأ)

بالنسبه للغرزه احتمال الأرض كان عليها حاجه هي اللي عملت كده زي تراب او رمل خفيف مثلا

أخبار الكاوتش الخلفي إيه ؟

و المساعدين الخلفيه ؟

والله هي الفرملة ماكنتش الجامدة اللى في بالك وفي نفس الوقت الكسرة يدوب تعدي الخرزة

انا خت غرز بنفس الطريقة ونفس الكسرة ونفس الفرملة قبل كدة كتير ومحصلش حاجة بس مش متذكر ان كان على نفس السرعة او لاء

الكاوتشات من سعت ماجبت العربية ماغيرتهاش لان انا مش بنزل بالعربية كتير ومشاويري قليلة جدا فالعربية بقالها معايا حوالي اربع سنين ماعملتش بيها الا 20 الف كيلو

ورحت بيها اسكندرية حوالي سبع تمن مرات فاعتقد لو ماكتش سافرت كان زمنها دلوقتي اقل من 10 الف كيلو !

المشاركة الأصلية كتبت بواسطة tameraast

بص على تلات حجات

دراع الاستبيليزر
الاسكتره
الطنابير

ان شاء الله ناوي اروح التوكيل قريب

المشاركة الأصلية كتبت بواسطة mahmoodallam

ممكن الجنوط تكون السبب
لو مقاسات فتحات المسامير مبوشة هتعوم
احسن حاجة الجنوط الاصلي
دي وجهة نظري

المشاركة الأصلية كتبت بواسطة tameraast

لا طبعا الجنوط الاصلى مش افضل بالذات لو قصدك على الحديد

ضعيفه جدا فى النقر المطبات

بصراحة معنديش خلفية عن الجنوط لان اللى عندي طاسات

بس لو حبيت اركب جنوط نضيفة هتدخل في سكة كام تقريبا ؟

-

-

الموضوع: معايا ياريس بتعوم مني وعايز اعرف السبب ! !

LinkBack

أدوات الموضوع

عرض

-

المواضيع المتشابهه

البورا بتعوم معايا بعد 120

العربيه بتاكل بنزين وعايز مكان كويس يكشف ويقولي السبب

العربية بتعوم ومش عارف السبب!!!!

ارجو المساعدة \معايا بروتون ويرا وعايز اعرف ايه الى ممكن يتعمل فيها

معايا نوبيرا 2001 1600 سيسي وعايز اعرف رسوم التجديد لمدة سنة بعد التعديلات الجديدة وش

الكلمات الدلالية لهذا الموضوع

المفضلات

المفضلات

ضوابط المشاركة