اخر فضائح فودافون ( من سلسله فضائح فودافون معي)

**am79** · 19-01-2011 02:15 AM

انا عملت موضوع علي الجروب بتعهم ياريت الاخوه هنا يدعموني برأيهم بالرد هناك علي الجروب
بعد اذن الادارة بحط الرابط بتاع الفيس بوك

اخر فضائح فودافون ( من سلسله فضائح فودافون معي)
رابط المشكله علي جروب فودافون بالفيس بوك
â€«ط§ط®ط± ظپط¶ط§ط¦ط. ظپظˆط¯ط§ظپظˆظ† ( ظ…ظ† ط³ظ„ط³ظ„ظ‡ ظپط¶ط§ط¦ط. ظپظˆط¯ط§ظپظˆظ† ظ…ط¹ظٹ) | Facebookâ€¬

**som3aa** · 19-01-2011 02:30 AM

هقول لحضرتك حاجة , موضوع المحضر فى القسم معتقدش انه مجدى لان فى العقد فى شرط ان لفودافون الحق بعد التوقيع عليه و لمدة 48 ساعة ان تمتنع عن تشغيل الخط و ترد اى اموال دفعت فى الخط لصاحبه , يعنى حضرتك اشتريت خط قبل ما يتفعل ليهم 48 ساعة من امضاء العقد انه يرجعوا فى كلامهم للاسف .

بس طبعا دا عيب جدااا و خصوصا على شركة زى فودافون يبقى الحل الفضيحة مش المحضر

حضرتك متسكتش ابدا على التهريج دا و اعملهم فضيحة كبيرة و صر على الشكوى و قولهم يعنى مش كفاية انكوا سحبتوا الخط و هو معايا لا كمان بتضحكوا عليا !!!
هيخافوا صدقنى من الفضيحة , بعدين رقم ايه اللى ب 30 الف دا ؟ محدش بيشترى الارقام دى منهم اساسا (مش علشان غالى , علشان ميستاهلش المبلغ دا) و الارقام دى بتتوزع وسايط .

**أحمد كمال** · 19-01-2011 02:33 AM

مانا قلت لكم .... المحامين اللي كاتبين صيغة العقود دي مش صغيرين و لا اي كلام و عاملين حساب كل حاجة و أي حاجة ممكن تطرأ

**moody1** · 19-01-2011 02:36 AM

المشاركة الأصلية كتبت بواسطة am79

السلام عليكم
اخر التفاصيل
ذهبت للفرع وطبعا واعطيته صورة العقد وقلتلهم الخط المفروض يشتغل في 24 ساعه من يوم 15 لحد النهارده 18
ومش شغال فأخذ العقد وادخل البيانات قالي الرقم ده مش هيشتغل قلتله ليه بقي قالي لان سعره مبالغ فيه ومش هينفع انه يتصرف ليك
قلتله انا مليش فيه انا اخترت الرقم وانتم وافقتوا عليه وانا بموجب العقد عاوز اشغله
قالي طيب لحظات اتصل من التليفون عنده بالتليفون واتكلم مع شخص معرفش هو مين وقال اتفضل كلم استاذ حسين مدير الشكاوي بالشركه
واتكلم معاه قالي يا استاذ اشرف احنا مش هنقدر نشغلك الخط ده قلتله ليه انا عاوز اشغله بموجب العقد الموجود معايه ولانتم مش معترفين بالعقد بتاعكم
قالي طبعا معترفين بيه بس الخط مشتغلش قلته طيب مهو انا جاي علاشان بطالب انه يشتغل زي ما حضرتكم قلتم هيشتغل في 24 ساعه ولحد دلوقت مشتغلش
قالي مش انت حضرتك قلت مش عاوز ارقام قلتله اه لان انا الرقم اصبح بموجب العقد الموجود معايه ملكي ولا انتم هتنكروا ده ولا عقدي غير معترف بيه ولا ايه
وانتم عاوزين تدوني رقم بديل تاني وانا مش عاوز منكم ارقام وانا دلوقت عاوز اشغل رقمي قالي اسفين انت حضرتك قرأت العقد كويس قلتله كويس جدا ووقعت عليه كمان وانتم كمان موقعين عليه
قالي مش هنقدر نشغله وبعرض عليك للمره الثانيه ارقام مميزه تانيه بدل من الرقم ده واحنا مش بنطلع الارقام دي لاي حد
قلتله انا طلبت رقم وانتم وافقتم عليه وقلتم روح اصرفه بعد 48 ساعه وبعد ما انا روحت صرفته قلتم ده ب 30 الف يعني انتم مفتكرتوش غير بعد ما اخدت الخط والعقد
قالي احنا منعرفش ان الرقم ده ب 30 ألف غير بعد ما اتصرف قلتله يبقي ده سؤ ادارة من عندكم ومش عارفين شغلكم ودلوقت انا جاي
و عاوز اشغل الخط هتشغلوه ام لا قالي لا مش هنشغله
قلتله خلاص انا معايه عقود رسميه من عندكم بالارقام الموجود عليها المشكله وهنشرها علي برامج التوك شو وعلي المنتديات
وفي الجرايد وهفضحكم في كل حته وهروح اعمل فيكم محضر دلوقت انكم مش عاوزين تشغلوا الرقم وبشكرك انك اهتميت بمشكلتي والجهات المختصه هتجبلي حقي منكم واعطيت التليفون لموظف خدمه العملاء ومشيت
وطبعا الكلام ده كان في وسط العملاء الموجودين في الفرع وطبعا صوتي لما انفعلت بقي عالي وكله قاعد بيسمع القصه وانا بتكلم في التليفون
وبعدين روحت عملت فيهم محضر في الشرطه من اول المشكله لحد ما رفضوا يشغلوا الخط وانهم اوهموني انهم هيعطوني رقم تعويض ومش عاوزين يشغلوه
وامين الشرطه اعطني رقم الاحوال بتاع المحضر وقالوا بعد يومين تراجع علاشان تأخد رقم الصادر
وبس هو ده كل إل حصل ايه رأيكم بقي وعاوز حد يشوف العقد كده كويس ويقولي انا رفعت الصور بتعته في المشاركه رقم 25

دول باردين اوى

اطلع عالمحامى على طول

**mahamedaraby** · 19-01-2011 03:32 AM

كلنا معاك ان شاء الله

وانا لسه حالا عامل مشاركه فى الموضوع

**am79** · 19-01-2011 03:51 AM

المشاركة الأصلية كتبت بواسطة mahamedaraby

كلنا معاك ان شاء الله

وانا لسه حالا عامل مشاركه فى الموضوع

منتحرمش منك يا باشا
وانا عارف ان الاخوه في المنتدي بعون الله بيقفوا معايه لان الواحد الصراحه بيحس انه في وسط اخوانه واهله
والله المستعان

**Ahmed Nouh** · 19-01-2011 04:44 AM

اقرأ يا باشا الفقرة ( ى ) من البند العاشر فى العقد

- يحق لفودافون ان تمتنع عن تشغيل الخط المتعاقد عليه بشرط اخطار العميل فى غضون 48 ساعة من تاريخ تحرير هذا العقد ، وفى هذه الحالة تلتزم فودافون برد اى مبالغ قد حصلتها من العميل

يعنى بالبلدى الناس دى مأمنة نفسها ضد المشاكل ، وطبعا اكيد هما كلموك فى غضون 48 ساعة من تاريخ العقد والمكالمة مسجلة عندهم ، يعنى دلوقتى احسنلك تاخد الخط ابو 3 الاف جنيه وتستعوض ربنا

بعض الشركات فى مصر وان كان يبدو عليها طابع العالمية هى فى الاساس عبارة عن شوية حرامية ببدل ، انا اول مرة اشوف عقد خط بيزنس واقراه بالتفصيل بصراحة

اساسا بعيداً عن البند ده فى كذا بند فى العقد بموجبهم ممكن فودافون تفسخ العقد فى اى وقت والعميل يخبط نفوخه فى الحيط

منهم البند 8 اللى يحق فيه لفودافون بتغيير الرقم بشرط انذارك قبلها بـ 30 يوم ولو مش عاجبك يبقى العقد مفسوخ

وفى بند 10 الفقرة ( ب ) بيقولك فودافون غير مسئولة عن اى اضرار تلحق بالعميل !!!! ، ده بالتأكيد يتضمن مشكلتك الاولى اللى تضررت فيها وبيكملوها فى الفقرة ( ج ) ان فودافون من حقها تعدل اى حاجة فى العقد وتخطرك ولو مردتش عليهم يبقى انت راضى بالتعديل ايا كان ولو رديت بالرفض يبقى عقدك مفسوخ

حسبنا الله ونعم الوكيل فى الرقابة الحكومية على الشركات دى اللى خلتها بتتحكم فينا واحنا اللى عملناهم بفلوسنا

**am79** · 19-01-2011 05:13 AM

المشاركة الأصلية كتبت بواسطة ahmed nouh

يعنى دلوقتى احسنلك تاخد الخط ابو 3 الاف جنيه وتستعوض ربنا

انا هفضل علي موقفي ومش عاوز منهم ابو 3 الاف ولو مش عاوزين يدوني الرقم برضه ابو 30 مش عاوزه

وكفايه انهم طلعوا كذابين ومراوغين ومش هيفرقوا عن اي واحد نصاب في الشارع
وكفايه اني اكشف كذبهم قصاد الدنيا
وهفضحهم وهما مش هيقدروا يقولوا محصلش لان العقود عندي وكفايه بس ان الناس تعرف كده انهم كذابين

المشاركة الأصلية كتبت بواسطة ahmed nouh

حسبنا الله ونعم الوكيل فى الرقابة الحكومية على الشركات دى اللى خلتها بتتحكم فينا واحنا اللى عملناهم بفلوسنا

هو ده خلاصه الكلام

**misoalex** · 19-01-2011 05:26 AM

المشاركة الأصلية كتبت بواسطة ahmed nouh

اقرأ يا باشا الفقرة ( ى ) من البند العاشر فى العقد

- يحق لفودافون ان تمتنع عن تشغيل الخط المتعاقد عليه بشرط اخطار العميل فى غضون 48 ساعة من تاريخ تحرير هذا العقد ، وفى هذه الحالة تلتزم فودافون برد اى مبالغ قد حصلتها من العميل

يعنى بالبلدى الناس دى مأمنة نفسها ضد المشاكل ، وطبعا اكيد هما كلموك فى غضون 48 ساعة من تاريخ العقد والمكالمة مسجلة عندهم ، يعنى دلوقتى احسنلك تاخد الخط ابو 3 الاف جنيه وتستعوض ربنا

بعض الشركات فى مصر وان كان يبدو عليها طابع العالمية هى فى الاساس عبارة عن شوية حرامية ببدل ، انا اول مرة اشوف عقد خط بيزنس واقراه بالتفصيل بصراحة

اساسا بعيداً عن البند ده فى كذا بند فى العقد بموجبهم ممكن فودافون تفسخ العقد فى اى وقت والعميل يخبط نفوخه فى الحيط

منهم البند 8 اللى يحق فيه لفودافون بتغيير الرقم بشرط انذارك قبلها بـ 30 يوم ولو مش عاجبك يبقى العقد مفسوخ

وفى بند 10 الفقرة ( ب ) بيقولك فودافون غير مسئولة عن اى اضرار تلحق بالعميل !!!! ، ده بالتأكيد يتضمن مشكلتك الاولى اللى تضررت فيها وبيكملوها فى الفقرة ( ج ) ان فودافون من حقها تعدل اى حاجة فى العقد وتخطرك ولو مردتش عليهم يبقى انت راضى بالتعديل ايا كان ولو رديت بالرفض يبقى عقدك مفسوخ

حسبنا الله ونعم الوكيل فى الرقابة الحكومية على الشركات دى اللى خلتها بتتحكم فينا واحنا اللى عملناهم بفلوسنا

+11111111111111111

زى مقال احمد كمال المحامين الى عاملين العقود دى عارفين هما عاملين ايه وازاى يخرجو من اى مطب

يعنى حتى لو اصريت على موقفك وشغلولك الخط ابو 30 الف ده ممكن بعد كام يوم يغيرولك الرقم وفيه بند موجود اهو يعنى الناس موقفهم قانونى

رأى خد الخط ابو 3000 بس اشرط انت بقى عليهم انك مش عاوزه على نظام جولد ده

وخللى الخط مقفول زى مهو وبيعه

-

الموضوع: اخر فضائح فودافون ( من سلسله فضائح فودافون معي)

LinkBack

أدوات الموضوع

عرض

-

-

-

-

-

-

-

المواضيع المتشابهه

من سلسلة فضائح فودافون (العقد فى جيبى والخط مشتغلش )

صور من مصر ( فضائح مصرية )....؟؟؟؟؟؟؟؟؟؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة