زائر من قسم الفيات ، طالب مساعدة في بيجو 504

**MASERATI** · 19-02-2011 09:06 PM

السلام عليكم و رحمة الله و بركاته

أنا و لله الحمد كنت النهاردة فى القاهرة و ربنا يسر و خلصت المشوار اللى كنت رايحله بسرعة و طلعت على جسر السويس و سألت لحااااااااااااد مالقيت الشركة المحمدية بتاع قطع الغيار اللى ورا مدرسة أنس بن مالك اللى عند حديقة بدر و سألته على الأبلاتين الالكترونى و اشتريته منه و روحت لميكانيكى تبعه كده فى الشارع اللى وراه و ركبهولى فى خلال بتاع 20 دقيقة و لدع منى 30 جنيه, بس مش مهم, لأن أنا و أنا راجع بالعربية من القاهرة الى المنصورة على الطريق الدائرى, لقيت أن العربية فرقت عن الأول بتاع 180 درجة على الأقل و بصراحة يستاهل الفلوس اللى ادفعت فيه, لأنى كنت قربت أكره العربية, بسبب أن التجميع بتاعها ماكانشى حتى محصل الشاهين مو1997 بتاعتنا.

بصراحة, أنا بشكر كل الأخوة الأفاضل اللى دخلوا و كتبوا مشاركاتهم و معلوماتهم عن الموضوع ده لأنى كنت عمال أدعيلهم طووووووووووووول الطريق و أنا سايق العربية.

ألف شكر ليكم جميعا و جزاكم الله كل خير

**smsm_nabawy** · 19-02-2011 10:23 PM

اللهم تقبل اللهم آمين :)

**MASERATI** · 20-02-2011 11:45 AM

المشاركة الأصلية كتبت بواسطة amrelsaqqa

الف الف الف مبرووووك يا باشا
تقرير جامد جدا
فعلا انا كمان عربيتى حاجة تانية برضه بيه

بس انا اتخضيت لما انت قلت لدع منى هههههههههه يا راجل حرام عليك :d

السلام عليكم و رحمة الله و بركاته

لأ يا باشا, الميكانيكى اللى لدع مش الأبلاتين .

**momed_love** · 05-03-2011 08:04 AM

بصراحه الموضع ركب دماغى و انا نزلت اشتريته خلاص ب 175
بس المشكله ان انا خايف اركبه ليبوز منى هوا ممكن اى حد بيركب العادى يركبه انا ممكن اخلى والدى يركبه

**MASERATI** · 05-03-2011 12:31 PM

المشاركة الأصلية كتبت بواسطة momed_love

بصراحه الموضع ركب دماغى و انا نزلت اشتريته خلاص ب 175
بس المشكله ان انا خايف اركبه ليبوز منى هوا ممكن اى حد بيركب العادى يركبه انا ممكن اخلى والدى يركبه

السلام عليكم و رحمة الله و بركاته

لو كنت خايف لحد يركبه غلط و يبوظه, فى ميكانيكى فى الشارع اللى ورا الراجل اللى أنا كنت جبت منه الأبلاتين ده, هو البياع اللى كان قاللى عليه, روحله و خليه يركبهولك .

و ربنا ييسرلك الأمور و ابقى طمننا , أنت عملت ايه .

**sterio_504ever** · 06-03-2011 02:39 PM

هههه انا كمان جيته و خايف اركبه

**amrelsaqqa** · 06-03-2011 07:25 PM

يا جماعة التركيب سهل

السلك الاحمر يركب في موجب الموبينة
والسلك الاسود في سالب الموبينة

للتفريق بين الموجب والسالب :
الموجب بتاع الموبينة السلك اللى فيه رايح للكونتاكت جوة العربية والسالب هو اللى رايح للاسبراتير للابلاتين سابقا
وكدة كدة مكتوب على الموبينة مين الموجب ومين السالب

وطبعا تفك الابلاتين والكوندنسر تماما وتركبه مكان الابلاتين وتعدى السلوك بتاعته من جوة الاسبراتير من الجنب لبرة وتربطه بنفس مسمار الابلاتين القديم
والحلقة المغناطيسية تركب على عمود الاسبراتير تحت الشاكوش
وتقفل وش الاسبراتير على كدة

**sterio_504ever** · 06-03-2011 07:57 PM

اسكت شوفت المفجاه

انهرده نزلت و انا بطلع بالعربيه بسمع صوت خبطه فى العجله الى ورايا

ببص يا معلم لاقيتلك كوتشه الكوبلن مقطوعه

حد يعرف تكلف كام ؟؟؟؟

**amrelsaqqa** · 06-03-2011 08:17 PM

المشاركة الأصلية كتبت بواسطة sterio_504ever

اسكت شوفت المفجاه

انهرده نزلت و انا بطلع بالعربيه بسمع صوت خبطه فى العجله الى ورايا

ببص يا معلم لاقيتلك كوتشه الكوبلن مقطوعه

حد يعرف تكلف كام ؟؟؟؟

اوباااااا
مشكلة كاوتشة الكوبلن دى ، بس اعتقد والله اعلم ان طالما سمعت صوت يبقى الموضوع تجاوز الكاوتشة ودخل على الكوبلن شخصيا وربنا يستر

اعتقد الكاوتشة لو هى موجودة ممكن تعمل 20 جنيه ولا حاجة
واتمنى ما يكونش الكوبلن نفسه