زائر من قسم الفيات ، طالب مساعدة في بيجو 504

**MASERATI** · 23-03-2011 01:19 AM

المشاركة الأصلية كتبت بواسطة sterio_504ever

يا جماعه النجده

انا كنت ببص بصه كده على الالكترونى لقيت الحته الحمرا دى سايحه حته بسيطه و مسوده هوا دا عادى ولا ايه ؟؟؟

السلام عليكم و رحمة الله و بركاته

هو أنا بصراحة مابصيتش عليه من ساعة ماركبته, بس هى العربية بتاعتك شغالة و لا -لاقدر الله- عطلت ؟؟؟؟

**amrelsaqqa** · 23-03-2011 02:45 AM

يا جماعه النجده

انا كنت ببص بصه كده على الالكترونى لقيت الحته الحمرا دى سايحه حته بسيطه و مسوده هوا دا عادى ولا ايه ؟؟؟

الموبينة عندك فين ؟
هل موجودة في المكان الغبى اللى في الجنب اليمين اللى فوق صهد الشكمان ؟
لو كدة غير مكانها واتأكد برضه ان مفيش سلوك ضعيفة او حاجة مش مربوطة كويس
ده لو قصدك على طرف السلك

ولا انت قصدك الحتة الحمرا اللى هى جوة الاسبراتير ؟
لو كدة اظن طبيعى من سخونة الماتور والاسبراتير
عموما بيبقى جاى معاها معجون ابيض كدة كان المفروض يتحط تحتها قبل ما تتركب زي ما بيتحط تحت مروحة البروسيسور في الكمبيوتر كدة

**amrelsaqqa** · 23-03-2011 02:49 AM

المشاركة الأصلية كتبت بواسطة maserati

السلام عليكم و رحمة الله و بركاته

ياااااااااااااااااااه, 60 فى الصفيحة و لا 160 و أنت اللى نسيت ال1؟؟؟

أصل كده بتاكل أكتر من كاديلاك 8 سلندر مو 1976 اللى هى بتبقى 7200 سى سى؟؟؟؟!!!!!!!!!

اه والله 60 وممكن ما تكملهومش كمان وفي احسن الحالات 70 !!!
وغلبت في الكربراتير بتاعها بس واضح ان العيب منه هو مش من اي حاجة تانية
انا مظبط الكهربا على الشعرة ومركب الكترونى ومظبط كل حاجة والموتور حالته مش سيئة

رحت لواحد بتاع كربراتير غيرلى البيكات وحطلى مقاسات 110 و 125 ومفيش فايدة
انا لما ببص جوة الكربراتير والعربية دايرة على السلانسيه بلاقى الباب ناشف
مجرد ما ادوس دوسة صغيرة على بكرة الاكسراتير الاقى كمية بنزين جامدة بتغرق الباب ، ( سرسوب بنزين كأنى فتحت حنفية بنزين وكل ده وانا يعتبر لامس الدواسة )

انا زهقت منه وهغيره يعنى هغيره ان شاء الله بس كان نفسى يتصلح لأنه 2 باب ومفترى في السحب

**lasthell** · 23-03-2011 04:10 AM

اعزرونى مش هقدر اجيب صور علشان العربيه ضربت منى جوان وش السلندر و وش السلندر فيه مشكله بعته مصر يتعمل و احتملات هغيره ... على العموم انا مركب البوبينه العاديه و اسبراتير عادى برضه و ابلاتين و كوندنسر عادى جدا بس العربيه دى فيها عفريت بجد ... لما بشد مع سيراتو او النترا او لانسر باكلهم من الطلعه .. مع العلم انه لما باجى اكبس اكسلاتير العربيه بتفتح الباب التانى و تاخد فى اسنانها و تطير
- الكاربراتير البخار ده بيبقى 2 باب و لو حالته كويس مش بياكل بنزين .. ده اكتر كاربراتيه بيفوق ال504 + انى مركب ديفل اصلى مش علبه ... ده بيفرق فى الهورس بور.. المتور الحمد لله تقريبا لسه بحالته دى اول مره بيتفك عشان وش السلندر بس الحمد لله ربنا يصبرنى على بال ما تخلص و ترجعلى :(

**sterio_504ever** · 23-03-2011 10:01 PM

المشاركة الأصلية كتبت بواسطة amrelsaqqa

الموبينة عندك فين ؟
هل موجودة في المكان الغبى اللى في الجنب اليمين اللى فوق صهد الشكمان ؟
لو كدة غير مكانها واتأكد برضه ان مفيش سلوك ضعيفة او حاجة مش مربوطة كويس
ده لو قصدك على طرف السلك

ولا انت قصدك الحتة الحمرا اللى هى جوة الاسبراتير ؟
لو كدة اظن طبيعى من سخونة الماتور والاسبراتير
عموما بيبقى جاى معاها معجون ابيض كدة كان المفروض يتحط تحتها قبل ما تتركب زي ما بيتحط تحت مروحة البروسيسور في الكمبيوتر كدة

اوبااااااااااااا

انا دهنت المعجون ده مبين الحته الحمرا و السوده يعنى هوا المفرووض يتحط فيين ؟؟

**MASERATI** · 23-03-2011 10:30 PM

المشاركة الأصلية كتبت بواسطة lasthell

اعذرونى مش هقدر اجيب صور علشان العربيه ضربت منى جوان وش السلندر و وش السلندر فيه مشكله بعته مصر يتعمل و احتملات هغيره...................

السلام عليكم و رحمة الله و بركاته

هو الكاربيراتير البخار ده, أنت جايبه و مركبه للعربية البيجو ال504 بتاعتك و لا هو جاى مع العربية.

و ايه رأيك فى الانجكشن؟؟؟

أنا أعرف أن الموديلات العالية من البيجو ال505 كانت بتنزل انجكشن مش كاربيراتير, كده و لا لأ؟؟؟

هو أنا لو عاوز أغير الموتور و أخليه efi انجكشن, يكلف كام؟؟

أما أنا أول امبارح شوفت حته عربية بيجو 505 أميركى لونها أخضر, كانت منطقة حرة بورسعيد و كانت واقفة عندنا فى المنصورة فى شارع جيهان أمام العيادة بتاع الكلى و المسالك, بس كانت عبارة عن تحفة مالهاش حل, تحس أنها عبارة عن أسد واقفة على الأرض.

ألا ماحدش يعرف مين أحسن واحد أجيب منه طقم بساتم للعربية البيجو ال505 من بورسعيد لأنى ماروحتش هناك لوحدى قبل كده عشان أجيب حاجة للعربية.

**amrelsaqqa** · 23-03-2011 11:17 PM

المشاركة الأصلية كتبت بواسطة sterio_504ever

اوبااااااااااااا

انا دهنت المعجون ده مبين الحته الحمرا و السوده يعنى هوا المفرووض يتحط فيين ؟؟

اختلفت الاراء
ناس قالت بيتحط بين عمود الاسبراتير والحلقة المغناطيسية
بس انا لما حطيته حطيته بين الحساس الاحمر نفسه وارضية الاسبراتير
يعنى يتحط في قاعدة الحساس قبل ما يركب في الاسبراتير

لأنى لقيته زي معجون الحرارة بالظبط والحساس ده جواه في ترنزستورات وحاجات بتسخن وقاعدته المونيوم فقلت يبقى اكيد ده مكانها بحيث تتزنق في الوسط ما بين الحساس وجسم الاسبراتير

**lasthell** · 23-03-2011 11:53 PM

الكابراتير ده انا جبتو استيراد نمره واحد فعلا زيرو ... جبتو ب 2500 جنيه بس بجد ده فعلا بيخلى العربيه حاجه تانى .. ده اصلا بتاع ال 504 ده لمحبى ال 504 لو عاوزين تخلو العربيه بجد اسد

**MASERATI** · 24-03-2011 01:08 AM

المشاركة الأصلية كتبت بواسطة lasthell

الكابراتير ده انا جبتو استيراد نمره واحد فعلا زيرو ... جبتو ب 2500 جنيه بس بجد ده فعلا بيخلى العربيه حاجه تانى .. ده اصلا بتاع ال 504 ده لمحبى ال 504 لو عاوزين تخلو العربيه بجد اسد

السلام عليكم و رحمة الله و بركاته

معلش يا أخى الفاضل, استحملنى لأنى ناوى أتقل عليك شوية بس ده من عشمى و الله.

هو الكاربيراتير البخار ده غير اللى كان نازل فى العربية أصلا و لا ده زى الأصلى اللى كان نازل فى العربية البيجو ال504, بس بحالة أحسن من اللى كان فيها على أساس اللى كان فيها ممكن يكون استهلك.

اللى أنا أقصده, أن أما ده اسمه كاربيراتير بخار, أومال اللى بينزل فيها أصلا اسمه ايه؟؟؟

بس, شكلك كده بتجيب لعربيتك ال504 حاجات نظيفة, هو أنت بتجيب الحاجات بتاعتها منين؟؟؟

شكرا و جزاك الله كل خير

**amrelsaqqa** · 24-03-2011 03:52 AM

هل المقصود بالكربراتير البخار الكربراتير ده :

اللى اسمه zenith
هو ده بالظبط اللى عندى ( اللى بياكل صفيحة في 60 كيلو ابن الذينة ده ) 2 باب باستثناء بس الحتة اللى فيها الخرطوم والمنفاخ والسوستة عندى عبارة عن بكرة اكسراتير عادية

والمانيوال بتاعه كاملا في اللينك ده
Zenith Carb Manual TOC

وهو بيشرحه على انه في عربيات مرسيدس بس هو هو اللى عندى

في المانيوال بيشرح انك تركب 2 كربراتير وتربطهم ببعض يعنى يبقى عندك 4 ابوااااااب ، قمة الافترااااااااا :D