زائر من قسم الفيات ، طالب مساعدة في بيجو 504

**amrelsaqqa** · 18-01-2011 05:34 AM

المشاركة الأصلية كتبت بواسطة sterio_504ever

انا بصراحه اول مره اسمع عن حوار الابلتين الالكترونى ده انا من القاهره و ساكن جنب جسر السويس
بس عايز اسئلك يعنى هوا بيخلى العربيه تجرى اكتر
و عندى اقتراح تانى لسمسم انت تشيل الفلتر الزيت و تركب فلتر هوا بتاع ال504 وتشيل عليه من التلات علب بتوع الشكمان
او تشيل الاتنين الى ورا و تركب ديفل
او بدل الديفل ممكن تغير الماسوره بتاعت الشكمان و تجيب اوسع شويه
هيا هتجرى بس هتاكل بنزين انا ربت فلتر اسبور انجيكشن و بسم الله مشاء الله العربيه اتجننت و بات هبله رسمى
انا اخر مره جريت بيها عند المنصه و جابت 180

بسم الله ما شاء الله
طيب يا ريت توضحلنا انت مركب الفلتر ازاى وياريت لو صور
وهل الفلتر بيفرق في الاداء والصوت جامد ؟

عايزين نعمل رابطة للـ 504 كدة وندي للعربية دى قيمتها تانى

بالنسبة للالكترونى ، كفاية انه بيريحك من قرف الابلتين وظبط الكهربا كل شوية ، دى لوحدها ميزة جامدة

انا كنت ركبته وجبت موبينة الكترونى ، معاه
العربية كانت قبل كدة بتنتش وماتظبطش مشي في السلانسيه ابدا
ومهما اغير ابلتين وكوندنسر واظبط كهربا مفيش فايدة لأن الجديد اغلبه ان مكنش كله مضروب
المهم بعد ما ركبته ظبطت الكهربا مرة واحدة بس وبعدها ما لمستش الاسبراتير والعربية بقت فايقة جدا وبتجمع سرعة اسرع من الاول بكتير ورغم ان عربيتى فيها دسك واسطوانة وماكنتش بعرف اجيب الـ 100 الا بصعوبة الا انى برضه حسيت بالفرق وبقيت اجيب 120 بسهولة ولسه لما اغير الدبرياج ان شاء الله هحس اكتر

و عشان اقولك على الفرق ، حصل معايا موقف لما كنت عند الميكانيكى والمهم حصل غلط وكان فاكك الاسبراتير ورجع ركب البتاع ده بالعكس ، يعنى الموجب في السالب والسالب في الموجب فطبعا اتحرق ، والكلام ده كان بالليل الساعة 11 ، وستر ربنا انى مخلى معايا موبينة وابلتين وكوندنسر القدام احتياطى في الشنطة عشان لو العربية قطعت تحت اي ظرف ، مش عايز اقولك ركبت الابلتين والكوندنسر عشان اروح بالليل ، مابقتش طايق العربية ولا واخد عليها كدة ، وتانى يوم رحت جبت واحد تانى جديد
وهو ده العيب الوحيد الى شفته فيه ، انه ممكن يتحرق لو ركب غلط وانت مش واخد بالك
غير كدة هو 100 100

**MASERATI** · 18-01-2011 12:38 PM

المشاركة الأصلية كتبت بواسطة amrelsaqqa

بسم الله ما شاء الله .........................................

.................................. حصل معايا موقف لما كنت عند الميكانيكى والمهم حصل غلط وكان فاكك الاسبراتير ورجع ركب البتاع ده بالعكس ، يعنى الموجب في السالب والسالب في الموجب فطبعا اتحرق ، والكلام ده كان بالليل الساعة 11 ، وستر ربنا انى مخلى معايا موبينة وابلتين وكوندنسر القدام احتياطى في الشنطة عشان لو العربية قطعت تحت اي ظرف ، مش عايز اقولك ركبت الابلتين والكوندنسر عشان اروح بالليل ، مابقتش طايق العربية ولا واخد عليها كدة ، وتانى يوم رحت جبت واحد تانى جديد
وهو ده العيب الوحيد الى شفته فيه ، انه ممكن يتحرق لو ركب غلط وانت مش واخد بالك
غير كدة هو 100 100

السلام عليكم و رحمة الله و بركاته

أنا ان شاء الله فى أقرب فرصة, هصورلك الاسبراتير و الموبينا و أوريهوملك, و عالعموم, الموبينا اللى عندى هى اللى نازلة فى العربية, اللى هى بشكل اسطوانى و لونها أسود و راكبة عاليمين فى الحوض و طالع منها الكابل ده اللى رايح للاسبراتير اللى بيبقى راكب فيه الأبلاتين و الكوندنسر, تفتكر هحتاج أنى أغيرها هى كمان, و الموبينة الالكترونى دى بتيجى منين و بتبقى جديدة و لا استيراد و لا صينى .

ألف شكر و جزاك الله كل خير و جعله فى ميزان حسناتك .

**amrelsaqqa** · 18-01-2011 02:23 PM

الموبينة الالكترونى ميزتها ان شرارتها اقوى وهى بتبقى يابانى ب 65 جنيه
اهم حاجة تصور الابلتين مش الموبينة ، او بمعنى اصح الاسبراتير من جوة بعد فك الوش بتاعه

**MASERATI** · 18-01-2011 03:23 PM

المشاركة الأصلية كتبت بواسطة amrelsaqqa

الموبينة الالكترونى ميزتها ان شرارتها اقوى وهى بتبقى يابانى ب 65 جنيه
اهم حاجة تصور الابلتين مش الموبينة ، او بمعنى اصح الاسبراتير من جوة بعد فك الوش بتاعه

السلام عليكم و رحمة الله و بركاته

يا باشا , أنا متشكر ليك جدا جدا .

أنا ان شاء الله هصورلك الاسبراتير من جوه, بس على فكرة, أنا افتكرت دلوقتى أنى بخلى الميكانيكى بتاعى يركب كوندنسر مرسيدس مش بيجو لأنى اكتشفت أنه بيعيش أكتر من بتاع البيجو لأن أغلب اللى فى السوق مضروب دلوقتى تقريبا .

**smsm_nabawy** · 18-01-2011 03:42 PM

المشاركة الأصلية كتبت بواسطة amrelsaqqa

بالنسبة للكربراتير
انا عربيتى فيها كربراتير 2 باب وبتاكل بنزين بالهبل
يعنى جوة البلد ممكن الصفيحة تمشى 60 - 70 كيلو بالعافية بنزين 80
وغلبت فيها وبفكر اجيب كربراتير جديد باب واحد

المهم خلى صاحبك يفكر كويس ولو العربية استهلاكها كويس ما يحاولش يكبر الكربراتير لأنه ممكن يكره العربية بعد كدة لو الاستهلاك زاد جامد

والله هو بالفعل عنده أستهلاك العربية للبنزين عالي ،، لو كده ،، يبقى بلاش نكبر البوابات ....

خلينا في موضوع الابلاتين الالكتروني ده

**smsm_nabawy** · 18-01-2011 09:24 PM

المشاركة الأصلية كتبت بواسطة unendlich

فلتر الهوا بتاع ال 504 (و بعض ال 505) بيبقى جواه زيت عشان يساعد على تنضيف الهوا و ده بيعيش إلى الابد
مجرد يتنضف.
هو قصده بقى شيل ده و حُط اللي هو المدور

خد بالك إن موضوع قص اليايات ده خطأ شائع و أي مهندس مواد هيقولك إن تسخين الحديد بالمنظر ده بيبوظ الخصائص بتاعته, هاتلها يايات جديدة أنشف و اوطى بس نصيحة بلاش القص ده عشان هيندم إنه بوظ الفبريكة

موضوع الكربراتير ده كل شيء موجود بس في رأيي مش مستحب قوي

العربية عندك أكيد فيها حاجة مش مظبوطة, أنا بعمل بيها 180-200 في الصفيحة الحمد لله

أولاً متشكر جداً لرد حضرتك ،،

ثانياً أنا الحمد لله طالب في هندسة كيميائية ،، و عارف الموضوع ده كويس ،، بس الغرض حالياً تهبيط العربية و أختبارها بعد التهبيط من ناحية الثبات ،، لحد ميشتري سوست سبور،، أو سوست أقل في عدد اللفات ،،

و احنا حنقطعها صاروخ مش حنسخنها ، للاختبار فقط ،،

أما بالنسبة لحكاية الفابريكة ،، فأن اليايات دي عندهم بقالها كااااام سنة :)))

و أصلاً والده شايل اليايات الأصلية و شاري يايات تانية غير فبريكة العربية ،، و حاططهم من حوالي 5 سنين

فعشان كده حنشتغل و أحنا مطمنيييييييييييين :)))

**sterio_504ever** · 19-01-2011 12:42 AM

المشكله ان انا مش عارف ارفع الصوره
بس اللينك اهو
Login | Facebook

**smsm_nabawy** · 19-01-2011 01:21 AM

المشاركة الأصلية كتبت بواسطة sterio_504ever

ايوه زى مالراجل قال
انا بقى العربيه بتعتى جايه من بلدها بفلتر الهوا
الى مش بيتحطلو زيت كل الى عملتو ان انا شيلتو و وصلت الانجكشن بالخرطوم بس و فرق اكتر بيدخل هوا اكتر من الاول و هوا ساقع كمان و بيطلع صوت جامد

و كل ما الفلتر يكون اصلى بيدى مفعول اكتر

و على فكره لازم بعد متركب الفلتر تنزل ديفل و كده

عشان الهوا الى دخل المكنه ده كلو هيروح فين ؟

و انا موافق على رابطه لل504

و للافاده الجروب بتاعنا على الفيس بوك اسمو peugeot 504 fans
ممكن تشرفونا بيه

فهمتك الحمد لله ،، بس ملحوظة ،،
1-فلتر الهوا السبور ،، مش لازمله ديفيل

2-الديفيل مش بيخرج هوا أكتر من الموتور ،، هوا بيخرج نفس كمية الهوا ،، و لكن أسرع ،، أو بيقلل المقاومة لغاز العادم اللي خارج

بمعنى ،، أنه عكس وظيفة اللفلتر ،،

و كمان ياريت الديفيل بيعمل حاجة ،، هوا بس بيعمل صوت ،، عشان خلخلة الهوا ،، الهوا عشان يخرج أسرع و يفرق أداء ،، لازم المواسير من اول الفرن "الهيدرز"لحد اللي ميطلع بره العربية تكون متوسعة

انا مركب فلتر هوا ليا و لناس تانية كتير من صحابي ،، و الاداء بتاعه حلو جداً،، و لكنه لا يتأثر بتاتاً بالديفيل ،، و ركبت ديفيل مع صحابي،، و جازما أصلي ،، و برده لا يوجد تأثير ملحوظ على الأطلاق من العربية ،، و لكن هو حلو في حاجة

الصوووووووووووت ،

، صوته مع صوت الفلتر ،، بيخلي دماغك تلسسسسسع

:)) و عايز تجري و تحرق على طووول :)))

دي ملاحظاتي بس

تقبلها و شكراً ،،..

-

الموضوع: زائر من قسم الفيات ، طالب مساعدة في بيجو 504

LinkBack

أدوات الموضوع

عرض

-

-

-

-

-

المواضيع المتشابهه

زائر من قسم الفيات يسأل عن حاجات في ال 504

اخوكم من قسم اوبل طالب استشارة من خبراء الفيات

يا جماعة طالب مساعدة

رجاله الفيات طالب مساعده بخصوص موتور

الكلمات الدلالية لهذا الموضوع

المفضلات

المفضلات

ضوابط المشاركة