فابيا مينى 2010 ولا اكسنت rb 2011

**OldVic** · 18-02-2011 02:42 PM

فابيا بكل تأكيد!!! أنا ركبتها إمبارح، فعلا خامات ممتازة، جودة عالية و solid build quality (اسف ماعرفتش اوصل المعنى ده بالعربى)، قطع الغيار حتبقى أوروبى و معظمها ألمانى و بالتالى معمرة و فى النهاية السيارة لسة زيرو

**محمد محمد** · 18-02-2011 03:00 PM

الفابيا كويسة بس صياناتها وقطع غيارها نار بجد
صيانة ال60000كم للفابيا ب5000ج!!لييييييييييييييييييي يييه

**Formulator** · 19-02-2011 02:30 PM

يا جماعة متفتكروش بردو ان غبور هيرحم فـ قطع غيار عربية (مع انها تعبانة) زى دى...!
عشان شوية السوك والبومبيهات المضروبة (اللى بالمناسبة لا تعبر عن أى Aerodynamics بالضرورة) هيحسبلك الرفرف بكام والأكصدام ثمنه قد أيه..؟؟!

يقولك "نقطة قوتها: تصميمها" منتهى الأستفزاز للناس اللى بتفهم بصراحة, ومنتهى "المطلوب" للناس اللى غبور عرف هما عايزين ايه:
عربية بـ100 ألف موتور 124 حصان ووزن 1000 كجم فقط+ الثبات الضايع المعروف عن هيونداى+ الصاج الكرتون+مفيش ABS ولا أيرباج...!!!؟؟؟؟؟؟؟؟ الناس تموت بقى..!

الأستاذ الـthread starter لو عايز عربية تتركب هات الفابيا طبعا, لو عايز بالونة هات الأكسنت rb

**ashouhdy** · 19-02-2011 03:31 PM

الفابيا عربية تقيلة جدا جدا جدا فى بيعها وقطع غيارها ...

انصحك بأى هاتش باك غيرها ... البونتو ايفو مثلا ...

بالنسبة للهيونداى هاتها كاملة ... مشكلة الهيونداى فمصر ان توكيلها بينفضها من الاساسيات عشان يكسب فيها اكتر

بالنسبة لقطع الغيار للهيونداى فقليلا او نادرا متحتاج قطع غسار لأن الهيونداى مشهورة بقلة الاعطال

كان عندنا فيرنا موديل 2005 عاملة 240الف كيلو متغيرش حاجة فيها غير اسطوانة دبرياج ب 500جنية وشوية السيور والصيانات العادية

والحمد لله والشكر لية عربيتى عاملة 60الف موديل 2008 مغيرتش فيها غير تيل فرامل ...

ال 115 الف يجيبوا حاجات ممتازة منها ال الانترا كاملة خليجى ABS فتحة سقف جنوط اوتوماتيك او بونتو ايفو باكيدج2 او كيا كارينز

الأختيارات كتيير وفى كمان i30 ,,, والله انا مش عارف الناس اللى بتشتم فى الكورى على اساس اية .... الثبات مثلا ؟؟؟ غير كدة وبأمانة الكورى مش بيعطل

**ashouhdy** · 19-02-2011 03:41 PM

نسيت حاجة مهمة .... اذاى بتفكر فى هاتش باك وسيبت الابيزا !!!!!!! الابيزا أعلى هاتش باك فى مصر حاليا (فى فئة سعرها)... وفى البولو بس أغلى عشرة الاف تقريبا

**Formulator** · 19-02-2011 05:48 PM

ياباشا الراجل بيقارن بين العربيتين دول بالتحديد...!
لو هنتكلم على عربيات تانى: الأبيزا والبولو والأيفو والـ207 والجين2... كل دول أحسن من الأكسنت بمراحل...!!!
والهيونداى مش مشهورة بقلة أعطالها ولا حاجة.؟؟؟ هى بس تواضعها تكنولوجيا فـ بالتالى أعطال قليلة... مش "اعتمادية" عالية..!!
ومحدش بيشتم فـ الكورى يا أستاذ ashouhdy
والثبات السىء+انعدام عوامل الأمان من abs او airbags او بودى قوى يتحمل الصدمات ... كل دى حاجات لا يمكن التغاضى عنها..!!!

**ashouhdy** · 19-02-2011 06:40 PM

يعنى انت لو قدامك الاكسينت RB الكاملة بالاير باجز وال ABS والملتى فانكشين والجنوط الفابريقة حتغير رأيك ؟؟؟

هى دى مشكلة غبور ... بينزل عربيات فاضية

ومعنى الاعتمادية اية ؟؟ بقولك 240الف كيلو ومتغيرش فيها حاجة تقريبا !! طب فى اية اعتمادية أكتر ؟؟

jd power لما يديها اعلى تقديرات للاعتمادية فى العالم دة مش برضوا دليل

" دى مثلا الفيرناMost Dependable Subcompact Car"

JDPower.com | Accent

دى الاكسينت النيو اكسينت فى مصر

2006 Hyundai Accent Reliability - MSN Autos

برضوا 5 نجوم فى الاعتمادية

2006 Hyundai Accent Reviews & ratings - Yahoo! Autos

2006 Hyundai Accent Owner Reviews and Ratings on AOL Autos

فى كتيير بس مكسل أدور

**ashouhdy** · 19-02-2011 06:43 PM

كل دى دلائل على ان الكورى بيتطور جدا جدا و اعتمادى ... هى بس الفكرة عندنا لسة فى الاكسيل القديمة

.................................................. ...

لكن لو بين الفابيا والاكسينت حاخد الفابيا عشان معدلات الأمان

لكن لو بين الفابيا الكاملة وال i30 الكاملة حاخد ال i30