الموضوع: حصريا على نايل موتورز صور تويوتا كرولا الجديدة 2011

المشاركة الأصلية كتبت بواسطة sab3aawy

ممكن اكتب تعليقات تملأ كتاب على الردود التى قراتها فى هذا الموضوع والتى تترواح من ردود عقلانية الى ردود...........(إملئوا الفراغات بما يناسبكم، وخلى اللى فى القلب فى القلب)

لكن انا بس حابب اقول حاجتين: الأولى منهما: التوكيل بيستهبل، منزل عربية بكماليات أقل من اللى كان منزلها قبل كدة وبسعر أعلى، لكن استهباله له ما يبرره لأن الزبون عايز كدة.

التانية: الناس بتتكلم على العربية الاوكتافيا باعتبارها ألمانى وكأن دى حقيقة مفروغ منها، على قدر فهمى المتواضع ان هذه السيارة لا تحمل علامة ألمانية ولا تصنع فى ألمانيا ، يعنى لا هى الجيتا التى تحمل علامة فى دبيلو تصنع فى المكسيك ولا هى أوبل جنرال متورز الامريكية التى تصنع فى ألمانيا، كل علاقتها بألمانيا ان فولكس فاجن تملك نصيب الإدارة من سكودا وأن الأوكتافيا تشترك مع الجولف فى 40% من مكوناتها ، يعنى بالكتير هى 40% ألمانى والباقى تشيكى، وحتى لو كان الخواجة فولكس فاجن نفسه هو اللى بيقفلها بأيده معتقدش ان كمية الكماليات الوهمية اللى فى العربية تساوى انى اركب العربية اللى بتتصدر لمصر ومحطوط عليها موتور لا يناسب وزنها حتى لا تكسر خط ال 1600 المصرى الأحمر الذى يفصل بين السادة والحرافيش، والنتيجة هى عربية تقيلة جدا فى السحب ، عفوا ، الأوكتافيا ليست الاعجوبة التى تتحدثون عنها

يبقى فى النهاية حكايه مقارنة السيراتو والكروز والإلانترا والسيفيك والكورولا، بدون تحيز لأى ماركة، الكروز تحمل نفس مشكلة الأوكتافيا، شاسيهات جنرال موتورز ثقيلة الوزن والمحرك مزنوق عند خط ال1600 (ولا خط بارليف فى زمانه) ، وبرغم ان سيارات جنرال موتورز-حتى لو كورى- معمرة وحمالة أسية وبتعيش زى اليابانى وأكتر لكن اللى بييجى مصر منها مبيسحبش علشان الوزن ، اما بالنسبة للإلانترا والسيراتوا فممكن نبقى نناقش موضوع مقارنتهما بالكورولا والكروز والسيفيك والسيراتو بعد خمس سنين كدة لما نسمع صوت مواتيرهم بعد 100 آلف كيلومتر، لأنى لحد النهاردة لسة مشفتش عربية هيونداى او كيا بتعدى حاجز ال 100 ألف كيلومتر من غير ما موتورها يكون صوته بقى عامل زى صوت وابور حرت( انا هنا مش متحيز ليابانى وكورى وكلامى فى حق الشيفروليه الكورى صريح فى هذا الصدد، انا بتكلم عن تجربة) ، ربما تكون الموديلات الجديدة مختلفة، إحتمال، لكن لما نبقى نشوف بعينينا نبقى نقارن، لكن فى ظل السمعة السابقة ولحين ما تقطع السيارات الجديدة مسافه ال100 ألف كيلومتر ، هيوندا وكيا سيارات لمن عنده استعداد يغير بعد خمس سنوات
بالنسب للكورولا والسيفيك تحديدا فكل منهما لها ميزة وعيب، السيفيك اداءها رياضى اكتر وثباتها على الأرض أفضل وصالون اشيك من الكورولا، لكن الكورولا أعلى عن الأرض بكثير بما يناسب طرق مصر وشنطة الكورولا تكاد تكون قد شنطة السيفيك مرتين، وصوت الكورولا أهدا ونقلات الجير الاوتوماتيك بتاعها أنعم بشكل واضح من السيفيك(هنا بتكلم عن الجير الاوتوماتيكى العادى وليس ال إم إم تى والذى لا يختلف اثنان على انه مشكلة لكنها ليست مشكلة مطروحة لمن يريد شراء سيارة جديدة، من الآخر السيفيك مناسبة أكثر لشاب او شابة مشاويرة كلها على طرق مسفلته، لكن الكورولا أنسب لرب أسرة بيمشى فى كافة انواع الطرق وبيدور على النعومة اكثر من القوة
بالنسبة للمازدا فهى سيارة مميزة لكنها سيارة سوقها محدود لسبب لا ادريه، ليس فى مصر فقط ولكن فى معظم الدول المجاورة، وحتى فى الدول العربية نجد انها كسيارة مستعملة هى سيارة كل المصريين اللى لسة واصلين وعايزين حاجة يمشوا بيها حالهم لحين شراء سيارة جيدة لأنها سيارة تباع مستعملة بأسعار بخسة نظرا لضعف الدعم الفنى المتوافر لها فى الدول العربية

ياباشا انا معايا النترا عاملة 120 الف كيلو مو 2008 بسم الله ماشاء الله مش هقدر اقول اكتر من كده
انا مش عايز اتكلم عليها عشان الحسد

المشاركة الأصلية كتبت بواسطة kh_talaat

طيب و الله مش وحشة بالعكس أنا شايف أن فيها بساطة في الشكل خاصة مع الاسبويلر (مسألة أذواق) مع الاخذ في الاعتبار أن بداخل هذا الشكل موتور قوي و وسائل أمان عالية

بالمناسبة : النهاردة مريت بموقف مع الكورولا (جنوب أفريقي) أقسم بالله لو عربية تانية و لو حتي الاوكتافيا (اللي كانت بتشد معايا و كانت هاتنزل من فوق الكوبري) كان زماني في خبر كان

الحمد لله علي كل شئ

ياللي معاهم الكورولا بما فيها الجنوب أفريقي ... أهنئوا بعربياتكم و أطمئنوا بالا .. العربية بعد اللي شوفته النهاردة تستحق كل قرش يندفع فيها

المشاركة الأصلية كتبت بواسطة bob12345

ياباشا انا معايا النترا عاملة 120 الف كيلو مو 2008 بسم الله ماشاء الله مش هقدر اقول اكتر من كده
انا مش عايز اتكلم عليها عشان الحسد

بمناسبة الكلام على المواتير والمكن اليابانى
انا اعرف واحد معاة لانسر كريستالة
وهو مشغل العربية ليموزين بين المحافظات وبيوصل الناس لمطار القاهرة
وطبعا بيحط بنزين 80 والمكنة بامانة صوتها زى الفل وبيجيب بيها 180 ببنزين 80!!
وفى مرة بيقولى انة بيفكر يبيع العربية ويجيب لانسر موديل اعلى
فسالتة العربية عاملة كام كيلو
وكان الرد اللى صعقنى بصراحة
قالى 450 الف كيلو
لا تعليق!!!!!!!!!!

المشاركة الأصلية كتبت بواسطة midnightman_74

بمناسبة الكلام على المواتير والمكن اليابانى
انا اعرف واحد معاة لانسر كريستالة
وهو مشغل العربية ليموزين بين المحافظات وبيوصل الناس لمطار القاهرة
وطبعا بيحط بنزين 80 والمكنة بامانة صوتها زى الفل وبيجيب بيها 180 ببنزين 80!!
وفى مرة بيقولى انة بيفكر يبيع العربية ويجيب لانسر موديل اعلى
فسالتة العربية عاملة كام كيلو
وكان الرد اللى صعقنى بصراحة
قالى 450 الف كيلو
لا تعليق!!!!!!!!!!

ياباشا انا مش بقول انها 120 الف كيلو يبقي حاجة جامدة
في عربيات اكسنت و لانوس شاغلين و علملين فوق 300 الف كيلو
انا بتكلم ان بيقال ان الكوري بعد ال 100 الف صوت الموتور بيبقي زي الجرار و العربية بتفكك و الكلام من ده
و علي فكرة و انا باشتري الانترا كنت مقلق و حاسس ان ده هيحصل لان احنا علي طول الماني و امريكي و مكنتش بحب الكوري بس بعد الانترا غيرت راي تماما و بردو مش هتكلم عليها عشان الحسد