الموضوع: حصريا على نايل موتورز صور تويوتا كرولا الجديدة 2011

المشاركة الأصلية كتبت بواسطة أبو عبدالله

ان
وبرضه ده لا يقلل من البدائل او ان الكورولا هيا التوب وخلاص
ولكن انا عاوز بس الناس تفهم ان كل واحد بيشتري عربيه جديده بيبقى له اولويات مختلفة عن الآخر
ولكن الكورولا بتلبي اغلب الاولويات الرئيسية لغالب مشتري السيارات فعلا يعني بتلبي مرادك بطريقة جيده في كل الجوانب التي تقيس عليها وتختار فده اللي مخلي الكورولا كورولا وده اللي مخليها اعلى السيارات مبيعا في العالم انها عربيه وسط ولا هيا سوبر رياضية ولا هيا رفاهية عاليه ولا هيا شكل ومظهر مفيش زيه ولا هيا ولا هيا ...... ياريت تكون وجهة نظري وصلت
وتقبلو تحياتي

السلام عليكم , كلامك موزون و احييك , بس الكلام ده لو كانت بسعر شعبي , يعني لو العربية بتتباع في مصر بسعرها الواقعي المناسب لامكانياتها , زي ما هي في السعودية مثلا او في امريكا , سعرها مشجع جدا بتديك 6 من 10 في كل حاجة و سعرها ارخص حاجة في السوق , لكن هنا وصلت للفانتازيا و الجيتا و عدت المازدا و السوبارو و الهوندا و مش محتاج اني اثبت ان كل العربيات دي متفوقة عليها في كل الجوانب تقريبا , طب منين تبقى عربية اقتصادية و ب162000 ج , ده هو سبب الهجوم , مش موضوع ازواق و اننا نعيب على بعض و خلاص .

المشاركة الأصلية كتبت بواسطة أبو عبدالله

انا ساعات بحس ان البعض بيعارض من مبدأ المعارضة
يا جماعه سواء انت معجب او غير معجب بالكورولا
فأنا اظن ان فيه تحامل عليها بزياده

انا لو معايا فلوسها مش هشتريها
ولكن ده لا يمنع ان هيا لها سوقها وسمعتها وادائها
ولكن مش لازم تكون مرادي انا الشخصي
فمش معنى انها مش مرادي انا الشخصي ان اتحامل بزياده عليها
العربيه مش شكل تابلوه ولا اوبشن ولا فوانيس وبتاع
العربيات حاجات كتير منها اللي انا ذكرته وحاجات تانيه اخرى
كالسمعة كالعمر الأفتراضي كسعر اعادة البيع كصيانة كتوكيل واسمه
الكورولا الكاسيت بتاعها شكله مش اد كده ماشي
وشكل الكاسيت في الفلوانس جامد جدا
ولكن انا هشتري العربيه علشان كده
ماهو الكاسيت ابو شكل جامد ده لو العربيه عطلت مني هولع في ام الكاسيت ولا هيفدني بشئ

يعني الأمور لا تأخذ بهذا الشكل كده
لازم يكون في احترام لأذواق واراء الغير
لأن انت شايف ان العربيه بالنسبة لك شكل او اوبشن او اوا او او .....
غيرك بينظر لحاجات تانيه
وانا اثق كثيرا في ان اغلب اللي اتكلم بالسالب في العربيه واختار عربيات اخرى غيرها
انه ساعة الشراء الفعلي الواقعي وياريت نركز في الفعلي الواقعي دي
فيفكر مليون مره في العربيات اللي ذكرها كبديل للكورولا
اللي ايده في الميه مش زي اللي ايده في النار
والله وقت الشراء حاجات كتير هتقف امامك اقلها اعادة البيع واسعار قطع الغيار ولكن مرتبطة بالعمر الأفتراضي ايضا واعتمادية العربيه ومشاكلها
لازم نحترم ان فيه ناس عاوزه عربيه متخسرشي ادائها عالي رفاهيتها كويسه ماتور كويس اسم كويس اعادة بيع كويسه عمر افتراضي كويس

انا عاوز بس الناس لو حبت تقييم الكورولا من كل الجوانب فالنتخيل كل جانب هتاخد فيه ايه من دول (( ممتازة , جيدة جدا , جيده , مقبولة , سيئة ))

وقيم كل البدائل في كل الجوانب مثلها
وشوف انهي واحده هتبقى معتدلة في كل الجوانب
مش هقول ممتازة ولكن مقبولة يعني بتعطيك اغلب الجوانب مرضيه
ممكن عربيات تانيه تعطيك في شئ ممتاز وفي جوانب اخرى سيئة
وفي عربيات معتدلة زي الكورولا يعني مش هتعطيك الممتاز في كل الجوانب ولكن اقلها هتلاقي اغلب الجواني جيده او اكثر
هيا دي المعادلة اللي الكثير مش قادر يفهما او بيحاول يتجاهلها

وبرضه ده لا يقلل من البدائل او ان الكورولا هيا التوب وخلاص
ولكن انا عاوز بس الناس تفهم ان كل واحد بيشتري عربيه جديده بيبقى له اولويات مختلفة عن الآخر
ولكن الكورولا بتلبي اغلب الاولويات الرئيسية لغالب مشتري السيارات فعلا يعني بتلبي مرادك بطريقة جيده في كل الجوانب التي تقيس عليها وتختار فده اللي مخلي الكورولا كورولا وده اللي مخليها اعلى السيارات مبيعا في العالم انها عربيه وسط ولا هيا سوبر رياضية ولا هيا رفاهية عاليه ولا هيا شكل ومظهر مفيش زيه ولا هيا ولا هيا ...... ياريت تكون وجهة نظري وصلت
وتقبلو تحياتي

+11111111111111
كلام رائع
بس فى نقطة مهمة جدا احنا فى مصر اغلب الوكلاء كانو بيستغلو ضعف ثقافة المستهلك المصرى فى انهم يبيعوا عربيات فى السوق المصرى بدون الحد ادنى من المواصفات اللى المفروض نستحقها مقابل سعر مرتفع ومبالغ فيه جدا

اعتمادا على نظرية ان العربية دى يابانى او دى المانى او لما تبيعها مش حتخسر فيها

والكلام ده كله وصل السوق المصرى لحالة من استغلال الوكلا والتجار رهيبة لدرجة ان لحد فترة قريبة مكنش فى عربيات بتنزل ب abs او airbags رغم انها اساسيات واحنا فى 2011 دلوقتى

الحمدلله ثقافة المصريين بشكل عام زادت جدا فى الفترة الاخيرة ومطالبتهم بحقوقهم فى كل حاجة بقت واضحة

ودلوقتى بقينا بنقرا عن الناس اللى بترفع قضايا على وكلاء السيارات وشكاوى بالهبل فى جهاز حماية المستهلك بياخدو حقوقهم وبياخدو تعويض كمان

وكان زمان يقولك العربية تكييف وبدون دلوقتى الناس بتقول تكييف تتش dual zone
وسنة عن سنة فى كماليات كتير بقت اساسيات لناس كتير زى
مثلا لازم يكون فى العربية aux ,usb ولو فى بلوتوث يبقى رائع ولو فى تحكم فى الدريكسيون للكاسيت والتليفون يبقى كويس لو فى 6 ايرباج بدل 2 يبقى احسن بكتير

لان الموضوع اننا حادفع فلوس فلازم اخد المقابل مش قصة انى راكب عربية وعاوز ابيعها بعد سنتين ومخسرش فيها

يعنى دلوقتى ان الوكيل لازم يرضى المستهلك المصرى لو عايز يبيع عربيتة ويحافظ على توكيلة
لان فيه مستهلك ثقافتة مختلفة فاهم جدا مش حيضحك عليه باى كلام
وفى سوق مفتوح والمنافسة ولدت بدايل كتير وكل واحد بيشترى عربية دلوقتى عارف هو حيدفع كام وحياخد فى المقابل ايه من مواصفات امان وكماليات وجودة تصنيع وسعر اعادة بيع وقطع غيار

في البداية طبعا شكر واجب للمهندس وائل

المشاركة الأصلية كتبت بواسطة superb

ظهرها بالفوانيس دى .. بتقولك انا صيــــــــــــــــــــنى

وشها حلو

متفق, كانوا سابوا الظَهر القديم

المشاركة الأصلية كتبت بواسطة محمد محمد

كان ماله الجنوب افريقي

المشاركة الأصلية كتبت بواسطة OilMan

ويتصدم ليه هو حبيبى محمد لو فكر شويه حيلاقى اننا ملاك الجنوب افريقى اللى مستفيدين من نزول اليابانى وثانيا فين بقى اللى كانوا بيقولوا اليابانى احلى من الجنوب افريقى وكانوا بيشتروا الخليجى ويسيبوا بتاعة التوكيل ولا هو بس نظام خالف تعرف وخلاص.

المشاركة الأصلية كتبت بواسطة OilMan

بجد طريقه هايله للحوار

متتعبش نفسك يا بشمهندس

المشاركة الأصلية كتبت بواسطة SE_coralsea

الاخوة الكرام ...

أسعد الله صباحكم بكل الخير ...

تحية من القلب لأخي الكريم وائل بك و صديقه العزيز و أخي أيضا خالد بك طلعت علي ماقاما به من جهد مشكور و ما قدماه من خدمات أفادت العديد من الاعضاء هنا

أكثر الله من أمثالكما المخلصين

و شكر كبير جدا لأعضاء "تويوتا" المحترمين الذين ساهموا في حراك الماء الراكد

أما بعد ...

كنت قد أليت علي نفسي من فترة ألا أشارك في موضوعات بالمنتدي أو حتي أدخل المنتدي و ذلك لأسباب عديدة أهمها أنشغالي الفترة الاخيرة و لكن ...

نظرا لما لمسته من أستخفاف و تجريح في سيارة تنتمي لماركة شهيرة و عريقة و أحبها الكثيرون في مصر و العالم فقد قررت أن أرد و أن أوضح لمن لايفهمون

أولا .. شاءت الظروف و الاقدار أن أفقد سيارتي المحببة الي نفسي (الياريس) لفترة بسبب أنتهاء رخصتها و عدم مقدرتي علي تجديد الرخصة بسبب أنشغالي الشديد الامر الذي أضطرني لطلب من الشركة المالكة لها أن تتولي هي أجراءات التجديد و قد كان و جاؤا لي بسيارة بديلة و كانت الكورولا الجنوب أفريقي موديل 2008

ثانيا.. هذه السيارة معي منذ حوالي شهر لم أر منها أي شئ يسئ لها سوي بعض العيوب الفنية في نظام نقل الحركة الاوتوماتيكية و التي أدركت مع الوقت كيفية التعامل معها و أصبحت أجيد أستخدامها بشكل كامل

ثالثا.. لن اتحدث هنا عن مواصفات السيارة و أمكانياتها و عيوبها فهذا ليس مجاله و لكن لنا موضوع أخر سوف أتناول فيه كل شئ عن السيارة التي هي محل دراستي حاليا بشكل أكثر تفصيلا

رابعا .. فيما يتعلق بردود بعض الاخوة و تهكمهم علي الكورولا , أحب أن أرد عليهم كالتالي :

(1)..

سيراتو أيه اللي بتتكلموا عليها , أيش جاب لجاب
السيراتو دي لو بقت ببلاش مش هأركبها حتي و هيا فعلا أتعرضت عليا ببلاش و فضلت الياريس ال 1500 عليها

(2)..

ده علي أعتبار أن مافيش حد فينا راح أوروبا و شاف العربيات هناك أيه
أولا انا كنت هناك و لفيت كذا دولة و ماشوفتش لا الهيونداي و لا الكيا هناك أصلا اللهم غير عربيتين ماتريكس و كيا برايد القديمة و دايو الشكل القديم غير كده ماشوفتش كوري خالص و لا صيني
بل علي العكس تويوتا هناك هي المكتسحة في العربيات الصغيرة زي الياريس و الايكو و البريوس اللي أصبحت منتشرة في الشوارع كتاكسي

بلاش نكرر أي كلام و خلاص و كلام هجص و هبل في الجبل الكوري ده لم ينتشر ألا عندنا نحن و لم يصبح له قيمة ألا بفضل البلاد الضايعة اللي زيينا اللي بيتضحك عليها بأي حاجة شكلها حلو و خلاص لكن مضمونها أيه .... شوف وا بعد 5 أو حتي 10 سنين و أنتوا تعرفوا


(3)..

مين دي اللي أدائها ضايع ؟؟
و هل السيراتو مش ضايعة ؟
و هل الالنترا أو الفيرنا مش ضايعة ؟

أن الاوان أن بالونة السيراتو و الالنترا المنفوخة هوا دي تفرقع و الحمد لله قدرت أثبت هذا الكلام كالتالي :

الحمد لله ... لسه بس أمبارح مش بعيد و أنا في طريق السويس معلم بالكورولا ال mmt اللي ضايعة و مابتسحبش و فيها كل العبر علي سيراتو مش بس كده ...
و أنا راجع باليل علي طريق السخنة القطامية معلم علي ألنترا و تيريوس بالعربية التعبانة اللي معايا

أنا طبعا مش من هواة الشد و لكن أنا كان كل هدفي هو أختبار العربية و معرفة قدراتها و حقيقة مايقال عنها و الحمد لله نتائجها علي مدار الشهر في طرق مختلفة جاء مرضي لي جدا

عايز كمان أكد علي أن العربية دي هيا اللي رجعت بيها من الاسكندرية في الشبورة الحادة اللي كنت تحدثت عنها من قبل

من الاخر و بأختصار ... الكورولا عربية فوق الممتازة و مسألة الشكل دي أذواق لكن المهم عوامل الامان و السلامة اللي أحنا هنا في مصر مانعرفش عنهم أي حاجة و عربية تستاهل كل قرش يندفع فيها و اللي راكبينها بس هما اللي يعرفوا الكلام ده لكن اللي مايعرفش يقول سيراتو و ألنترا و فيرنا و أي كلام

طبعا كلامي مش هايعجب ناس كتير و أكيد هأتعرض لنقد و هجوم منهم لكن مش مهم لأني بأقول رأيي بصراحة و مش ناوي أشارك في الموضوع ده تاني علشان أرد علي أي هجوم أو أستفزاز

مع خالص تحياتي
م/ سمير الشهاوي

فعلا مفيش كوري في اوروبا والتويوتا أفضل الياباني مبيعا هناك
واللي حابب يجرب يشوف السوبارو أو المازدا تعمل إيه مع الكورولا ياريت يقول و نعمل مقابلة و نشوف

المشاركة الأصلية كتبت بواسطة أبو عبدالله

انا ساعات بحس ان البعض بيعارض من مبدأ المعارضة
يا جماعه سواء انت معجب او غير معجب بالكورولا
فأنا اظن ان فيه تحامل عليها بزياده

وبصراحه انا لا الوم التوكيل علي السعر المبالغ فيه
لانه عرف يلعب ازاي صح
قلك الزبون عايز الياباني................ نجيبله الياباني ونشيله الفرق
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

فعلا في ناس خالف تُعرف زي ما قال البشمهندس وائل (كلمة حكمة والله) و موضوع الياباني ماهو التوكيل لقى الناس بتقولك الياباني الأصْلي (كلمة تدل على جهل مدقع) كما لو كانت الجنوب افريقي مبتروحش غير مصر.
اللي في ناس ماكانتش فاهماه إن الجنوب افريقي (المش أصْلي) كا بيروح اوروبا في حين إن الياباني كان بيروح للخلايجة ....

اتفرجوا على الجنوب افريقي بعد التعديل (اللي عايز يكبر الصورة يضغط عليها )


و دي من تصويري في ألمانيا

محدش يلوم التوكيل إنه شال منها حاجات كتير عشان ده تمن كلمة ياباني اللي الناس كانوا عايزين يسمعوها
الجنوب افريقي كان فيها 9 ايرباج, طبعا لازم يقلوا عشان ينزل التمن و هكذا ...

حاجة اخيرة, فعلا في ناس هنا نجحوا إنهم يطفشوا ملاك العربية من القسم و بقولهم مبروك عليكم اشتموا فيها براحتكم بقى

مشكور بس حاسسها غالية شوية

المشاركة الأصلية كتبت بواسطة Unendlich

محدش يلوم التوكيل إنه شال منها حاجات كتير عشان ده تمن كلمة ياباني اللي الناس كانوا عايزين يسمعوها
الجنوب افريقي كان فيها 9 ايرباج, طبعا لازم يقلوا عشان ينزل التمن و هكذا ...

حاجة اخيرة, فعلا في ناس هنا نجحوا إنهم يطفشوا ملاك العربية من القسم و بقولهم مبروك عليكم اشتموا فيها براحتكم بقى

با باشا ازاي بس , هو الهوندا و المازدا دول مش ياباني برده ؟؟؟ و الاوكتافيا بفخامتها ب 167000 , يبقى البهوات في التوكيل بيفكروا ازاي ؟؟ ما هو الين بيغلى على الهوندا و المازدا و السوبارو برده صح ؟ , الموضوع مش يلا نشد ونشوف مين احسن التحكم و الثبات لسيارات زات الالتعليق المستقل بدون نقاش احسن من التعليق الغير مستفل beam (كرولا) , الموضوع مش هجوم و خلاص

المشاركة الأصلية كتبت بواسطة م/محمد

مع احترامي لصاحب الموضوع ومع عدم تقليلي لمجهوده بس ياريتك ماتجسست وجبت الصور دي
دي حاجه تقلب البطن
الهاي لوكس ام من نفس التوكيل 105000 اقيم 100 مره وتابلوه اشيك كتير
وبصراحه انا لا الوم التوكيل علي السعر المبالغ فيه
لانه عرف يلعب ازاي صح
قلك الزبون عايز الياباني................ نجيبله الياباني ونشيله الفرق
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

منور يا باش مهندس محمد.