الموضوع: حصريا على نايل موتورز صور تويوتا كرولا الجديدة 2011

وبعدين يا جماعة عشان نقول هى غالية او رخيصة لازم نبص عالمنافسين ليها
المازدا ب163
السيفيك ب187
الكوولا ب164
يعنى عادى فرنج العربيات اليابانية من فئتها
بس انا عن نفسى مادفعش فعربية يابانى اكتر من 150 الف ابدا

هوضح لحضرتك اننا مينفعش نقارنها مع السيفيك علشان الاتنين نفس التوكيل فلو التوكيل بيبالغ فى ربح دى اكيد بيبالغ فى ربح دى , ثانية العربية اللى ب 100 بره مش ب 160 هنا لان اللى سعرها 100 بره التوكيل بياخدها ب 80 او اقل و بيدفع جمرك على ال80 مش على ال100 .

ثالثا العربيات اليابانى بقى ملهاش لزمة لان الين زمان كان ب 5.7 قرش , النهردة بقى ب 7 جنيه!!! يعنى قرب من اليورو , فمين فى كامل قواه العقلية يسيب عربيات المانى فيها كماليات بالهبل و يشترى عربية يابانى تكنولوجيا قديمة و فاضية خالص و كدا؟
احب عربية اه , الكورولا عربية محترمة اتفق جدااا معمرة اتفق معاك جدااا جدااا , 160 الف؟ رابع المستحيلات , فى رايى متسواش اكتر من 130 الف بالكماليات دى , 145-150 بالكتير اوى بكماليات السيراتو , غير كدا يبقى هبل , اولا العربية شكلها الجديد وحش اوى و خصوصا من جوه , الجنوب افريقى احلى منها 10 مرات , ثانية العربية فى سوق فيه عربيات كتير مش بتتباع لوحدها كدا , فايه اللى يخلى واحد يسيب الفانتازيا و يجيبها؟
المازدا 3 غبور كل شوية بينزل تمنها 10000 جنيه ل 153 , يعنى تقدر تجيبها ب 153 و برده شكلها عصرى من بره و جوه و فيها زيادة زينون و يابانى 100% , الكورولا أقوى سنة فى الموتور بس المازدا فيها كتير زيادة عن الكورولا زى الcruise control و حساسات المطر و حساسات النور و وصلة الAux و التكييف الاوتوماتيك و بعدين عيب شكل التابلوه دا , طيب كل كلامى عن الهاى لاين , تعالى نبص للbaseline الاوتوماتيك هتلاقيها ب 150 مثلا , الصورة اللى حضرتك شايفها دى تسوى 100 الف حتى؟ العربية اللى منغير جنوط دى و كاسيت فعلا بتاع ميكروباص و تابلوه كله عيب ينزل فى ميكروباص و تكييف بكر و فانوس خلفى منزلش فى عربية صينى و كاتبلك كماليات نور عادى هالوجن و مفيش تعلية و توطية الضوء و 2 airbag و abs و سماعات و فتحة سقف و كلام فارغ ناقص يكتب دركسيون و 4 كوتشات و تكييف بكر يعنى من الاخر كماليات اكسنت بالظبط !!!

و ادى الدليل

Toyota Coaster gallery

دا اتوبيس تويوتا الكاسيت بتاعه انضف !!
Toyota Coaster gallery

و دى التويوتا ال Hiace المشهورة طبعا

Toyota HiAce gallery

التابلوه و الكاسبت انضف برده!!!

عيب و المشكلة ان برده فى ناس حافظه مش فاهمة و دا بيستفزنى جدا
انا عارف ان أسعار العربيات زادت جامد جدا و البيكانتو ب 70 الف بس دا مش مبرر طالما فى بدايل , يعنى ليه مشتريش الفانتازيا ؟ انا مش عايز اقول السيراتو لحسن حد يقولى دى كورى و اليابانيين عينيهم اضيق من الكوريين بس فى اللانسر الجديدة وصلت ل 128 قبل التوكيل ميتغير , ليه لأ مع التوكيل الجديد فى رايى مش هيزودها عن 140 و كماليات اعلى بكتير من الكورولا , طيب ليه لا المازدا , بلاش دا انا عندى السيفيك اول فئة و لا الكورولا اخر فئة!!!!!
طيب و ليه مش اللى احسن من كل الكلام دا و هى العربيات الاوروبى , ليون 155, فانتازيا 167 , جيتا 170 و يمكن اقل,ممكن على مضض فلوانس , مش لازم عربية شبه الميكروباص من جوه و ورا!!!

يا جماعة عشان نقارن عربية كسعر لازم نحط سعر الهاى لاين من الاتنين

وهى الكورولا بسعر الفنتازيا؟؟!!!!!!!

الكورولا اعلى فئة ب 161 الف

الفنتازيا ب 209 الف

الجيتا ب215

وبعدين ديه السيراتو الهاتشباك ب134 الف مش عايزين الكورولا صاحبة الاسم والتاريخ تبقى ب 160!!!!!!!!!!

وبعدين احنا مش هنقيم العربيات بمدى جمال الطابلوه او الكاسيت!!!!!!

طيب ماهو طابلوه الكروز اجمل كشكل بكتير من البى ام 316 !!!!! يبقى هل الكروز احسن؟؟؟؟

وعلى فكرة اللانسر الجديدة كانت بتتباع ف2009 زيرو ب 155 الف

ملحوظة الفنتازيا اغلى من الكورولا ب 50 الف جنيه

ديه ب160 وديه ب209

يبقى طبيعى ان الاوبشنز والتكنولوجى فالفنتازيا تكون اكتر وده طبيعى نظرا لفرق السعر الكبير

نقلا عن http://www.nilemotors.net/Nile/67541-a.html مع التعديل زى الbluetooth

مواصفات الاوكتافيا اول فئة أوتوماتيك تمنها فى الوكيل 170 بس بتتباع عند الموزعين ب 167 و يمكن اقل (الكورولا مبينزلوش فيها ) فرق قبل الخصم 8000 جنيه و بعده 5000 جنيه

1- \ تتكون من سنتر لوك مع مفتاح فولد يمكن فتح الشنطة و تنك البنزين من خلاله , الزجاج الكهربائي بالكامل مع التحكم به من الريموت الكنترول , ضبط و تسخين و طي كهربائي لمرايات الابواب مع خاصية التعتيم , مثبت سرعة؟ , تجهيزات تلفون , اربع سماعات اضافية , تكييف كليماتك مع تشغيل الكتروني و توزيع الهواء للمقاعد الخلفية , راديو سي دي , كمبيوتر متعدد الوظائف و باور ستيرنج وردج كونسل مجز لتبريد المشروبات , شاشة بيانات الكتروني بالعدادات , ضبط مستوى عجلة القيادة باربع مستويات , ثلاجة بالتابلوه , ضبط ارتفاع مسند الكراسي الامامية , مؤشر عند فتح الباب بالاضافة الى مساحات امامية و خلفية مرنة , رف خلفي مقسم لسهولة و ضع الحقائب , خاصية طي المقاعد ووضع الاكواب بالكونسل , نظم ال ABS, MBA,MSR,ASR , و مؤشر لضغط الاطارات فوانيس شبورة امامية و خلفية بالاضافة الى فانوس خلفي ثالث , 2 ايرباج , غلق مصدر الوقود عند التصادم , امبولايزر , تصفيح اسفل المحرك و تعتيم اتوماتيك للمرايا للاضاءة القادمة من الخلف , فوانيس امامية غير قابلة للكسر
+ bluetooth


قارن المواصفات دى بمواصفات الكورولا ال1600 هتلاقى الكورولا زيادة فتحة سقف و جنوط و اقل حاجات كتير اوى غير فرق الجودة فى الخامات و التصنيع (كفاية ان العربية المانى (فولكس قاجن) و الشكل طبعا و كل حاجة .

متقارنش الفانتازيا اللى ب 209 علشان دى فيها زيادة شاشة touch بالgps و فيها زينون و فيها فرش جلد طبيعى و فتحة سقف و 6 airbags و حساسات ركن و تدفئة المقاعد دا اللى انا فاكره

المشاركة الأصلية كتبت بواسطة OilMan

حضرتك كنت شاركت بمشاركة فى الموضوع الاصلى وسالتك بماذا تقصد ورديت على حضرتك واحد الاعضاء تفضل مشكورا وقال انك مش تقصد صاحب الموضوع وحضرتك دخلت وقلت بالظبط كده انك تقصد الاعلان متهيالى كلامك دلوقتى مخالف لمشاركتك.
احب ااقول لحضرتك مصنع جنوب افريقيا حيصدر بس لاوروبا وانا سعيد بكده وخاصة انى عربيتى جنوب افريقى وافتخر وغير كده حضرتك اقرا الموضوع او اللينك التالى وانت تعرف ليه تويوتا صاحبة مبدا دوس على الدواسه واركب النفاثه
وشكرا لمرورك فى قسم تويوتا

http://www.nilemotors.net/Nile/105926-a.html

يا ريت حد من الأخوة الأعضاء يشوفوا المشاركة دي و الكلام اللي حضرتك اقتبسته من كلامي و لو فيها علاقة انا ممكن ارد و اتناقش
بس لحد دلوقتي انا مش شايف علاقة بين الكلام اللي حضرتك كاتبه و الكلام بتاعي
============
عرفت و الله ان حضرتك مهندس بترول ما شاء الله و باين من nickname
اية بقى المطلوب ؟؟

المشاركة الأصلية كتبت بواسطة OilMan

ويتصدم ليه هو حبيبى محمد لو فكر شويه حيلاقى اننا ملاك الجنوب افريقى اللى مستفيدين من نزول اليابانى وثانيا فين بقى اللى كانوا بيقولوا اليابانى احلى من الجنوب افريقى وكانوا بيشتروا الخليجى ويسيبوا بتاعة التوكيل ولا هو بس نظام خالف تعرف وخلاص.
سؤال بسيط هو حضرتك روحت معرض الاهرام فورميولا لو روحت فعلا وراى حضرتك كده تبقى بجد هايل
لولا اختلاف الاذواق لبارت السلع

فعلاً روحت المعرض ..
مش محتاجة معرض اساساً
اركب مازدا3 , فورد فوكاس, امبريزا, سيفيك,..
اركب i30 اعلى فئة
اركب سيات ليون
اركب شيفي كروز

================


الحمد لله مش مستنى حد يقولي انا هايل ولا لأ