بخصوص الموضوع بتاع سرقة البومه

**fouad19852002** · 19-01-2011 11:20 PM

لو كنتو فاكرين كنت عملت موضوع بتاع سرقة البومه الي كان الكاسيت اتسرق و بوظ الكونتاك وطبلة الباب الحمد الله عدت على خير وصلحت الكونتاك و الطبله بتاعت الباب وكتبت فى الموضوع ازاى صلحتهم انا النهارده روحت عند واحد بتاع استيراد وسئلته على الكاسيت الاصلى بتاع اللنسر البومه ولقيت كاسيت cd بس قطعه واحده مش قطعتين وصراحه زهلت من الثمن لقيته ب 300ج ويبانى أصلى بس البكره الي بتعلى و توطى الصوت يمين مش شمال عشان طبعا العربيات الاستيراد كلها يمين المهم توكلت على الله واشتريته وركبته بنفسى عشان مش محتاج حد يركبه تحط الفيشه فى الكاسيت و تحط الائريل فى مكانه وخلاص المهم صوته روعه روعه روعه وجميل جدا الحمد الله عيبه بس الكلام الي مكتوب عليه يبانى و البكره شمال بس انا حبيت أكتب بس للأفاده واى أستفسار انا تحت أمركم

وشكرا جدا جدا لأحلى منتدى وخلو بالكو من عربياتكم

**fouad19852002** · 19-01-2011 11:22 PM

معلش انا مسافر بكره أسكندريه وهرجع يوم الثلاثاء و هرد على اي أستفسار

وشكرا

**M!SHO** · 20-01-2011 05:28 AM

ألف مبروك يا باشا

ده الكاسيت اللى حضرتك ركبته ؟!

لو نفس الكاسيت...بيشغل MP3 ولا audio فقط ؟؟!!

**M.Nasr** · 21-01-2011 12:44 PM

متاااااااابع جدا وياريت تقولنا تفاصيل اكتر وجبته منين بالظبط؟

**emad1973** · 21-01-2011 08:34 PM

اخي العزيز حضرتك طب انا عندي الكاسيت الاصلي لسه موجود
فهل الاقي حد عندة السي دي بس الي لواحده وبيركب في اللانسر الكاملة استيراد
وشكرا

**bassem_sams** · 21-01-2011 10:10 PM

هو حلو و صوته جميل و نقى بس انا بنسبالى كاسيت من غير فلاشه يبقى مش هيفيدنى لأنى يأمش بشغل راديو او فلاشه انما شرايط او اوديو سىدى لا استخدمهم
بس بصراحه سعره جميل و شكرا على معلومه دى و ربنا يباركلك فيه

**fouad19852002** · 23-01-2011 07:22 PM

المشاركة الأصلية كتبت بواسطة Hesham Hamza

ألف مبروك يا باشا

ده الكاسيت اللى حضرتك ركبته ؟!

لو نفس الكاسيت...بيشغل MP3 ولا audio فقط ؟؟!!

مش دا الي عندى بس دا كان موجود الراجل قالى دا الامريكى الي جاي فى العربيات الامريكى انا الي جبتو قريب منه بس يبانى الي جاى فى العربيات اليبانى بس الشكل قريب جدا وبالنسبه ل mp3 ولا audio دا و الي انا جايبه الراجل قالى بيشغل audio بس

واي أستفسار تانى انا تحت أمرك

**fouad19852002** · 23-01-2011 07:28 PM

المشاركة الأصلية كتبت بواسطة m.nasr

متاااااااابع جدا وياريت تقولنا تفاصيل اكتر وجبته منين بالظبط؟

الكاسيت صوته جميل جدا ونقى جدا جبته ب 300ج من عند واحد اسمو سرور فى المنصوره (الدقهليه) بعد ما لفيت كتير ولقيتة ما بين 450ج و500ج و600ج دا الوحيد الي قالى 350ج وفصلت معاه فى ال 50ج وبيركب علطول من غير ما تروح لحد بتاع كاسيت يركبهولك تحط الفيشه علطول و تركب الأريل وتسبته بالأربع مسامسر وخلاص مشكلته بس انو الكلام المكتوب عليه باليبانى و زرار الصوت فى اليمين

وتحت أمرك فى اي أستفسار

**fouad19852002** · 23-01-2011 07:32 PM

المشاركة الأصلية كتبت بواسطة emad1973

اخي العزيز حضرتك طب انا عندي الكاسيت الاصلي لسه موجود
فهل الاقي حد عندة السي دي بس الي لواحده وبيركب في اللانسر الكاملة استيراد
وشكرا

موجود يابشا وكتير كمان عندنا فى المنصوره بس بصراح مش عارف التمن كام انا الي سألت عليه كان الكاسيت الشرايط معاه السى دى 4 أسطوانات بس كان 1500ج السى دى لواحده مش عارف كام بالظبط بس هسألك عليه وهرد عليك

وتحت أمرك فى اي أستفسار