اتوماتيك بترجع على المطالع

**amarsafy** · 20-01-2011 09:40 PM

شباب، انا عندى ملحوظة على المازدا 3 الأوتوماتيك و هى انها بترجع على المطالع البسيطة من وضع الثبات حتى و انا جايبها على الd و دا على عكس ال لانسر مثلا!

هل دى حاجة ممكن تتظيط و لا اية؟

**Adham** · 20-01-2011 10:02 PM

جديدة دي اول مرة اسمعها

هي العربية كدة من و هي زيرو و للا دة عارض جد عليها من فترة

ممكن التورك كونفرتر (القربة) يكون تالف و بالتالي ضغط الزيت ضعيف ومش كافي يشد العربية عالمطالع

و دة تغييرة مشكلة (دي بيبقي زي الفلام في المانيوال ) و غالي جدا

جرب تعللي السيلانسية بتاع العربية شوية و شوف

**brown-eyes** · 21-01-2011 01:48 AM

متهيالي كل الاوتوماتيك ال 1600 كده كان معايا النترا و اوبترا و اخويا معاه ماتريكس وبيعملو نفس الحركة الاوبل ال 2000 سي سي ماكنتش بتعمل الحركة دي

**Eng_Moh.Dewair** · 21-01-2011 08:18 PM

انا سوقت كورولا و لانسر اوتو و الاتنين مش بيعملوا الحركه دى

**Eng_Moh.Dewair** · 21-01-2011 08:20 PM

هى العربيه بتعمل معاك كده اول ما تشيل رجلك من على الفرامل زى المانيوال ولا بعد فتره من ابعاد رجلك عن الفرامل ؟

**eng.m7md.ali** · 21-01-2011 08:22 PM

طبيعي اي عربية اوتو تعمل كدة
على حسب حمولة العربية و شكل المطلع

**levelpower** · 22-01-2011 03:54 PM

غريبه جدااااااااا

**amarsafy** · 22-01-2011 06:59 PM

العربية لسة جديدة! و أول مشيل رجلى من على البنزين ترجع علطول..
أنا بس عاوز أعرف دا طبيعى فى المازدا و لا فية لا قدر لله مشكلة؟

**فتح الباب** · 22-01-2011 07:27 PM

ده مش طبيعى ياباشا ده تهريب فى ضغط الزيت وده سببه كثرة الوقوف غلى الفيتيس فى الوضع العلوى (الباركينج يعنى)لان معظم الناس بتستعمل الوضع ده كفرامل يد لانه بيكلبش العربيه طبعا وده على حساب الفيتيس يعنى لما اكون واقف فى اشاره مطلع مثلا فبالتالى بشيله من الd واحطه الى اخر الامامطيب العربيه عايزه تريح للوراء فمفيش مجال بتريح على الفتيس مما يتسبب فى بوش فى الميكانيكا دة غير ان ضغط الزيت هيقل ؟
ايه الصح انك بعد ما تقف تشد فرامل اليد وبكده العربيه ريحت على اليد مش على الفيتيس بعد كده تحط الفيتيس فى الباركينج زى ما انت عايز .

**SAMER_ENGINES** · 16-02-2011 03:27 PM

المشاركة الأصلية كتبت بواسطة tjp

ده مش طبيعى ياباشا ده تهريب فى ضغط الزيت وده سببه كثرة الوقوف غلى الفيتيس فى الوضع العلوى (الباركينج يعنى)لان معظم الناس بتستعمل الوضع ده كفرامل يد لانه بيكلبش العربيه طبعا وده على حساب الفيتيس يعنى لما اكون واقف فى اشاره مطلع مثلا فبالتالى بشيله من الd واحطه الى اخر الامامطيب العربيه عايزه تريح للوراء فمفيش مجال بتريح على الفتيس مما يتسبب فى بوش فى الميكانيكا دة غير ان ضغط الزيت هيقل ؟
ايه الصح انك بعد ما تقف تشد فرامل اليد وبكده العربيه ريحت على اليد مش على الفيتيس بعد كده تحط الفيتيس فى الباركينج زى ما انت عايز .

الله ينور عليك انا كنت بعمل كدة فى اى عربية اوتوماتيك تحت ايدى من سيارات الاقارب او الاصدقاء بسيبها على الـ p و أقول ما هى مكلبشة فى الارض و بعدين ابن عمى اشترى عربية نيسان صنى اوتوماتيك و قال لى انه قرأ فى الكاتالوج بتاعها زى تحذير بعدم الاعتماد على وضع الـ p فى اوقات انتظار السيارة و ضرورة شد فرامل اليد اولا ثم نقل وضع الفتيس الى وضع الباركينج و بدأت انفذ الكلام ده لما بسوق اى عربية اوتوماتيك و مكنتش فاهم ايه السبب لكن دلوقتى نورتنى الله ينور عليك.