اغرب طرق السواقه

**amrelsaqqa** · 22-01-2011 01:01 PM

اسوق بأي حاجة بس احسن سواقة لما بتكون بشبشب بلاستك ومحدش يستغرب بس يكون طري شوية ببقى حاسس بالدواسات جامد ومتحكم بالمللى
والسواقة وانا حافى كنت بعملها وانا لسه بتعلم
وسواقة الكوتشى دى بقى القيادة الرياضية
الكوتشى ما بيحسسنيش بالدوسة اوى وبلاقى نفسى بسوق بعنف وبدوس جامد بس بتبقى ليها متعة خاصة واوقات معينة

بس هو ليه الموضوع انحصر في حتة نوع الحذاء ؟

الراجل كان بيتكلم عن اي نمط سواقة ومن ضمنها نوع الاحذية

انا مثلا بحب امسك الدركسيون بايد واحدة ، بس في العربية البيجو ولأن الدركسيون مش باور وكبير بضطر امسكه بايديا الاتنين في السرعات البطيئة اوى اوالسريعة اوى

بحب اقفل الازاز واعزل نفسى عن الجو الخارجى على قد ما اقدر

فيه ناس بتلاقيهم مريحين على الكرسي ومنزلينه لتحت شوية وهم سايقين ، انا مبعرفش اعمل الحركة دى مع انها بتريح جامد في القعدة بس هى صعبة وبالذات جوة البلد عشان بتبقى مش شايف ابعاد العربية من قدام كويس في معظم العربيات بس ببقى مرجع الكرسى على الاخر عادى لأن طولى 184

**kamalsalem** · 22-01-2011 01:21 PM

انا بعمل حاجات متخلفة كتير بس عمري ما أذيت حد والله:
1- لو الطريق مفيهوش ملفات جامدة بسند الطارة لامؤاخذة بفخادي عشان ايديا الاتنين يبقوا احرار.. البيبسي ف ايد والسيجارة ف ايد والتليفون على ودني (بصراحة كان مشوار كمان 11 ساعة بالليل من ديترويت لنيو يورك ومكنتش طايق نفسي وكان لازم افضل صاحي عشان كنت رايح على الشغل علاطول)

2- ساعات بسوق الاوتوماتيك برجلي الشمال (أنا أشول أصلاً)

3- عمري ما أسوق حافي ولا بشبشب... جزمة أو كوتشي ماشي

4- النوم عندي سلطااااان... بنام وانا سايق جداً بقى وخصوصاً في الزحمة... ببص بعين واحدة كده على العربية اللي قدامي واشوف ممكن انام قد ايه قبل ما اعوز عنيا تاني... واغفل... مرة في الجامعة خيشت ف نفق الهرم بس كان عندي امتحان ومطبق. لذلك مؤخراً اتعلمت اركن في اي حتة واسيب شعرة في ازاز العربية وانام

5- لازم امسك في الفتيس وانا سايق حتى لو اوتوماتيك لدرجة في حتة في فتيس الكروز لونها غير وعايز اجيبله غطاء بس كل الغطيان اللي في السوق بيئة قوي

6- الصوت في الكاسيت لازم يكون على رقم زوجي

7- لو حد وقفني في الطريق (لجنة أو قابلت واحد صاحبي ولا حاجة) لازم اقلع الحزام والبسه تاني وانا ماشي

8- زمان كان لازم الكرسي يبقى على اخره ورا بس الكروز مينفعش فيها كده عشان رجلي مش بتطول.. بس لازم اسوق ورجليا مفرودة

9- الكنبة اللي ورا هي دولابي.. أي حاجة ف ايدي ارمي على الكنبة لدرجة ساعات ممكن ارمي الموبايل ورا

10- كل العربيات اللي بسوقها بتحدف شمال (حاجة غريبة كده ملهاش تفسير)

لو افتكرت حاجة تانية هقولكوا

**saadelden** · 22-01-2011 02:14 PM

اما كنت ف السعوديه هناك معظم العربيات اوتوماتيك و غير كدا السعوديين بيحبو العربيات الكبيره
ف كتير اوي تلاقي الي سايق رامي رجله الشمال ع الازاز :d
هههههههههههههه

بس طبعا عمري ما افكر اعملها

**ahmedbasto** · 22-01-2011 03:46 PM

المشاركة الأصلية كتبت بواسطة dode2002

انا بسوق بكل الطرق اسوق حافي عادي بس لو فيه ضروره
اسوق وانا لابس شبشب عادي جدا وبتحصل كتير
اسوق وانا لابس كوتشي او جزمه ده العادي
ايه بقي المشكله

أنا كمان واضح ان الأعضاء الطنطاوية معلمين سواقة هههههههه

**AkramArafa** · 22-01-2011 06:41 PM

انا بحط رجلي الشمال تحتي و اسوق بال يمين عشان العربيه اوتوماتيك
واحسن سواقه بقي لما اكون لابس كوتشي كبير مش بحس بالدواسه وبجري بالعربيه عشان كده وانا سايق بكوتشي بنزل رجلي الشمال عشان احس بمتعه السواقه

**ABO_MAREM** · 22-01-2011 06:53 PM

ايه دا مش ممكن اعمل الموضوع امبارح يجى لى كل الردود دى ايه الهنا دا.

بس ما شاء الله فى ناس روقااااااان فى السواقة

ولازم اقلع الساعة واشيل المحفظة علشان اكون براجتى

مع انى مش فاهم ايه العلاقه بس حجربها كده واقولك

ان بعمل حاجات متخلفة كتير بس عمري ما أذيت حد والله:
1- لو الطريق مفيهوش ملفات جامدة بسند الطارة لامؤاخذة بفخادي عشان ايديا الاتنين يبقوا احرار.. البيبسي ف ايد والسيجارة ف ايد والتليفون على ودني (بصراحة كان مشوار كمان 11 ساعة بالليل من ديترويت لنيو يورك ومكنتش طايق نفسي وكان لازم افضل صاحي عشان كنت رايح على الشغل علاطول)

2- ساعات بسوق الاوتوماتيك برجلي الشمال (أنا أشول أصلاً)

3- عمري ما أسوق حافي ولا بشبشب... جزمة أو كوتشي ماشي
ا
4- النوم عندي سلطااااان... بنام وانا سايق جداً بقى وخصوصاً في الزحمة... ببص بعين واحدة كده على العربية اللي قدامي واشوف ممكن انام قد ايه قبل ما اعوز عنيا تاني... واغفل... مرة في الجامعة خيشت ف نفق الهرم بس كان عندي امتحان ومطبق. لذلك مؤخراً اتعلمت اركن في اي حتة واسيب شعرة في ازاز العربية وانام

5- لازم امسك في الفتيس وانا سايق حتى لو اوتوماتيك لدرجة في حتة في فتيس الكروز لونها غير وعايز اجيبله غطاء بس كل الغطيان اللي في السوق بيئة قوي

6- الصوت في الكاسيت لازم يكون على رقم زوجي

7- لو حد وقفني في الطريق (لجنة أو قابلت واحد صاحبي ولا حاجة) لازم اقلع الحزام والبسه تاني وانا ماشي

8- زمان كان لازم الكرسي يبقى على اخره ورا بس الكروز مينفعش فيها كده عشان رجلي مش بتطول.. بس لازم اسوق ورجليا مفرودة

9- الكنبة اللي ورا هي دولابي.. أي حاجة ف ايدي ارمي على الكنبة لدرجة ساعات ممكن ارمي الموبايل ورا

10- كل العربيات اللي بسوقها بتحدف شمال (حاجة غريبة كده ملهاش تفسير)

لو افتكرت حاجة تانية هقولكوا

روقان روقان روقان معلش ممكن تقولنا بتعمل ايه فى غرفة نومك ادام بتعمل كده فى العربية دا انتا كارثة يا نجم

نا بشتري جزم معينه بتبقا مريحه علشان متضايقش وانا بسوق

فين وبكام وازى قر بسرعه عايز اشترى

احسن سواقه وانت مسافر تبقى حافى ولابس شورت وعيش مع الطريق

ناقص لك بحيرة صناعية فى العربية وتبقى تمام

فكرتنى بفليلم بتاع عادل امام لما كان محامى واتحبس وفى الزنزانة قلع ملط وجاب العكسرى بقولة ايس كريم كلوكلو ومشغل الكاست على صوت البحر ولابس عوامة.

**فتح الباب** · 22-01-2011 07:41 PM

وتخيل بقى لو قابلك واحد صاحبك فجأه وهتضطر تسلم عليه بسرعه وياسلام لو هوا كمان حافى تبقى كملت ههههه طيب لو اتفاجأت بضابط رخم تعمل ايه وهتقول ايه

**abogogo** · 22-01-2011 08:15 PM

المشاركة الأصلية كتبت بواسطة kamalsalem

انا بعمل حاجات متخلفة كتير بس عمري ما أذيت حد والله:
1- لو الطريق مفيهوش ملفات جامدة بسند الطارة لامؤاخذة بفخادي عشان ايديا الاتنين يبقوا احرار.. البيبسي ف ايد والسيجارة ف ايد والتليفون على ودني (بصراحة كان مشوار كمان 11 ساعة بالليل من ديترويت لنيو يورك ومكنتش طايق نفسي وكان لازم افضل صاحي عشان كنت رايح على الشغل علاطول)

2- ساعات بسوق الاوتوماتيك برجلي الشمال (أنا أشول أصلاً)

3- عمري ما أسوق حافي ولا بشبشب... جزمة أو كوتشي ماشي

4- النوم عندي سلطااااان... بنام وانا سايق جداً بقى وخصوصاً في الزحمة... ببص بعين واحدة كده على العربية اللي قدامي واشوف ممكن انام قد ايه قبل ما اعوز عنيا تاني... واغفل... مرة في الجامعة خيشت ف نفق الهرم بس كان عندي امتحان ومطبق. لذلك مؤخراً اتعلمت اركن في اي حتة واسيب شعرة في ازاز العربية وانام

5- لازم امسك في الفتيس وانا سايق حتى لو اوتوماتيك لدرجة في حتة في فتيس الكروز لونها غير وعايز اجيبله غطاء بس كل الغطيان اللي في السوق بيئة قوي

6- الصوت في الكاسيت لازم يكون على رقم زوجي

7- لو حد وقفني في الطريق (لجنة أو قابلت واحد صاحبي ولا حاجة) لازم اقلع الحزام والبسه تاني وانا ماشي

8- زمان كان لازم الكرسي يبقى على اخره ورا بس الكروز مينفعش فيها كده عشان رجلي مش بتطول.. بس لازم اسوق ورجليا مفرودة

9- الكنبة اللي ورا هي دولابي.. أي حاجة ف ايدي ارمي على الكنبة لدرجة ساعات ممكن ارمي الموبايل ورا

10- كل العربيات اللي بسوقها بتحدف شمال (حاجة غريبة كده ملهاش تفسير)

لو افتكرت حاجة تانية هقولكوا

ايه ياسيدي الفاضل ده ههههههه مش ممكن انا اعرف واحد جاري بيحلق دقنه وهو راكب العربية بيحط منديل ورق على صدره ويستعمل ماكينة الحلاقة بالكهرباء ويحلق

عشان شغال في مكان لازم يكون حالق ومتأنتك ومشكلته انه مشعر ....و اعرف سواق مقطورة بيسافر بين البلاد عنده عدة شاي" بوتاجاز وبراد وكوبيات" وبيعمل شاي وبيشربه وهو سايق

... انت غالبتهم ياباشا بتاكل وتشرب وتتكلم في المومبيل وتنام فاضل تستحمى في العربية

لاء وبتسوق الاتوماتيك بالشمال فأكيد العربية لازم تحدف شمال

هاتلك عربية على النظام الانجليزي عشان تريحك ... بصراحة انا بتخيلك سايق وبضحك

**No Comment** · 22-01-2011 08:29 PM

هههههههههههه موضوع جديد ... وعاوز أشترك فيه معاكم .
- بسوق بأى حاجة ... كوتشى .. جزمة .. حافى .. صندل .. شبشب ... بس أحسن سواقة بتكون بكوتشى فلات زى كونفرس كدة .
- مبعرفشى اسوق ابدأ الا بأيدى الشمال (مع انى مش اشول ) مبعرفشى اسوق باليمين ومبستخدمهاش الا نادراً فى الركنة أو فى حالة السرعة العالية جداً كتامين أو احياناً كنت بستخدمها ايام الشقاوة زمان فى الغرز .
- ايدى اليمين لازم تبقى على الفتيس حتى لو اتوماتيك .... أو ماسكة ريموت الكاسيت علشان يجيب الخمسات بتاعت الفوليم (هذكر حكايت فروق الخمسات دى تحت ).
- فوليم الكاسيت لازم يكون رقم يبدأ بـ صفر أو خمسة يعنى 10 15 20 25 30 35 وده اخرى فى الصوت .
الصبح لازم أسمع قرءان وانا رايح الشغل .... وانا راجع بسمع أى حاجة سواء راديو او سى دي( ميوزيك معين كدة بسمعه ).

- بحب اوى اشد حاجب الشمس بتاع فتحة السقف واسيب الزجاج ... بيحسسنى بروح الأنطلاق ... واحيانا بفتح الفتحة فى الشتاء بردوا .
- عينى للاسف اتعودت على انها تبقى على طول على العدادات سواء السرعة أو الحرارة ( عادات قديمة من ايام الجرى والشقاوة )
بس كدة .... ولو افتكرت حاجة تانى هبقى اقول ههههههههههههههه .

الموضوع: اغرب طرق السواقه

LinkBack

أدوات الموضوع

عرض

-

-

-

-

-

المواضيع المتشابهه

يعنى ايه مواصفات السواقه ؟هى العربيه بتحس بطريقه سائقها فى السواقه

سؤال من مبتدئ في السواقه بخصوص السواقه والعربيه((ليجانزا 2002

سؤال من مبتدئ في السواقه بخصوص السواقه والعربيه((ليجانزا 2002

سؤال من مبتدئ في السواقه بخصوص السواقه والعربيه((ليجانزا 2002

السواقه بالدراااااااع

الكلمات الدلالية لهذا الموضوع

المفضلات

المفضلات

ضوابط المشاركة