الموضوع: اوفست الجنوط

المشاركة الأصلية كتبت بواسطة mmamdouh

انت مدخل الدنيا فى بعضها

الحسابات اللى انت عاملها دى لمحيط الاطار (و هى بالمللى على فكرة) و دة اللى بيستخدم فى مقارنة الوضع قبل و بعد الجنوط للتاكد من ان الاطار مازال فى حدود المسموح بيه من ناحية الحجم عشان فرق ارتفاع العربية و دقة عداد السرعة... كل دة ملوش علاقة بالاوفست فى حاجة

mmamdouh

يعنى افهم من كده
ان فى الجنط الجديد في رقم اوفست لازم يكون مطابق للاوفست بتاع الجنط القديم ولا بمقدار ايه مثلا لو في فرق
وما راى حضراتكم فى الثلاث مقاسات السابقين للاكسيل
ايهم افضل ؟
وشكرا جزيلا

المشاركة الأصلية كتبت بواسطة madaxman

واحده واحده عليا ياعم مش فاهمك
يعني ايه فلانشات ولو في صوره ليها ؟؟؟؟ بس مبدأيا انا مش مركب
انا عندي مش مشكله كاوتشات قدام لكن المشكله ف كاوتشات ورا لأن الشاهين الجنط بتاعها داخل اوي لجو ورا عشان كدا ثباتها مش اللي هوا
وايه الرنجات بتاعه الجنوط دي ؟؟؟

بص يا سيدى الفلانشه دى صورها





دى وظيفتها انها تنطر الجنط بالكاوتش لبره وخصوصا لو مركب جنط الاوفست بتاعه عريض وحيحك فى السوست او اى حاجه جوه وطبعا الميزه انك لما حتطلع العجل بره حتزود الثبات

الرينجات دى بقا عباره عن حلقات صغيره عشان الخرم الكبير بتاع الجنط ميبقاش راكب كده هو المفروض يبقى محكوم على الصره او الحته المدوره الصغيره دى اللى بيركب فيها ودى مشهوره وبتتعمل عند اى خراط نضيف وتعملها تيفلون او المونيوم فقققققققط بلاش تجيب البلاستيك اوعى
ودى فايدتها كمان انك مش حتحس برعشه فى السرعات العاليه بعد ال 90 او بعد ال 80 كأنك عاوز ترصص وفى نفس الوقت تحميل العجل كله مش على المسامير بس
لو دورت على المنتدى حتلاقى شرح اكتر عنها

ثالثا با لو عاوز تزود الثبات اعمل زى مقولتلك ومش حتندم قول لبتاع الزوايا يفتحلك العجل من تحت يخليه زى العربيات الالمانى بالظبط يعنى يبقى الفرق بين العجلتين من تحت اكتر من فوق ودى حتزود الثبات اكتر معاك ولو تقدر توطى العربيه وطيها

المشاركة الأصلية كتبت بواسطة moe86

هى دى الفلانشات


و لو خدت بالك, ليها شفة طالعة منها علشان وزن الجنط يبقى متحمل عليها
طبعا دى بتتعمل عمولة فى مصر و بتتكلف حوالى 220 جنيه مادة خام و مصنعية
بس نصيحة من واحد مجرب: دة عك شوية, لو تعرف تدخل الجنط اللى عندك فى جنط تانى حتى لو مستعمل برضو بالأوفست المظبوط و تدفع فرق ال220 جنيه دول يبقى أحسن 100 مرة
أولا الفلانشات دى مش أمان 100% , ثانيا لو مش معمولة كويس ممكن تعمل "دردرة" أو "رجرجة" مع السرعة و الترصيص ما يعالجهاش !!

حرام الجنط لسه مكملش شهرين والأوفست بتاعه مظبوط يعني هوا هوا ال فبريكه بس انا بقول ان الجنط الأول كان الاوفست بتاعه مخليه فارش لبرا عشان كدا حسيت بالفرق مع اني كبرت الجنط وخليته 14

المشاركة الأصلية كتبت بواسطة misoalex

بص يا سيدى الفلانشه دى صورها





دى وظيفتها انها تنطر الجنط بالكاوتش لبره وخصوصا لو مركب جنط الاوفست بتاعه عريض وحيحك فى السوست او اى حاجه جوه وطبعا الميزه انك لما حتطلع العجل بره حتزود الثبات

الرينجات دى بقا عباره عن حلقات صغيره عشان الخرم الكبير بتاع الجنط ميبقاش راكب كده هو المفروض يبقى محكوم على الصره او الحته المدوره الصغيره دى اللى بيركب فيها ودى مشهوره وبتتعمل عند اى خراط نضيف وتعملها تيفلون او المونيوم فقققققققط بلاش تجيب البلاستيك اوعى
ودى فايدتها كمان انك مش حتحس برعشه فى السرعات العاليه بعد ال 90 او بعد ال 80 كأنك عاوز ترصص وفى نفس الوقت تحميل العجل كله مش على المسامير بس
لو دورت على المنتدى حتلاقى شرح اكتر عنها

ثالثا با لو عاوز تزود الثبات اعمل زى مقولتلك ومش حتندم قول لبتاع الزوايا يفتحلك العجل من تحت يخليه زى العربيات الالمانى بالظبط يعنى يبقى الفرق بين العجلتين من تحت اكتر من فوق ودى حتزود الثبات اكتر معاك ولو تقدر توطى العربيه وطيها

تقريبا فهمتك بس حكايه الربنجات مش فاهمها اوي وان شاء الله انا بدور ع سوست وهوطيها شويه
اما حكايه اني افتح العجل من تحت دي ممكن اعملها والله بس هل دي ليها تأثير ع حاجه ؟؟؟؟؟

المشاركة الأصلية كتبت بواسطة madaxman

حرام الجنط لسه مكملش شهرين والأوفست بتاعه مظبوط يعني هوا هوا ال فبريكه بس انا بقول ان الجنط الأول كان الاوفست بتاعه مخليه فارش لبرا عشان كدا حسيت بالفرق مع اني كبرت الجنط وخليته 14



تقريبا فهمتك بس حكايه الربنجات مش فاهمها اوي وان شاء الله انا بدور ع سوست وهوطيها شويه
اما حكايه اني افتح العجل من تحت دي ممكن اعملها والله بس هل دي ليها تأثير ع حاجه ؟؟؟؟؟

بص يا باشا ال فيات بيبقى عجلها مفتوح من فوق واول متحملها من ورا العجل بيقفل من فوق عشان السوست بتتفرد وتلاقى العجل اتظبط واتفتح من تحت شويه

انت عندك عشان دفع خلفى ممكن يكون العجل مظبوط شويه عشان اظن مفيش السوسته اللى بالعرض عندنا فى الجر الامامى
طبعا الموضوع ده بيأثر على الثبات طول ممنت مش مركب حد ورا معاك وعشان كده لما بتحمل العربيه بتحس بثبات اكتر لان حتلاقى العجل اتظبط معاك
طبعا الالمانى مفهوش الكلام ده خالص العجل بص عليه حتلاقيه زى ال 8 مفتوح من تحت اكتر من فوق وده بيدى ثبات رهيب
لانه موسع قاعده العربيه اكتر على الاسفلت بالبلدى

حلها زى مقولتلك حتروح لبتاع الزوايا وتقوله يفتحلك العجل من تحت شويه صغيره خالص يعنى من بعيد تحس انه العجل عامل اكنه 11 بس من تحت مفتوح سنه صغيره وكل متفتح من تحت اكتر بسيط يديك ثبات اكتر بس لو فتحت اوى حياكل الكاوتش معاك ده التأثير الوحيد السلبى وانت مش حتوصل للدرجه دى لان اللى بيعمل كده عربيات السباق والرالى وكده

على فكره هو مش بيعمل زرجينه ولا شغل عفشه ولا اى حاجه ده بيهوى المسامير بتاعه الزوايا ويحط فيها ورد حرف u اللى هى بيظبط بيها الزوايا اصلا
ولو المسمار عندك مش طويل او مفهوش مسافه يحط فيه ورد حيطلب منك تجيب مسمارين اطول بس دى الحكايه كلها

بس طبعا لازم يكون بتاع زوايا فااااااااااااااااااااااهم مش اى حد والموضوع مش مكلف كبيره 20 جنيه بالبقشيش كمان بس لو حتجيب مسامير طبعا تجيبها صلب