ازاى تشتنرى شقه جديده وتبقى مطمن؟

**M.Mokhtar** · 01-04-2008 02:46 PM

يا جماعه انا ناوى ان شاء الله اشترى شقه عشان لزوم الجواز وكده ربنا يعينا

بس سمعت كتير من صحابى وناس قريبى عن الغش اللى بيحصل والنصب والكلام ده

ازاى اضمن ان صاحب الشقه ده مش بينصب عليا وايه الحاجات اللى لازم اخد بالى منها
وياريت لو معانا هنا ناس محاميين يدونا اى معلومات ممكن تفيدنا

انا فى شقه عجبانى فى عمارة مبنيه جديد بس هم 3 شركاء صحاب العماره هى طبعا على المحاره ولسه الوجهه ما اتشطبش ولا السلم والاسانسير لسه ما ركبش

ياترى لازم يكون فى شرط جزائى لو الحاجات دى ما اتعملتش فى خلال وقت معين ولا اضطمن ازاى انه هيلتزم ويعمل الحاجات دى؟؟

**محمد المشد** · 01-04-2008 02:55 PM

المشاركة الأصلية كتبت بواسطة mimysheckles

يا جماعه انا ناوى ان شاء الله اشترى شقه عشان لزوم الجواز وكده ربنا يعينا

بس سمعت كتير من صحابى وناس قريبى عن الغش اللى بيحصل والنصب والكلام ده

ازاى اضمن ان صاحب الشقه ده مش بينصب عليا وايه الحاجات اللى لازم اخد بالى منها
وياريت لو معانا هنا ناس محاميين يدونا اى معلومات ممكن تفيدنا

انا فى شقه عجبانى فى عمارة مبنيه جديد بس هم 3 شركاء صحاب العماره هى طبعا على المحاره ولسه الوجهه ما اتشطبش ولا السلم والاسانسير لسه ما ركبش

ياترى لازم يكون فى شرط جزائى لو الحاجات دى ما اتعملتش فى خلال وقت معين ولا اضطمن ازاى انه هيلتزم ويعمل الحاجات دى؟؟

شوف علشان انا مقروص ومفروس كمان من بتوع العمارات دول اولا لازم تتأكد من الشركاء الثلاثة موجود اسمهم فى عقد الارض الاصلى وتأخذ صورة منه وتأخذ صورة من ترخيص البناء ومتدفعلش الا 1000 جنية مثلاً والباقى بعد ان تسأل الحى الموجودة به الشقة عن صحة الترخيص واسم المالك الذى خرج بأسمة الترخيص ، بالنسبة للاسانسير لازم يكتب فى العقد الابتدائى انة ملتزم بالاسانسير لاننى بعد ان تسلمت الشقة قال ان القانون لا يلزمة لان العمارة خمسة ادوار بالمعادى
ويكتب مواصفات الواجهة والتشطيب بصفة عامة للعمارة ( يعنى رخام ولا اية ) لا تعطية القسط الاخير الا بعد استلام توكيل غير قابل للالغاء بتملك الشقة وبيعها للغير وتركيب العدادات الكهرباء والمياة والهاتف 0000 الخ
واذا تذكرت اى شىء سوف اوافيك به

**M.Mokhtar** · 01-04-2008 03:02 PM

المشاركة الأصلية كتبت بواسطة محمد المشد

شوف علشان انا مقروص ومفروس كمان من بتوع العمارات دول اولا لازم تتأكد من الشركاء الثلاثة موجود اسمهم فى عقد الارض الاصلى وتأخذ صورة منه وتأخذ صورة من ترخيص البناء ومتدفعلش الا 1000 جنية مثلاً والباقى بعد ان تسأل الحى الموجودة به الشقة عن صحة الترخيص واسم المالك الذى خرج بأسمة الترخيص ، بالنسبة للاسانسير لازم يكتب فى العقد الابتدائى انة ملتزم بالاسانسير لاننى بعد ان تسلمت الشقة قال ان القانون لا يلزمة لان العمارة خمسة ادوار بالمعادى
ويكتب مواصفات الواجهة والتشطيب بصفة عامة للعمارة ( يعنى رخام ولا اية ) لا تعطية القسط الاخير الا بعد استلام توكيل غير قابل للالغاء بتملك الشقة وبيعها للغير وتركيب العدادات الكهرباء والمياة والهاتف 0000 الخ
واذا تذكرت اى شىء سوف اوافيك به

شكرا لسرعه الرد
المشكله ان الدفع كاش وانا هدفع كله مره وحده
بس هحاول اخد بالى من الحاجات اللى انت قولتها

بجد مش عارف اشكرك ازاى

**tmz9111** · 01-04-2008 03:29 PM

المشاركة الأصلية كتبت بواسطة محمد المشد

شوف علشان انا مقروص ومفروس كمان من بتوع العمارات دول اولا لازم تتأكد من الشركاء الثلاثة موجود اسمهم فى عقد الارض الاصلى وتأخذ صورة منه وتأخذ صورة من ترخيص البناء ومتدفعلش الا 1000 جنية مثلاً والباقى بعد ان تسأل الحى الموجودة به الشقة عن صحة الترخيص واسم المالك الذى خرج بأسمة الترخيص ، بالنسبة للاسانسير لازم يكتب فى العقد الابتدائى انة ملتزم بالاسانسير لاننى بعد ان تسلمت الشقة قال ان القانون لا يلزمة لان العمارة خمسة ادوار بالمعادى
ويكتب مواصفات الواجهة والتشطيب بصفة عامة للعمارة ( يعنى رخام ولا اية ) لا تعطية القسط الاخير الا بعد استلام توكيل غير قابل للالغاء بتملك الشقة وبيعها للغير وتركيب العدادات الكهرباء والمياة والهاتف 0000 الخ
واذا تذكرت اى شىء سوف اوافيك به

100+++++++++++++++++

**amgad29** · 01-04-2008 03:48 PM

هل هي ديه العمارة الوحيدة اللي بيبنوها و لا شركة أو مكتب له مشروعات كتير؟
لو فيه مشروعات تانية ياريت تبص على واحده فيهم و تشوف التشطيب و التسليم اخباره ايه
ده طبعا بعد ما تسأل في الحي عن الأوراق و الرخصة
انا لما جيت اخد شقة المنهدس صاحب شركة المقاولات كتب على نفسه شرط جزائي في حالة التأخير في التسليم 2500 جنيه عن كل شهر تأخير

لو ممكن اعرف في أي منطقة الشقة و ربنا يوفقك

**M.Mokhtar** · 01-04-2008 03:59 PM

المشاركة الأصلية كتبت بواسطة amgad29

لو ممكن اعرف في أي منطقة الشقة و ربنا يوفقك

بين الهرم وفيصل محطة التعاون

**M.Mokhtar** · 01-04-2008 04:12 PM

لا هى مش تبع مشروع هم اللى بيبنوها

**amgad29** · 01-04-2008 04:47 PM

هو لازم تدفع الفلوس كلها كاش؟ مش ممكن تخلي جزء عند التسليم؟
معلشي انا مقروص منهم برضه بيوعدوا و يبقوا في منتهى التدين و الأخلاق لحد ما يقبضوا الفلوس و فجأة ماتلاقيهوش
يا تري فيه رخصة مباني ولا لأة لأنهم بيبنوا و بعدين بيدفعوا غرامات و بيبقى المشاكل كلها مع السكان

أعتقد سهل قوي انك تلاقي شقة جاهزة تسكن فيها على طول بدل المخاطرة خاصة في منطقة الهرم و حتى لو كانت أغلي شوية (اشتري راحة بالك)

**M.Mokhtar** · 01-04-2008 08:16 PM

المشاركة الأصلية كتبت بواسطة amgad29

يا تري فيه رخصة مباني ولا لأة لأنهم بيبنوا و بعدين بيدفعوا غرامات و بيبقى المشاكل كلها مع السكان

النور والمياة راكبين مش كده يبقى الرخصه سليمه ولا ممكن الحاجات دى تركب وفى مشاكل فى المبانى او الرخصه؟؟؟

**aif** · 01-04-2008 08:27 PM

اطلب صورة من رخصة المباني وسند ملكيتهم لللأرض واحتفظ بيهم دي حاجات مهمة جدا
ولازم يعملولك توكيل في الشهر العقار للبيع لنفسك والغير والتعامل مه جميع الجهات اللي ح تتعامل معاها زي الاستاذ محمد ماقاللك
واول ما يعملولك التوكيل وعقد البيع الابتدائي خلي محامي يعمللك تسجيل في الشهر العقاري ودة بياخد وقت شوية يمكن كام شهر
وخلي بالك لازم تعرف انت لك حصة في الارض ولا لأ ولو لك حصة لازم الكلام دة يذكر في العقد الأبتدائي ويستحسن يبقي معاك محامي وانت بتتمم عملية البيع ح يفيدك جدا

الموضوع: ازاى تشتنرى شقه جديده وتبقى مطمن؟

LinkBack

أدوات الموضوع

عرض

ازاى تشتنرى شقه جديده وتبقى مطمن؟ - انشر الموضوع فى :

-

-

-

-

-

-

-

-

المواضيع المتشابهه

طريقة جواز جديده حد يعرف ازاى ؟

ايه هية العربية اللى بتحلم تركبها وتبقى ملكك؟؟؟؟؟؟؟؟

ازاى تحسن نفسك ف الانجليزى وتبقى احسن

ازاى استلم عربية جديده (زيرو)

الكلمات الدلالية لهذا الموضوع

المفضلات

المفضلات

ضوابط المشاركة