الموضوع: بخصوص انزار الصنى . وهل الحل دا مفيد

المشاركة الأصلية كتبت بواسطة ahmed.tv

بلاش فصل فيوزات لان العربية فيها نظام مانع سرقة , وباللعب فى منطقة الفيوزات دى ممكن تفصل الدينا من بعض وتلغى ميزة عندك مهمة

مانع السرقة ده لو حد كسر الزجاج بتاع السيارة وجه يدور العربية العربية مش حتدور

استاذى الفاضل احمد المصرى ( انا احمد و مصرى برده )

هفيدك باذن الله

الانذار الاصلى مفهوش
1-حساس للاهتزاز (لو حد خبط او هز او قعد يخربش السياره او حاول ياخد طاسه او علامه السياره)و دى اهم حاجات و علامة سيارتى اتسرقت برده رغم انف الانذار
2- مبيقفلش لوحده تانى لو فتح بالغلط(auto lock)
3- ريموت واحد فقط
4-شكله مش لطيف قوى



مانع السرقة لا يعمل الا اذا تم قفل السيارة بالمفتاح او الريموت الاصلى يعنى اذا تم قفل السيارة بالمسوجر ( كما هو الحال فى الانذار المستحدث بيتم تثبيت و حدة شد للمسوجر تعمل مع الريموت ) لا يعمل مانع السرقة و جربوا هتلاقوا اللمبه بتاعته لا تعمل مع غلق الابواب من الداخل بالمسوجر


انا ركبت انذار و وحدات رفع للزجاج فى التوكيل مع صيانة 1000 كم و تم تركيبه و اصبح الريموت القديم شغال و الجديد شغال كل واحد فى حاله ( بس متقلفش بواحد و تفتح بواحد ) بمعنى اصح و العربية مفتوحة قرر تستخدم واحد لحد اما تزهق منه سيب العربيه مفتحة الابواب و اشتغل بالتانى و هكذا الاتنين ملهمش دعوة ببعض ......حد فهم حاجة !!!


لم يتم فصل اى فيوزات اطلاقا و كل انذار فى حاله

نصيحتى ليك اشترى الانذار من برة و ركبة بره عند الكهربائى بتاعك و الموضوع بسيط جدا و ليس به اى تعقيد


انا دفعت مصنعية تركيب فى التوكيل290 جنيه اغلى من تمن الانذار و وحدات الرفع 255 جنيه و ذلك لاحتفظ بالضمان


و راجع موضوعى

http://www.nilemotors.net/Nile/139897-1000.html

و مرحبا بحضرتك فى القسم معانا

لعموم الفائدة و اللى مكسل الموضوع اهه

"اولا اشتريت جهاز الانذار نوع spy ب 155 جنيه + وحدة سنتر ب 20 جنيه و وحدات الرفع 2 وحده (كل وحده 2 باب ) 2×40 =80 جنيه يعنى التكلفه 255 جنيه فقط و دى صورهم









و طبعا انا قلتلكم ان مركز الصيانه قاللى هات اللى انت عايزه و احنا نركبه كله بحسابه.
المهم بعد ما عملو الصيانه بدأوا يركبو الانذار ووحدات الرفع و اللذيذ ان الانذار الاصلى سيظل كما هو بدون تغيير اذا احتجتله و الانذار الجديد كل يعمل لوحده و طبعا اكيد هستخدم الجديد لوحده بس.


و لما بقوم بعمل غلق للسيارة بالمفتاح او بالانذار الجديد يغلق الزجاج اوتوماتيكيا ( دا حتى اذا كنت جوه العربيه و المفتاح بره الكونتاك و قفلت المسوجر الرئيسى يغلق الزجاج ايضا بدون مفتاح او ريموت او انذار)


الانذار به زرار لفتح الشنطه بس لا يقوم بفتح الشنطه الا و السياره مفتوحه يعنى غير مسوجره (أى تكون غير مؤمنه بالانذار)


وكانت المصنعيه 100 جنيه لوحدات الرفع + 150 الانذار +13 شيكرتون و مسامير +26 ضريبة مبيعات اى الاجمالى 289 جنيه يعنى اغلى من تمنهم

و فى النهايه ادولى وصل به بيان ماتم من تركيبات

المشاركة الأصلية كتبت بواسطة احمد المصرى

موضوع مانع السرقه والمبه ال انت تقصدها دى هل اللمبه ال موجوده فى نص التابلوه ال بتنور احمر ولا حضرتك تقصد حاجه تانيه

د/أحمد ........... كيف حالك؟؟
أسال الله لك العافية
انا كنت عايز افهم الجزء ده بعد اذنك .......

مانع السرقة :
يتم تفعيلة و تشغيلة بدائرة كهربائيه عن طريق غلق السيارة بالمفتاح او الريموت الاصلى فقط و يتم بذلك تشغيل اللمبة الحمراء اللى فى الطابلوه امام اسائق اللى فى المنتصف

و لو انت قاعد جوا العربيه و اغلقت المسوجر بايديك ( او بشدادة الانذار المستحدث) فمنطقى الا يعمل مانع السرقة لسببين

الاول ان الدايرة بتاعته موجودة بداخل الكالون و طبيعى المفتاح و هو بيقفل الدايرة و كذلك الريموت الاصلى بيشتغل على الكالون مباشرة يعنى نفس مهمة المفتاح

التانى ان صاحب السيارة و هو بداخلها و اغلق الابواب بالمسوجر علشلن ينام او علشان الولاد مينزلوش مثلا و حب يفتح تانى بالمسوجر فدا وضع لا يتطلب تشغيل مانع السرقة لان اللى قفل المسوجر من جوه هو جوه بالفعل و بيحمى العربيه

اما لو كنت جوة السيارة و اغلقت بالريموت الاصلى و حاولت تفتح بالمسوجر الانذار هيشتغل

يعمل فى حالة فتح السيارة بأى شىء آخر غير المفتاح او الريموت الاصلى ( زى كسر الزجاج و فتح المسوجر ) و لو فتحت السيارة بنسخة مفتاح فدا امر طبيعى و انا عامل نسخة و بتفتح و تقفل

يعنى من الاخر الريموت الاصلى يحمى عند كسر الزجاج فقط و محاولة فتح السيارة بالمسوجر و بيقوم بالآتى:

اصدار صوت زمارة السيارة 8 مرات تقريبا و اذا لم يتم اعادة الانذار لوضعة الاصلى ( بضغطة على الريموت الاصلى او فتح و غلق السيارة بالمفتاح (سواء اصلى او نسخة ) يقوم الانذار بفصل الكهرباء عن الكونتاكت و لا تستطيع تشغيل السيارة الا بالرجوع الى التوكيل (دا على حسب الكهربائى اللى فى التوكيل ما قال لى ان فيه عربيات بتيجى مقطورة على التوكيل لحل مشكلة الكونتاكت اللى فصل )


و تركيب الانذار برةالتوكيل شىء سهل جدا و اى كهربائى بيفهم بيكبه عادى خالص و ملوش دعوة بالانذار الاصلى حتى لو مقلتلوش ان فيه انذار اصلى مش هتفرق معاه

لان الانذار الاصلى توصيلته بكهرباء السيارة و بالكالون ام الانذار الخارجى بيركب شدادة للمسوجر تعمل بالريموت و تفعل حساسية السرينه و الهزاز عند قفل الشدادة بكل بساطة !!!


عذرا على الاطالة و لو فيه غلط حد يصحح لى ...

لو ركبت انزار هل هيلغى ميزه مانع السرقه دى ولا برضوا هتكون شغاله

مش هيلغيها بس علشان تشغلها لازم تقفل العربيه بالريموت الجديد و القديم مع بعض و دا هيعمل لخبطة جامدة ليك



لكن نصيحتى لو هتسيب العربيه فى مكان مهجور اغلقها بالمفتاح اولا و بعدين اقفل بالريموت الجديد( بكدة الاتنين شغالين ) و لما تيجى تفتح افتح بالمفتاح اولا و بعد كدة بالريموت الجديد و هتتلخبط هتتلخبط و العربيه هتزمر و الناس هتقول امسك حرامى امسك حرامى
...........


من الاخر شغل ريموت واحد فقط اللى هو الجديد لان به انذار للهز اما الاصلى فدا فى حالة كسر الزجاج فقط و ما اندر هذة لاحالة و ربنا يحفظلك العربيه قبل كل شىء