الموضوع: محتار بين التيدا والليفينا والرينو الاسكالا

ربنا يطمنك عليه ويشرف ولى العهد بالسلامة وجعله الله قرة عين والديه ويتربى فى عزك ان شاء الله ويملاء قسم نيسان واء وويئ

بصى يا فندم طالما معاك المدام واولادك باذن الله حتى لو العربية ثابتة ومكلبشة فى الارض , بردوا متجريش , ولازم سواقتك تهدى من هنا ورايح عشان اسرتك حتى لو هما مش معاك , بردوا تكون هادى فى سواقتك

قصة الثبات , واستجابة الماتور مختلفة بين بعضهم

استجابة الماتور للتيدا سريعة وقوية جدا ,والتجميع عالى على السرعات العالية ومش بتقول لا ابدا

الثبات زى ما قولتلك بيخف من اول ال140 , , حتحس بيه لما تعدى من جنب حاجة عالية , زى اتوبيس مثلا او ميكروباص عالى , بحدفة خفيفة مش محسوسة , بس مفيش منها اى قلق

انا اخدت غرز بيها على 120 ولا الدموع وكان معايا اعضاء من النايل شهدين عليه
وكمان بيشوى ساق عربيتى واخد غرز على 120 ولا الدموع ثابتة وكله تمام مع انه مش متعود على العربية وكان اول مرة يسوقها

وعلى فكرة احنا اتكلمنا فى موضوع الثبات ده كتير , العربية سقفها عالى , بتاخد راحة فى الصالون وانت قاعد , وكمان من تحت العربية عالية , يعنى انسى المطبات خالص انك تحك فيها

فالانسان مش بياخد كل حاجة , بتاخد حاجة وبتتنازل عن حاجة تانية

وعربيات كتير عالية بردوا وبيحصل فيها نفس اللى بيحصل فى التيدا زى الماتركس والليفينا واللوجان وغيره كتير من اللى سقفه عالى

اما بخصوص الفرق بين الليفينا والتيدا اول فئة هو وجود مفتاح اسمارت كى فقط اللى فى الليفينا دى
غير كدا مفيش فرق يذكر
ومعرفش ايه الba دى اللى حضرتك بتقول عليها

الاتنين فيهم ايرباجز للسائق والراكب الامامى - الاتنين فيهم فوجات - الاتنين فيها abs,brake assist,ebd -الاتنين التكيف عادى مش بكر ولا اتوماتيك -
الكاسيت التيدا عريض والليفينا لا على ما اعتقد _الشنطة فى ناس بتفضل شنطة الليفينا - القعدة فى التيدا اوسع شوية فى الخلف عن الليفينا ودى شوفتها بعنيه و3 قعدة ورا فى الاتنين بحاجام متوسطة وكانوا مرتاحين فى التيدا اكتر

بص بامانة ايام التيدا اول فئة اليابانى اللى بتتقفل فى اليابان لو كانت لسه موجودة وبتقارن بينها وبين الليفينا كنت رشحتلك الليفينا
لكن التيدا المكسيكى اول فئة لما تقارنها بالليفينا ,يبقا ارشحلك التيدا لان زودوا فيها اوبشنات فى اول فئة كويسة

وفى الاخر الاختيار يرجعلك والقرار قرارك

انزل واقعد فى العربيتين زى ما قولتلك

وفى النهاية وقت الشراء كلمنى وانا اجيب لحضرتك خصم كويس عليها باذن الله و يبقا على وش المولود الجديد

وتجت امرك

المشاركة الأصلية كتبت بواسطة basemsaeed

ردك اكتر من ممتاز فعلا يا استاذ احمد
ربنا يباركلك فعلا و يجزيك كل خير

و انت فعلا يا استاذ احمد لما حضرتك اضفت المعلومات الجديدة انهم ضافوا فى الفئة الاولى الايرباج التانية و الفوجات
فعلا فكرت فى العربية جامد انى اشتريها ان شاء الله

و بالنسبة لل ba,كان العضو المحترم قصده بيها ال brake assist اللى حضرتك تفضلت و قولتها فوق

الله يبارك فى عمرك يا استاذ باسم
ولينا الشرف تكون من ملاك التيدا يا باشا
فعلا الفئة الاولى منها بقت روعة وعليها طلب دلوقتى من بعد ما اضافوا كماليات مهمة ليها وعملية
وكل سيارات نيسان فيها بريك اسست , وفيها وسائل امان وتقفيلهم كويس وخامات ممتازة جداااا

يوم ما تنوى تشترى التيدا قولى بس وانا اجيبلك فيها خصم , وخصم محترم جداااا وسعر ممتاززز

المشاركة الأصلية كتبت بواسطة mas83

الله يبارك فى حضرتك بس المولود يجيى وانا ادوشك بالواءات
مش عارف اقول لحضرتك إيه ألف ألف شكر ولما أشوف اللإتنين واستقر أكيد هقول لحضرتك

لا تحت امرك يا فندم

وانا سالت لحضرتك على الليفينا قالولى مش حتلاقيها كتير انت وحظك لو لقيت عربية او اتنين فى اى معرض ,
وعشان تستلم اى عربية من الليفينا ومش عند حد موجودة بيكون مش قبل شهر 3 اللى جى

انا حبيت بس تكون عارف المعلومة دى