الموضوع: اسطورة التحليل !!

المشاركة الأصلية كتبت بواسطة salmay

وخير اللهم اجعله خير واحدة بنت منقبة تدخل عليا ..........




اظن لو الواحده راهبه ماكنتش حكيت لنا الحكايه او على الاقل ماكنتش ذكرت انها راهبه

كما اظن انك لو حكيت الحكايه من غير ماتقول منقبه ولا غيره ماكنش هيأثر فى معنى الحدوته بتاعتك ولا هيغير مسارها .
فأيه لزومه انك تقول منقبه او لابسه استرتش ولا هيزود ولا هينقص.

وعلى فكره انا مش بفتح حوار ولا جدال انا بس حبيت اوضح

انا مش فاهم ليه الناس بتحاول دايما تعمل مشكلة من لا شئ

ايه اللي دخل الرهبة في القصة مع المنقبة

الدكتور بيحكي قصة ملهاش اي علاقة باللي حضرتك بتقوله

على فكرة الاسلوب ده هو اللي مولع الدنيا

انك بتحكي حاجة يتعمل ليها ابعاد تانية خالص

ايه المشكلة وهل المنقبة دي ملاك نازل من السما او حد من الرسل مثلا علشان ممنوع ذكرها الا بشكل معين

الموضوع بسيط جدا وياريت بلاش التزمت اللي مفيش اي فايدة منه

المشاركة الأصلية كتبت بواسطة wassim_nasser

لأ حضرتك وصف شكل الشخص فى اي قصة له هدفين .. اول حاجه انى اخلي القارئ يعيش جو القصة و يتخيل الاحداث معايا ولو كانت واحدة حلوة كنت هاقول واحدة حلوة .. تانى حاجه عشان اوضح الخضة جت ازاي لأنك لو شايف وش ال قدامك كنت هاتقدر تتنبأ برد فعله لكن عشان انا مش شايف حاجه فوجئت برد الفعل ده .. من فضلكم ياجماعة ماحدش يأول كلامي تأويلات غلط لأن معظم الناس عارفانى وعارفين انى ابعد ما اكون عن انتقاد ملابس اي حد .. ولو أي حد ناوى يعمل حبه احتقان طائفى هنا ياريت يشوفله موضوع تانى وبلاش يصطاد فى المية العكرة

انا ماقولتش ليك لو مانت حلوه كنت هتقول انها حلوه
انا قولت لو كانت راهبه كنت هتقول دخلت عليا واحده راهبه. لان النقاب يخص المسلمات وملابس الراهبه تخص المسيحيات.
انا ولا بأول كلامك ولا بصطاد فى ميه عكره وزى ماقولت ان عدم ذكر هى لابسه ايه مش هينقص من الموضوع ولا هيخلى اللى يقراه مايعش فى القصه . انما تقولى نقاب اقولك اسف. وفعلا احنا عارفين انك ابعد مايكون عن انتقاد اى حد . ولك ان تعذرنى فيما اقول وجرب ان تقرا القصه دون ذكر هى لابسه ايه هتلاقى الكلام واضح والقارىء فاهم يعنى عادى.واذا كنت شايف ان كلمه انها لابسه نقاب مهمه فى الحدوته وماتزعلش اقولك اعتبرنى انا اللى كاتب الموضوع بتاعك ده بس هغير فيه كلمه واحده بالشكل الاتى:

قاعد انهاردة فى الصيدلية فى أمان الله .. وكما هى العادة بامر على الرفوف اشوف النواقص .. وخير اللهم اجعله خير واحدة بنت راهبه تدخل عليا .. السلام عليكما .. وعليكم السلام ورحمة الله وبركاته .. وقامت باصالي كده من فوق لتحت وقالت : هو الدكتور مش موجود؟ .. قلت ف سري عادي شكلي صغير و هى مش زبونة ماتعرفنيش .. رحت قعدت ع المكتب وقولتلها كده الدكتور بقى موجود .. تحت أمرك .. فا إدتنى تحليل و هى برضه لسه متشككه وبتقولي تعرف تقرا التحليل ده ؟ .. طيب بغض النظر عن السؤال وطريقه السؤال قولتلها يعنى احاول وربنا يسهل .. ورينى التحليل .. فتحت التحليل لقيته تحليل (إيلايزا elisa ) و ده تحليل بيكتشف الفيروسات و نتيجته سلبية .. فا بقولها حضرتك سليمة ومافكيش حاجة .. قالتلي مانا عارفة انى كويسة بس التحليل ده بتاع ايه ؟ .. قلت ف سري يعنى عرفتى النتيجة و مش عارفة التحليل ده بتاع ايه .. المهم بقولها ده حضرتك تحليل فيروسات بنكتشف بيه الفيروسات زي الالتهاب الكبدي الوبائى والايدز .. ودي سمعت ايدز ورقعت بالصوت الحيانى خرمت بونديرة ودنى .. استغفر الله العظيم استغفر الله العظيم اعوذ بالله من الشيطان الرجيم .. وخطفت التحليل من ايديا وجريت .. جريت حرفيا بسرعة .. أنا بصراحة اتنفضت من الصويت و وقفت متسمر ف مكانى وفاتح بقى بتاع نص دقيقة .. باحاول استوعب ال حصل .. طبعا اي حد داخل كان هايفتكر انى عاكستها ولا اتحرشت بيها .. ومن بعدها حلفت ماقرا تحاليل تانى .. ادعولي افوق م الخضة قطعت خلفى ربنا يسامحها

لو انا كاتب الموضوع كده وانت كمسيحى قراته وعلقت وقولت مش لازم تقول راهبه لان الراهبه تخصنا كمسيحيين واخذت نفس موقفى .انا ماكنتش هقولك انت بتصطاد فلى الميه العكره. ولو القصه حصلت معايا بالفعل زى مانا كاتبها ماكنتش هوصف ملابسها <الراهبه> او المسيحيه بكده مراعاه لمشاعر الاخرين

انا قولت فى المشاركه الاولى انى مش عاوز ادخل فى جدال وانى بوضح فقط وبقولك انا مسلم وزعلت من ذكرك كلمه منقبه على واحده رقعت بالصوت على حد قولك .
وعلى فكره دى اخر مشاركه لى فى الموضوع علشان تعرف انى كنت بوضح مش بصطاد فى الميه العكره

المشاركة الأصلية كتبت بواسطة salmay

وخير اللهم اجعله خير واحدة بنت منقبة تدخل عليا ..........




اظن لو الواحده راهبه ماكنتش حكيت لنا الحكايه او على الاقل ماكنتش ذكرت انها راهبه

كما اظن انك لو حكيت الحكايه من غير ماتقول منقبه ولا غيره ماكنش هيأثر فى معنى الحدوته بتاعتك ولا هيغير مسارها .
فأيه لزومه انك تقول منقبه او لابسه استرتش ولا هيزود ولا هينقص.

وعلى فكره انا مش بفتح حوار ولا جدال انا بس حبيت اوضح

الموضوع مش كده خالص
بطلو تفهمو كل حاجه بالعكس
لو انا بحكي القصه هقول منقبه برضو علشان ابين الشخصيه اللي في القصه
ما هي دي الحاجه الوحيده اللي توصفها يعني علشان تقرب حاجه للقارئ بتقول واحده عجوزه او شابه او واحد لابس سلسله ولا واحد بدقن او............

وعلى فكره والدتي منقبه هي كمان.....

:b4_611::b4_611::b4_611:
كفايه احنا جاييين نهدلى النفوس
عموما هى شكل التحاليل مش بتاعتها بتاعه حد من اهلها وهى اتخضت