الموضوع: اسطورة التحليل !!

توضيح صغير لمنع اي التباس أو سوء فهم للموضوع .. انا وضحت موقفي بكل امانة واكتر من مرة وقلت ان الهدف من وصف شخصية المريضة هو جعل القارئ يتخيل الاحداث معايا لا اكتر ولا اقل .. هى كانت منقبه وانا قلت انها منقبه ولو كانت راهبه كنت هاقول انها راهبه ولو كانت ماشية علي ايدها كنت هاقول ماشية علي ايدها .. لأنى بانقل موقف ولازم انقله بأمانة

ثانيا العضو محمود يوسف قال انى بابوح بأسرار مرضاي .. برجاء من حضرته بمراجعه القصة هايلاقي انى ماكتبتش اسم المريضة مع انه كان قدامي ف التحليل ولا انا اعرفها ولا هى تعرفنى وماكانش فيه اسرار اصلا عشان ابوح بيها والدليل علي كده انها اصلا ماعرفتش انى دكتور لما دخلت عليا

ثالثا الاخ اللي بيقول انى غلطان لما وضحتلها الهدف من التحليل .. يا أخي الفاضل التوضيح كان بناء علي رغبه منها انا باجاوب الاجابه علي أد السؤال بالظبط

رابعا الموقف كله مجرد دعابه بنقابلها ف شغلنا او فى حياتنا وكان الهدف من نقله مجرد توضيح لنظرية ان الجهل بيولد الخوف وكمان لتوضيح ان احيانا بيكون رد الفعل غير متناسب مع الفعل نفسه

خامسا كل اللي قرا التوضيح اللي فوق ومادخلش دماغه يتفضل بتقديم شكوى في حقي ولجنة فض المنازعات تتخذ فى حقي الاجراء المناسب

سادسا ياريت نقفل المناقشة فى الموضوع ده لأنه اخد اكتر من حجمه وعلي الاخوة اللي مش عاجبهم التوضيح او لجنة فض المنازعات انهم يتوجهوا لاقرب حيطة يخبطوا دماغهم فيها أو لاقرب بحر يشربوا منه (العرض سارى حتي هدم الحيطة أو جفاف البحار أيهما اقرب)

وشكرا لسعة صدوركم

يعنى يادكتور أحمد و يا استاذ طارق لو حد فيكم اتهاجم بالطريقة دي والناس نصبتله المشانق زي ماحصلي ماكنتوش هاتزعلوا ؟ خلاص بقيت انا الشرير عدو النقاب والدين والوطن لمجرد ان توجهاتي مش علي مزاج احد الاعضاء ؟ عموما انا باعتذر ان كان حصل منى اي تجاوز بس غصب عنى ماستحملتش أشوف اعضاء قاعدين فاضين بيتصيدولي اخطاء