اسطورة التحليل !!

**medo_2060** · 25-01-2011 03:53 AM

ههههههههههههههههههههههههه ه
مش كان يوم القلبظ احسن

**monkey** · 25-01-2011 04:02 AM

المشاركة الأصلية كتبت بواسطة wassim_nasser

قاعد انهاردة فى الصيدلية فى أمان الله .. وكما هى العادة بامر على الرفوف اشوف النواقص .. وخير اللهم اجعله خير واحدة بنت منقبة تدخل عليا .. السلام عليكما .. وعليكم السلام ورحمة الله وبركاته .. وقامت باصالي كده من فوق لتحت وقالت : هو الدكتور مش موجود؟ .. قلت ف سري عادي شكلي صغير و هى مش زبونة ماتعرفنيش .. رحت قعدت ع المكتب وقولتلها كده الدكتور بقى موجود .. تحت أمرك .. فا إدتنى تحليل و هى برضه لسه متشككه وبتقولي تعرف تقرا التحليل ده ؟ .. طيب بغض النظر عن السؤال وطريقه السؤال قولتلها يعنى احاول وربنا يسهل .. ورينى التحليل .. فتحت التحليل لقيته تحليل (إيلايزا elisa ) و ده تحليل بيكتشف الفيروسات و نتيجته سلبية .. فا بقولها حضرتك سليمة ومافكيش حاجة .. قالتلي مانا عارفة انى كويسة بس التحليل ده بتاع ايه ؟ .. قلت ف سري يعنى عرفتى النتيجة و مش عارفة التحليل ده بتاع ايه .. المهم بقولها ده حضرتك تحليل فيروسات بنكتشف بيه الفيروسات زي الالتهاب الكبدي الوبائى والايدز .. ودي سمعت ايدز ورقعت بالصوت الحيانى خرمت بونديرة ودنى .. استغفر الله العظيم استغفر الله العظيم اعوذ بالله من الشيطان الرجيم .. وخطفت التحليل من ايديا وجريت .. جريت حرفيا بسرعة .. أنا بصراحة اتنفضت من الصويت و وقفت متسمر ف مكانى وفاتح بقى بتاع نص دقيقة .. باحاول استوعب ال حصل .. طبعا اي حد داخل كان هايفتكر انى عاكستها ولا اتحرشت بيها .. ومن بعدها حلفت ماقرا تحاليل تانى .. ادعولي افوق م الخضة قطعت خلفى ربنا يسامحها

طيب انت سمعت عن اللى عايزة اكياس مية مجففة ؟
طيب عدى عليك اللى عايز بامبرز للمدام ؟
طيب شوفت اللى عايزة اولويز للبت اللى على كتفها ؟
بلاش دول عدت عليك واحدة قبل كدة معاها روشتة مكتوب فيها العلاج باسم المادة الفعالة- ومحدش عارف يطلعهاها -ولما حبيت تفهمها - قلت دى زى كيس سكر فى كذا شركة بتعملة--صرخت وصوتت سكر سكر ؟؟انا معنديش سكر

بلاش دول طاب عدى عليك روشتة فيها 3 انواع علب مختلفين كل علبة فيهم تكمل حوالى 10 ايام --فالمريض يقوللك كدة معايا 30 يوم على ماكررة

طيب عدت عليك اللى خدت قطرة اتروبين واهلها افتكروها ع ميت بسببك ومحدش مصدقك - فاكرينك بتهديهم علشان تهرب من ايديهم

طيب عمرك دخلك واحد محترم ويقوللك عايز اخناتون وتحاول تقنعة ان اخناتون مات من زمان ومفيش فايدة- طلع عايز اكينيتون

طيب ..... كفاية كدة النهاردة

**kono** · 25-01-2011 04:16 AM

المشاركة الأصلية كتبت بواسطة monkey

طيب انت سمعت عن اللى عايزة اكياس مية مجففة ؟
طيب عدى عليك اللى عايز بامبرز للمدام ؟
طيب شوفت اللى عايزة اولويز للبت اللى على كتفها ؟
بلاش دول عدت عليك واحدة قبل كدة معاها روشتة مكتوب فيها العلاج باسم المادة الفعالة- ومحدش عارف يطلعهاها -ولما حبيت تفهمها - قلت دى زى كيس سكر فى كذا شركة بتعملة--صرخت وصوتت سكر سكر ؟؟انا معنديش سكر

بلاش دول طاب عدى عليك روشتة فيها 3 انواع علب مختلفين كل علبة فيهم تكمل حوالى 10 ايام --فالمريض يقوللك كدة معايا 30 يوم على ماكررة

طيب عدت عليك اللى خدت قطرة اتروبين واهلها افتكروها ع ميت بسببك ومحدش مصدقك - فاكرينك بتهديهم علشان تهرب من ايديهم

طيب عمرك دخلك واحد محترم ويقوللك عايز اخناتون وتحاول تقنعة ان اخناتون مات من زمان ومفيش فايدة- طلع عايز اكينيتون

طيب ..... كفاية كدة النهاردة

اأصلى

**abo_anas** · 25-01-2011 04:36 AM

وخير اللهم اجعله خير واحدة بنت منقبة تدخل عليا ..........

اظن لو الواحده راهبه ماكنتش حكيت لنا الحكايه او على الاقل ماكنتش ذكرت انها راهبه

كما اظن انك لو حكيت الحكايه من غير ماتقول منقبه ولا غيره ماكنش هيأثر فى معنى الحدوته بتاعتك ولا هيغير مسارها .
فأيه لزومه انك تقول منقبه او لابسه استرتش ولا هيزود ولا هينقص.

وعلى فكره انا مش بفتح حوار ولا جدال انا بس حبيت اوضح

**waelfarid** · 25-01-2011 04:59 AM

هو ده اللي عليه العين والغين

**ams** · 25-01-2011 08:54 AM

المشاركة الأصلية كتبت بواسطة salmay

وخير اللهم اجعله خير واحدة بنت منقبة تدخل عليا ..........

اظن لو الواحده راهبه ماكنتش حكيت لنا الحكايه او على الاقل ماكنتش ذكرت انها راهبه

كما اظن انك لو حكيت الحكايه من غير ماتقول منقبه ولا غيره ماكنش هيأثر فى معنى الحدوته بتاعتك ولا هيغير مسارها .
فأيه لزومه انك تقول منقبه او لابسه استرتش ولا هيزود ولا هينقص.

وعلى فكره انا مش بفتح حوار ولا جدال انا بس حبيت اوضح

النقاب فى القصة هنا ما لوش اي دلالة غير ان الست دى متخفية عشان محدش يعرفها مش اكتر

**ams** · 25-01-2011 08:55 AM

حذف للتكرار

**wassim_nasser** · 25-01-2011 09:03 AM

المشاركة الأصلية كتبت بواسطة salmay

وخير اللهم اجعله خير واحدة بنت منقبة تدخل عليا ..........

-----

[siz=4]اظن لو الواحده راهبه ماكنتش حكيت لنا الحكايه او على الاقل ماكنتش ذكرت انها راهبه[/size]

كما اظن انك لو حكيت الحكايه من غير ماتقول منقبه ولا غيره ماكنش هيأثر فى معنى الحدوته بتاعتك ولا هيغير مسارها .
فأيه لزومه انك تقول منقبه او لابسه استرتش ولا هيزود ولا هينقص.

وعلى فكره انا مش بفتح حوار ولا جدال انا بس حبيت اوضح

لأ حضرتك وصف شكل الشخص فى اي قصة له هدفين .. اول حاجه انى اخلي القارئ يعيش جو القصة و يتخيل الاحداث معايا ولو كانت واحدة حلوة كنت هاقول واحدة حلوة .. تانى حاجه عشان اوضح الخضة جت ازاي لأنك لو شايف وش ال قدامك كنت هاتقدر تتنبأ برد فعله لكن عشان انا مش شايف حاجه فوجئت برد الفعل ده .. من فضلكم ياجماعة ماحدش يأول كلامي تأويلات غلط لأن معظم الناس عارفانى وعارفين انى ابعد ما اكون عن انتقاد ملابس اي حد .. ولو أي حد ناوى يعمل حبه احتقان طائفى هنا ياريت يشوفله موضوع تانى وبلاش يصطاد فى المية العكرة

**wassim_nasser** · 25-01-2011 09:13 AM

المشاركة الأصلية كتبت بواسطة monkey

طيب انت سمعت عن اللى عايزة اكياس مية مجففة ؟
طيب عدى عليك اللى عايز بامبرز للمدام ؟
طيب شوفت اللى عايزة اولويز للبت اللى على كتفها ؟
بلاش دول عدت عليك واحدة قبل كدة معاها روشتة مكتوب فيها العلاج باسم المادة الفعالة- ومحدش عارف يطلعهاها -ولما حبيت تفهمها - قلت دى زى كيس سكر فى كذا شركة بتعملة--صرخت وصوتت سكر سكر ؟؟انا معنديش سكر

بلاش دول طاب عدى عليك روشتة فيها 3 انواع علب مختلفين كل علبة فيهم تكمل حوالى 10 ايام --فالمريض يقوللك كدة معايا 30 يوم على ماكررة

طيب عدت عليك اللى خدت قطرة اتروبين واهلها افتكروها ع ميت بسببك ومحدش مصدقك - فاكرينك بتهديهم علشان تهرب من ايديهم

طيب عمرك دخلك واحد محترم ويقوللك عايز اخناتون وتحاول تقنعة ان اخناتون مات من زمان ومفيش فايدة- طلع عايز اكينيتون

طيب ..... كفاية كدة النهاردة

--------

ههههههههههه ... الله ! طب مانت عندك حصيلة حلوة اهو يا باشا مش بتطلع اللي جواك ليه ؟ والله حصل معايا موضوع المية المجففة ده واللي أظرف منه الطفل العسول ال دخل عايز اولويز بطعم الاجنحة .. ده غير اللي عايز سويت عشان شعر دقنه واللي عايز فوليك اسيد عشان ينتحر

-

الموضوع: اسطورة التحليل !!

LinkBack

أدوات الموضوع

عرض

-

-

-

-

-

-

-

المواضيع المتشابهه

نتيجة التحليل ده ايييييييييه !

حد يقولي نتيجة التحليل دي كويسة !!

هل نتيجة التحليل دي كويسة !!

الكلمات الدلالية لهذا الموضوع

المفضلات

المفضلات

ضوابط المشاركة