هام جدا بخصوص الفتيس الاستبترونيك( منقول عماد الخواجة)

**hakeemkimo** · 25-01-2011 01:33 PM

1
احبائى اليكم شرح لهذا الفيديو وهو عبارة فيتيس dsg وهو عبارة عن مجموعة كالتشات و اربة زيت وترنبة زيت وفالف بة سونليتات وهو كثيرا ما يعطل بسبب عدم تغير الزيت فى مواعيدة فلذلك انا بنصح كل واحد عندة سيارة مثل الاوكتافيا ال a5 او الجيتا او الباسات لحد موديلات 2008 ان يقوم بتغير الزيت فى مواعيدة حتى لا يتعرض لعطل هذا الفيتيس ويشعر بدبة فى غيار من الغيارات ثم باقى الغيارات وفى هذة الحالة يكون محتاج لتغير فالف وزيت ولو اتاخر كمان شوية ممكن يحتاج لتغير فيتيس كامل لان ممكن الكالتشات تتحرق بسبب عطل الفالف فانا بنصح بتغير الزيت فى مواعيدة 1- تغير الزيت على 60000 كيلو لو السيارة زيرو ثم بعد ذلك يكون على 40000 كيلو لان درجة الحرارة مختلفة فى مصر وباقى الدول العربية عن المانيا 2- الزيت يكون اصلى 3- ان يتم تفريغ الفيتيس من كل الزيت وقليل من المراكز اللى ممكن تعمل كدة ولكن الحمدالله انا بعمل كدة حتى لا اضع 5 كيلو زيت نظيف على 3 كيلو داخل الفيتيس والاربة مش نظاف وانا تحت امركم فى اى استفسار وانتظرونى قريبا فى شرح الفتايس اللى بتركب على المحركات ال tsi وايضا بالفيديو كما اعرفكم فى فرصة قريبا جدا على شرح تسقيط المحركات وتغيرها من عادة الى تيربو وبكفائة عالية جدا

2
انا عربيتي جولف 5 مو 2005 انا غيرت زيت الفتيس بس حاسس ان حالته ساءت كل الحكاية كان بينتش بس دلوقتي بقي بيرزع واحيانا يظبت0 مركز الصيانة قلي ده طبيعي مع تغير الزيت 0قلي رأيك ايه الله يكرمك

استاذى الفاضل اولا لازم حالتة تسوة لكذا سبب اول سبب مدام الفيتيس دب هذا معناة ان الفالف ( العقل ) اتسلخ من جوة وهذا معناة لازم يتغير ثانيا انت غيرت زيت اكيد 5كيلو فقط لانة نزل الكارتيرة والمصفة فقط وهذا خطا لان الفيتيس كلة بالترنبة بيشيل 8 كيلو زيت ولازم يكون زيت اصلى a t f ولكن عندما اضع 5 ك جداد على ال3 البايظين لازم يوظوا الجداد هو بيقولك دة طيعى يكون طبيعى فى حالة واحدة فقط وهى عندما احل العقل واركبة بيحتاج تحضير بطريقة معينة لمدة يوم واحد وبعد زلك تكون العرية طيعية وان تحت امرك فى اى وقت
تم مسح الفديو لأحتواءه على موضوع اعلانى وهذا مخالف لقواعد المنتدى
مشرف القسم

**lifeneverstops** · 26-01-2011 01:30 AM

شكرا للمعلومه جزاك الله خير

**jeta2008** · 26-01-2011 03:26 PM

متشكر اوى على المعلومات دية.....انا لسة شارى جيتا 2008 عاملة 40 الف كيلو و ناس كتير حذرتنى ان الجيتا دايما بتجيب فتيس وفتيسها غالى (هل دة صح) و عشان كدة عاوز اسالك لو سمحت:
1- هل اغير زيت الفتيس دلوقت ولا اصبر ل 60 الف ؟ ....و اغيرة فين(غير التوكيل) و اية نوع الزيت الاصلى وبكام؟
2- اذاى اتاكد انة فرغ الزيت القديم بالكامل.
3- هل البور استرينج فى الجيتا 2008 زيت ولا كهرباء ولو زيت اغيرة امتى؟

**jeta2008** · 26-01-2011 03:27 PM

اشكرك تانى........

**hakeemkimo** · 26-01-2011 09:09 PM

الاول ربنا يباركلك فى عربيتك الجيتا 2008

ثانيا انا حاليا بدور على جولف 5 تكون استعمال وطبعا سمعت عن مشاكل الفتيس فلقيت بالصدفة المشاركات اللى فوق وكتبت عليها0000000 مشاركة عماد الخواجة صاحب ورشة 0000000 الموجودة فى الفيديو واالى فيها رقم الموبايل واضح جدا

ثالثا تغيير زيت الفتيس انا معرفش الصح ايه لكن عماد الخواجة بيقول عند 60,000 كم والصح ان الزيت يبقى 8 كم مش 5 بمعنى انه ينزل الزيت اللى فى طرمبة زيت الفتيس اللى بيشيل لوحده 3 كم ولازم كمان الزيت يكون نوعه اصلى اللى هو ATF موبيل او ي نوع زيت تانى المهم يكون Automatic Transmission Fluid

اما عن البور فانا اعتقد لو هو كهرباء هتلاقى كلمة EPS بتنور لما تيجى تفتح الكونتاكت وبعد كدة تطفى لو ملاقتهاش يبقى البور عندك هيدروليك واظن لسة بدرى اوى على تغيير زيت البور وزيت الفرامل

**hakeemkimo** · 26-01-2011 09:22 PM

بصو بردو على مشاركة احد الاخوة اللى عندهم مشكلة فى الفتيس وشوفو رد عماد الخواجة عليه

انا عربيتي جولف 5 مو 2005 انا غيرت زيت الفتيس بس حاسس ان حالته ساءت كل الحكاية كان بينتش بس دلوقتي بقي بيرزع واحيانا يظبت0 مركز الصيانة قلي ده طبيعي مع تغير الزيت 0قلي رأيك ايه الله يكرمك

استاذى الفاضل اولا لازم حالتة تسوة لكذا سبب اول سبب مدام الفيتيس دب هذا معناة ان الفالف ( العقل ) اتسلخ من جوة وهذا معناة لازم يتغير ثانيا انت غيرت زيت اكيد 5كيلو فقط لانة نزل الكارتيرة والمصفة فقط وهذا خطا لان الفيتيس كلة بالترنبة بيشيل 8 كيلو زيت ولازم يكون زيت اصلى a t f ولكن عندما اضع 5 ك جداد على ال3 البايظين لازم يوظوا الجداد هو بيقولك دة طيعى يكون طبيعى فى حالة واحدة فقط وهى عندما احل العقل واركبة بيحتاج تحضير بطريقة معينة لمدة يوم واحد وبعد زلك تكون العرية طيعية وان تحت امرك فى اى وقت

**hakeemkimo** · 26-01-2011 09:37 PM

حاجة مهمة قبل ماانسى

انا لا انصح احد بالتعامل مع عماد الخواجة فى حد ذاته او حتى اى شخص اخر انا مجرد انى لقيت الكلام ده وحبيت تشاركونى فيه هل هو صحيح ولا مبالغ فيه ومحدش هيفيدنا الا احد ملاك هذه السيارة الجيتا او الجولف او الباسات فياريت اللى يعرف حاجة او معاه العربية وقطع بيها كم كتير يقولنا منهجه فى المحافظة على فتيس سيارته

**jeta2008** · 26-01-2011 09:58 PM

اشكرك جدا يا باشا على المعلومات .....و ربنا يوافئك فى عربية كويسة

**Amr_Moh** · 20-07-2011 10:51 PM

إستفسار
الموضوع دة بتكلم عن فتيس الدي إس جي في الجيتا او الباسات لحد موديلات ٢٠٠٨

الأنا فهمو إن موديلات الجيتا او الباسات لحد ٢٠٠٨ مكنش فيها د إس جي أصلاً

ياريت أحد الخبراء في فولكس يوضح