الموضوع: هام لكل متعامل في البورصه في ظل الاحداث الحاليه للبلد

المشاركة الأصلية كتبت بواسطة amir

ربنا يسهل و يطمنونا اكتر شويه قبل ما الجلسات تبدء بالفعل و ان كان قلقي قل بعد التصريحات دي

القرارات طلعت فعلا ولغوا الجلسة الاستكشافية والشراء والبيع فى ذات الجلسة بس اهم حاجة الحد السعرى اللى مطبق على المؤشرر ككل فى حالة تجاوزه 5% يعنى فى حالة اى انهيار للبورصة حيوقوفها فورا

يعنى مش حنشوف اكتر من 10% نزول فى اليوم الواحد


.:: ط§ظ„ط¨ظˆط±طµط© ط§ظ„ظ…طµط±ظٹط© ::.

المطالبه بالحدود السعريه غير مفيده لسبب .... الاصل في استخدام اسلوب وقف التعامل عند تجاوز الخسارة لنسبه معينه هو اتاحه الفرصه للمتعاملين للاطلاع على الاحداث والاسباب المؤديه لهذا الانخفاض وبالتالي التعامل مع هذه الاحداث بمنطق استثمار وليس بخوف لا نعرفه .... وبما ان اسباب الانخفاض الان معروفه للجميع و توقع الانهيار واستمرار الانهيار معلوم مسبقا لكل المتداولين فلا اجد سببا منطقيا يدعو لتلعيق التداول لمده نصف ساعه يبدأ بعدها الانهيار مجددا ويستمر

البورصه مش هتمسك نفسها الا في حالتين
- اتخاذ قرارت سياسية جاده تقنع الشارع المصري كله بامكانيه حدوث تغيير وتداول سلمي للسلطه وبهذا تنتقل الثقه للمتداولين ويحجموا عن اخراج السيوله من السوق بل وضخ سيوله جديده (وحتى الان هذا السيناريو غير مرشح للحدوث).
- دخول الدوله ممثله بصناديق تديرها جهات سياديه تقوم بضخ سيوله غير عاديه في السوق تحاول امتصاص القوة البيعيه في اول 5-6 جلسات وده المتوقع .... وعلى فكره ده مش اختيار نضيف لان متوقع ان قرارت الجهات هتصب في مصلحه انقاذ بعض الشركات التابع قيادتها للنظام ... وده معناه استمرار الفساد ... لانه من الاخر بيكون بيستخدم فلوس الشعب في حمايه مصالح خاصه لفئة منتقاه من النظام .... وهذا الاسلوب لن ينجح الا في تسهيل خروج آمن لبعض المنتفعين من هذه القرارت

المشاركة الأصلية كتبت بواسطة ahmed_oth

السيناريو المقترح للبورصه خلال الفتره القادمه كالاتى:
1- هبوط عنيف للبورصه
(الدخول به مخاطره عاليه جدا)

2- استمرار لمسلسل الهبوط ولكن بنسب اقل
( الدخول غير أمن)

3- محاوله دخول من البنوك والمؤسسات لانقاذ ما يمكن انقاذه ومحاوله عمل عمليات مضاربه فى وقت قصير جدا
(مازال الدخول غير أمن)

4- ارتفاع طفيف للبورصه لفتره قصيره بسبب دعم التى تم من المؤسسات والبنوك
(مازال الدخول غير أمن)

5- الاتجاه العرضى لكل اسهم البورصه لفتره طويله لفتره من 6 اشهر الى سنه بمعنى ان الاسهم هتتحرك فى حدود قرش قرشين طلوعا ونزولا
(بدايه الدخول الأمن ولكن بثلث السيوله)

6- بدايه الارتفاع ولكن ارتفاعات بسيطه
(مازال الدخول أمن ولكن ليس بكل السيوله)


هذا السيناريو ليس دعوه للبيع او الشراء ولكن يعتبر توضيح وملخص مفيد
وبالتاكيد ده ناتج عن خبرتى فى البورصه لاكتر من 6 سنوات
وبالله التوفيق

سيناريو معقول جدا و انا أتوقع حاجة زي كده بس انت كتبتها بشكل اوضح و أفضل مني بكتير

المشاركة الأصلية كتبت بواسطة migo123

المطالبه بالحدود السعريه غير مفيده لسبب .... الاصل في استخدام اسلوب وقف التعامل عند تجاوز الخسارة لنسبه معينه هو اتاحه الفرصه للمتعاملين للاطلاع على الاحداث والاسباب المؤديه لهذا الانخفاض وبالتالي التعامل مع هذه الاحداث بمنطق استثمار وليس بخوف لا نعرفه .... وبما ان اسباب الانخفاض الان معروفه للجميع و توقع الانهيار واستمرار الانهيار معلوم مسبقا لكل المتداولين فلا اجد سببا منطقيا يدعو لتلعيق التداول لمده نصف ساعه يبدأ بعدها الانهيار مجددا ويستمر

على الاقل حتطول الفترة الزمنية للانخفاض
يعنى مثلا لو البورصة حتنزل بسبب الازمة 40% بدل متنزلهم فى يومين تنزلهم فى اربعة ايام على امل انه مع إطالة الفترة يحدث استقرار سياسى من اى نوع ويبدا الانخفاض يقل..كمان نفسيا لو لقيت البورصة نزلت 20% فى اليوم نسبة الفزع حتزيد والناس اللى مكنتش ناوية تبيع حتبيع

علشان كده اتطبق موضوع الحدود السعرية على المؤشر ككل