هام لكل متعامل في البورصه في ظل الاحداث الحاليه للبلد

**amir** · 25-01-2011 10:07 PM

هام لكل من يعمل بالبورصه المصريه

في ظل التطورات الحاليه للاوضاع في مصر, ما هي الرؤيه السليمه للتعامل مع الاوضاع؟

خصوصا يوم غد لأن لو البورصه فتحت بكره في الموقف الحالي هيحصل انهيار شرس لا محاله

============

بعد اذن الجميع الموضوع موجه للمتعاملين في البورصه من الاعضاء و لا مجال للتطرق في حوارات جانبيه
البلد بتفيق من سبات عميق ولست حزين علي مقدار ما يمكن خسارته ماديا لأن الحريه تمنها غالي

لكن الموضوع مفتوح لمناقشه كيفيه التصرف في الظرف الراهن

و شكرا

**hossam20102010** · 25-01-2011 10:11 PM

المهم ان محدش يبيع اى اسهم فالفترة الجاية خالص

لان تدافع الناس على بيع الاسهم بيخليها تخسر اكتر وبيخلى البورصة تنهار اكتر

**amir** · 25-01-2011 10:16 PM

الفكره ان اللي طمن الواحد للسوق هو توقف وتيره الانخفاض امس الاول و عكس الاتجاه الي صعود يوم امس

غير طبعا زياره رئيس البورصه المصريه للندن في محاوله لاحتواء خروج الاجانب الحاد من السوق

عودتهم و لو جزئيه فحصلت يوم امس

اما بخصوص الامساك بالاسهم فأنا و انت افراد مش هينفع نقف في وش القطار القادم و ده اللي ادي بيا لخساير فادحه من قبل

ياتري في حد يكون عنده معرفه صحيحه للتصرف الامثل في ظرف لم يكن في الحسبان اطلاقا؟؟

**amir** · 25-01-2011 10:30 PM

طيب واضح ان الاعضاء المتعاملين في البورصه مش مركزين قوي بخصوصها دلوقتي

اتمني النقاش يكون مثمر خاصه قبل حلول موعد المذبحه المترقبه غدا

**أحمد كمال** · 25-01-2011 10:38 PM

محدش يبيع خالص

خاااااااااااااااااااااااا ااااااااااالص

البايع دلوقتي خسران

المشتري دلوقتي كسبان

انا لو معايا فلوس انا انزل اشتري و ابيع بعدين

**أحمد كمال** · 25-01-2011 11:11 PM

المشاركة الأصلية كتبت بواسطة ain2006

ده قانون ثابت في جميع الازمات

لكن السؤال هو : امتي بعدين ده هيجي؟ وهل هتقدر تصبر طول المده دي؟

لازم نفرق بين انواع الناس

فيه المستثمر و فيه المضارب و في اللي مشتري عالمكشوف (و ده اصلا حرام) و غيره

لو انت مستثمر .... اصبر لحد ما تظبط .... ان شالله سنة ...... مش خسران حاجة

لو انت مضارب ...... هل انت مضارب بكل فلوسك؟ لو أيوة, يبقى بيع بكرة اول ما البورصة تفتح بالقدر اللي يرجع لك المبلغ اللي انت محتاجه فقط و خلي الباقي ....... لو مش مضارب بكل فلوسك (يعني مضارب بمبلغ انت مش معتبره موجود اساسا معاك) ...... يبقى برضه اصبر زي المستثمر

مشتري عالمكشوف ....... يبقى ربنا معاك ... ادي اخرة الربا ......