الموضوع: مــا هــو رأيــكم فى الأستـــــرا إنجــــوى؟

المشاركة الأصلية كتبت بواسطة omar_megane

اقتباس
لأ مع احترامي للجميع
لو بتفكر في الاسترا .. يبقى سبك من السبفييك واكورولا
مش لأنهم اسوأ او احسن .. بس دي حاجة و دي حاجة تانية خالص
الاسترا سيارة شبابية شبه رياضية
الكورولا و السيفيك ملهمش اي علاقة لا بالرياضة و لا بالشباب ! دول بس موضة عندنا هنا !
حتقلولي السفيك و TUNNING ومش عارف ايه ... اكلام ده دلوقتي مش في موديل السيفيك ده, ده في الR-Type و الكورلا تقيلة قوي .
كما ان موتور 1600 في الاسترا و خصوصا انها هاتشباك و حتلاقيها اخف بكتير من الكورولا و السيفيك اكيد حيديد تسارع احسن .
انا في رأي الشخصي ( انا بموت في الهاتشباك صراحة . عكس 90% من المصريين ) لو حتقارن يبقى قارن الامبريزا بالاسترا
خصوصا ان الامبيرزا الSTI الFull Options ب 135 الف جنيه و ياباني 100%
ممكن يكون عيبها الوحيد هو انها 1500 بس هي هاتشباك برده و اعتقد ان مش حتحس بفرق عن ال1600 في السيدان
روح بص عليها و علي الكماليا بتاعتها . و اتكل علي الله .

الرد
معلش بس انا عايز اعرف ليه بقى الاسترا رياضية والسيفيك لأ
السيفيك موتورها اقوى بمراحل وتسارعها اعلى بمراحل من السوبارو والاسترا و الدليل ان السيفيك بتتسارع فى اقل من 12 ثانية انما السوبارو فى حوالى 14 ثانية والاسترا ف 13 ثانية يعنى كلام حضرنك عن التسارع غير دقيق ونفس الموضوع فى اقصى سرعة للعربية
االسيفيك 125 حصان اما الاسترا بجلالة قدرها 105 والسوبارو 109
السيفيك ثباتها اعلى من الاسترا و اوسع من جوة بمراحل من الاسترا وموفرة اكتر فى البنزين ولو حضرتك عايز تتأكد شوف الكنبة الورانية فى الاسترا ضيقة ازاى فانا مش عارف ازاى عربية هاتشباك رياضية و موتورها اضعف وسحبها اقل من واحدة تانية ضعف حجمها مع العلم انهم نفس السعة اللترية
وبالنسبة لل Type R فدى بتنافس الاسترا Gtr و السوبارو Wrx مش الاسترا بتاعت مصر لاتهم مش نفس السعة اللترية
فانا مش عارف كلمة رياضية معناها ايه وايه مميزات الاستراعن السيفيك او الكرولا غير ان سعرها اغلى على الفاضى وشوية كماليات ممكن تجيبهم من اى حتة وقطع غيار غالية جدا ده غير انها ضيقة من جوا ومافهاش شنطة
تانى حاجة انا بضايق اوى من كلمة دى اوبل يعنى المانى المفروض الالمانى يعنى بى ام او مرسيدس مش اى حاجة تانية نفس الوضع فى اليابانى فمينفعش اقارن هوندا بسوزوكى مثلا دى حاجة ودى حاجة تانية خالص فحضرتك مينفعش تقارن بين اسوأ الالمانى و افضل اليابانى
سمعة الالمانى انو بيعمر انما الاوبل مبيعمرش .وتاريخ اوبل معروف فى مصر انها من العربيات اللى بتحتاج اصلاحات كتير و مصاريف عالية جدا

شكر للسرد الطويل ولكن انا قصدي فئة السيارة

السيفيك لا تعتبر في اي بلد في العالم سيارة رياضية و انما سيارة عائلية متوسطة الحجم . كما انها مش الاحسن في فئتها نهائي , سيارات مثل الفوكاس تعتبر ( في الخارج ) افضل من السيفيك بكثير جدا .

انما لو حنتكلم عن سيارات رياضية بحتى , يبقى نقارن السيفيك ال R-Type الجديدة مع الآسترا VXR . والي 2 مبيزلوش مصر

انا كما قال Hnaga لم اعيب السيفيك في شيء . و لكنها لا تنتمي لفئة السيارات الشبابية الرياضية لا شكلا و لا موضوعا , بصرف النظر عن الموتور الي التوكيل الحرامي كان بيعلن انه 140 حصان اصلا و طلع فشنك كالعادة .

انا بتكلم عن احتياج واحد , يعني لما حد يكون بيقارن بين سيارات شبابية هاتشباك ( امبيرزا - استرا - برافو - جولف ) يبقى مينفعش تدخل سيارة سيدان عائلية في النص علشان موتورها قوي و خلاص !
ولا طلاما حضرتك شايف انها علشان موتور .. طب حط بقى السوناتا ,, مهي 2000 سي سي و لا الجالينا الصيني !!!

انا بتكلم عن فئة السيارة مش محركها

تالت اهم حاجة , حضرتك بتقول الماني يعني بي ام و مرسيدي بس ؟
يعني فولكس فاجن و اودي ينتحروا علي كدة ... ولا دول ازبل الالماني كمان؟؟

و ياريت توضح يعني ايه اسوء الالماني و احسن الالماني ..

البي ام والمرسيدس , باي فئة منهم سيارات فاخرة لفئة معينة من الناس باستثناء الفئة الاولى الي لا هيا بي ام و لا هي سيارة رخيصة .
و الكوميدي في الموضوع ان لا للبي ام و المرسيدس بمعظم موديلاتهم لا يعتبروا احسن سيارات في فئتهم ( علي تقييمات امريكا و اوروبا )

المشاركة الأصلية كتبت بواسطة omar_megane

اولا احب اقول ان الاختلاف فى الرأى لا يفسد للود قضية
حضرتك لو بتقارن بين الهاتشباك والسيدان فاحب اقول لحضرتك ان الاوكتافيا تعتبر liftback او هاتشباك بالنسبة لنا و نفس الوضع لأى عربية ازازها بيفتح مع الشنطة بس اكيد الاوكتافيا مش زى الاسترا لأن دى حجم ودى حجم فبالتالى موضوع فئات العربيات ده حاجة تانية
انا كان تعليقى على ان حضرتك قلت ان السيفيك مش شبابية وده كلام اول مرة اسمعه لأن بصراحة انا طول عمرى اعرف ان كل الشباب اللى معاهم سيفيك قديمة شغالين بيها تعديلات وتظبيتات ونفس الكلام بالنسبة للموديل الجديد. اللى اقصده ان حجم العربية مالوش علاقة بأنها شبابية ولا لأ انما المهم الموتور والثبات والقدرة على المناورات ودى حاجات تتفوق فيها السيفيك على الاسترا بالرغم من انها اكبر حجما وانا مش فاهم برده ازاى شكل السيفيك مش رياضى دى نازلة من قدام زى البيجو 307 cc والايرودينامكس تتفوق برده على الاسترا
بالنسبة لموضوع السوناتا فدى بالرغم من انه 2000 سى سى الا انها مش اقوى من الاسترا والسيفيك علشان موتورها لا يتوافق مع حجمها والبريليانس نفس الوضع بجانب انه عيب تقارن يابانى او المانى بصينى
اما بخصوص الالمانى فحضرتك فهمتنى غلط تماما اولا انا بحب الاوروبى عامة وخاصة الالمانى اكتر من اليابانى
انما محدش ييجى يقللى دى اوبل يعنى المانى و يحسسك ان اوبل دى زى المرسيدس او البى ام او الاودى لأ معلش فى فرق السما والأرض
حتى الفولكس نفس نظام الاوبل ولازم الناس تعرف انو مش معنى ان العربية المانى تبقى احسن عربية فالاوبل مثلا مشاكلها تعتير نسبيا كتيرة بالرغم من ان الالمانى مشهور بانه بيعمر .حضرتك حتقولى المرسيدس فئة والاوبل فئة نفس الوضع فى اليابانى زى ما فيه لكزس فيه هوندا وتويوتا وكلهم مشهورين بعمرهم الافتراضى والاعتمادية بالرغم من انهم فئتين مختلقتين
اما بخصوص التقييمات العالمية فدى بيدخل فيها عوامل كتير تختلف عن بلدنا زى الاسعار والتوكيل ومواتير اخرى ومواصفات اخرى
وحاخد مثال بسيط اغلب المواقع بتدى المازدا 3 تقييم اعلى من السيفيك وده علشان المازدا اللى بنفس سعر السيفيك ال1800 سى سى بتكون 2300 سى سى فبتاخد تقييم اعلى فى الاداء وممكن كمان تاخد اكتر فى الامان والكماليات فبالتالى تقييمات بره لا يسرى معظمها عندنا ونفس الوضع فى الفئات الفارهة زى المرسيدس واللكزس فبره بيشجعوا اللكزس انما هنا المرسيدس تكسب علشان لو المرسيدس بنص مليون حتكون اللكزس بمليون علشان الجمارك وبالتالى محدش فى مصر بيجيب لكزس
انا اسف لو طولت او حد زعل منى انما ده عبارة عن نقاش

يا سيدي مفيش حد زعل و انا مزعلتش خالص , انا كنت بشرحلك وجهة نظري - انا في رأي ان سيارة شبابية رياضية مينفعش تبقى في احجام و اطوال السيفيك و الاوكتافيا .

و الدليل ان معظم السيارات الرياضية بجد ( مش رياضية عندنا زي الي يجنط لانسر 17 و تبقى كدة سيارة رياضية ) حتلاقيها نسخ هاتشباك من السيادن بتاعتها او ببابين مش 4 ابواب هو ده قصدي على سيارة رياضية

حتى السيفيك ال R-Type كوبيه مش 4 ابواب .. فبتديك احساس انها اصغر شوية و تنتمي للشباب بعكس اختها السيفيك العادية , و في الاخر دي مشكلة ازواق زي مقلت قبل كدة , يعني انا مثلا عمري محركب عربية سيدان .. خفضل اركب هاتشباك علطول :)

بس انا قصدي ان المقارنة مش عادلة ,,, يعني الاسترا لا تقارن بالسيفيك , انما تقارن بالجولف و الامبريزا الهاتشباك و و باقي الهاشتباك الشبابي .
بصرف النظر انهي احسن او اقوى

انا عارف ان السوناتا اكبر بكتير ,, انا كنت بس بوضح ان السيارة مبتكونش رياضية بس علشان موتورها .