لألألألأ ركز معايا امال..
اول كلام علي الشكل والكلام ده ده رأي شخصي وبصراحة لو اخدت رأس الناس شوف اراء الناس هتكون نسبتعها ايه ايه اللي شكله شبابي اكتر.. وانا متأكد ان المقارنة هتصب في مصلحة الاسترا..
ثانيا..موضوع قطع الغيار..
عفشة عربية زي عربيتي انا كلها ف التوكيل ممكن تتكلف حوالي 3 الاف جنيه من غير مساعدين..
يعني تقريبا نص تكاليف تغيير عفشة صاحبي.. اللي هو عربيته اقدم من عربيتي ب 4 سنين..
في حاجة تانية بقي مهمة. انه والعهدة علي كلام صاحبي اللي حكالي.. ان الحاجات اللي اشتراها غالية قوي دي كانت كلها شايلها في شنطة واحدة.. يعني العفشة بتاعتها معقدة جدا.. و كلها حاجات صغيرة قوي كده بس غالية جدا.. والحاجات دي بيتهيألي انه صعب جدا تجيبها استيراد.. مش زي المقص يعني ولا المساعد والكلام ده.. لأنه اكيد ممكن مش تعرف تفرق بين السليم و البايظ غير بصعوبة و لازم يكون حد محترف فيها عشان يعرف يفرق..
شوف يا باشا.. انا مش باقارن لعي المستوي العالمي.. انا باتكلم علي هنا ف مصر و باتكلم في تجارب مع اصدقاء وناسي اعرفهم..ده لا ينفي ان كلامك انت صح في مضوع تقييم السايتات.. ممكن تكون دي حاجة انا مدورتش عليها و محطتهاش في حسباني وانا باتكلم وهي التقييمات..
نييجي بقي في موضوع الفتيس.. طالما انت مش عارف وانت اللي قوزلت كده بنفسك,, يبقي يفضل انك تسأل وتعرف انهي احس.. عشان دي حاجة انا متأكد منها..
كل الحاجات اللي انت قولتها دي بتاعت التويوتا ولا الاوكتافيا ولا ولا ولا.. كل ده قايم علي ايه..؟؟ دورة زيت و حاجات كده.. وكل الحاجات دي مش معمرة زي الفتيس العادي.. ومحدش يقدر ينكر الكلام ده نهائي.. صح ولا؟
ده فتيس يعتبر عادي مانيوال.. بس هو بيجمع ويتقل معاك حسب ريقة سواقتك..يعني سواقتك شد وجري بيجمع معاك بسرعة جدا ولو ع الهادي بينقل براحته شوية..
ببيتهيألي اكده انت دخلت في سكة جديدة.. ان الالماني عندهم مشاكل في الاليكترونيكس..
دي بصراحة حاجة انا اول مرة اسمع عنها وحاجة جديدة جدا بالنسبالي..
بس لو علي المبدأ.. طالما الالمان مش كويسين قوي ف الاليكترونيكس.. يبقي هما شاطرين في الميكانيكس.. ولا انت ايه رأيك..؟؟ الكلام بيفسر نفسه.. كفاية ان المانيا بدأت صناعه العربيات قبل اليابان بكام سنة؟؟ احسب كده كام.. و ان المانيا هي الاشهر علي الاطلاق و الاجود في الصناعات الميكانيكية..ولا ايه؟
اما بالنسبة للمحدة بتاعت الدبرياج دي اكيد هتتغير مفيش حاجة بتتصلح ف الاليكترونيكس.. لكن الفتيس الاوتوماتيك العادي عرضة للمشاكل و ممكن بدل ما يتغير يتعمل ليه عمرة.. بتتكلف تقريبا نفس تمن فتيس استيراد.. لكن الفرق انك ولا هتعمل عمرة ولا وجع دماغ.. ده يعني لو الوحدة دي باظت يعني هترميها ف الربالة تركب غيرها وهتمشي وقتي في ساعتها ولا هتسيب العربية ف التوكيل اسبوع تعمل ايهع ولا الكلام ده.. صح؟
وبالمناسبة.. هيبقي غاليا الكومبيوتر بتاع العربية هعو اللي بيتحكم ف الموضوع ده علي ما اعتقدج.. بس برضه هاسأل واقولك.. وفي العربيات الالماني عموما نادرا ما كنت باسمع ان عربية الكومبيوتر بتاعها ضرب غير في حالات صعبة قوي زي ماسات في الضفاير وحاجات كده.. واكيد دي حاجة واردة في الياباني كمان..
وبالتالي المؤشرات بتقول انه غالبا هيبقي حاجة كده تنساها ومتفكرش فيها تاني .. يعني مش بتتغير نهائي.. الا لو الكومبيوتر كله ضرب ولا حاجة..
اما بالنسبة لموضوع الشاسيه..
ازاي بقي حاجة مش مهمة..؟؟ انت مش راجل محترف عربيات بقي ولا ايه..؟؟
لو واحد راكب عربية مشيسة.. حتي لو متصلحة ف التوكيل.. بيبقي بيجري عايز يبيعها.. عشان مش ضامن فيها ايه.. و ان اي حاجة بسيطة ف الشاسيه.. تضرب العفشة كلها و تخرب الدنيا..و اتزان و كاوتش و كل حاجة تخرف..
لكن هتفك وتركب بمسامير.. اكيد هيرجع زي الاول.. زيرو..
والمشكلةا لكبيرة بتبقي ف الشاسيه.,. لأن كل اللي حوالية بيتغير عادي.. الشاسيه هو اللي مش بيتغير..و بالتالي حتي لو لا قدر الله عملت ببيها حادثة كده ولا حاجة.. هتبيعها بعد كده عادي جدا من غير اي مشاكل.. ولو حبيت تخليها معاك برضه عادي لأنها هترجع زي الزيرو تمام لأن مفيش حاجة اتصلحت يعني مفيش حاجة معتمده علي شغل يديو صنايعي رد يعني وصلح.. حتي لو ف التوكيل..لكن الفك والتركيب.. حفيش فيها كلام. والا الواحد مش هيفك ويركب اي حاجة فا لتوكيل ويقول ماهي مش هترجع زي الاول.. عشان مش هتكونزي الزيرو ولا ايه..؟؟
نانا هاقولك تاني لو علي السببين ددول بس.. ولو انا مش بتفرق معايا الماني ولا ياباني.. هاجيب العربية دي..
فما بالك بقي اني اصلا باحب الالماني..
في حاجة تانية كمان.. هو هنبص بقي علي سعر اعادة البيع والكلام ده السوق المصري يعني.. يبقي ولا هاجيب استرا ولا هوندا.. لأن الاتنين سعرهم بينزل جامد.. هاجيب كرولا..بتحافظ علي سعرها قوي ف مصر..و اوبشنز حدث ولا حرج اكتر من الهوندا واكتر م الاسترا..
وفوق كل الكلام ده في نقطة تانية اهممن كل ده.. النقطة النفسية..
شوف انت بتتكلم عن عربيتك ازاي.. عشان انت مقتنع بيها وبتحبها..كويس؟
ده هيخليك تتغاضي عن حاجات فيها او اعجابك بيها هيخلي عينك مش تشوف ومش تحس بحاجات تانية ف العربية وانت نفسك ممكن تكون مش مهمة بالنسبالك وتتغاضي عنها عشان انا باحب الهوندا وباحب الياباني..
في نظر واحد زيي انا هاقول لأ كفاية اني ابقي راكب الماني.. جسم اقوي و ثبات رهيب و المعروف عموما ان معظم الياباني اسرع ف التجميع والجري من الالماني.. بيجمع علي مهله الا العربيات الكوبية بقي و المواتير الجامدة قوي..
يعني لو بي ام شدت مع كورولا و الاتنين نفس المواتير.. التجميع و السجب الكورولا ممكن تسبق ف الاول.. بس البي ام لما تجمع مش هتشوفها.. ولا جري ولا ثبات الكورولا هيسعفوها ف التجميع معاها..
الخلاصة حبك و اعجابك بعربية هيخلي عندك حاجات تتغاضي عنها و حاجات تبقي حلوة في نظرك.. تخليك تشتري العربية عشان حاجات ممكن تكون في نظر غيرك بسيطة قوي او حتي ممكن تكون في نظر غيرك عيوب اصلا..
وبعدين الحكمة بتقولك ايه..؟؟لاولا اختلاف الاذواق لبارت السلع
ولا ايه..؟؟
المفضلات