تعديل تنك البنزين !

**engahmedsamy** · 04-02-2011 06:30 PM

المشاركة الأصلية كتبت بواسطة mrghost

كنت ناوى اعملها عندى ف الشاهين بس كنت هعمل زى تنك صغير اعمل بينه وبين التنك بتاع العربيه الاصلى توصيله بحيث ان العوامه ميحصلهاش اى تغيير

يا هندسة دا انا نفسي اشيل تانك الشاهين عاملي مشاكل ف السماعات

**ramremo** · 04-02-2011 07:47 PM

المشاركة الأصلية كتبت بواسطة sayed911

طيب ما لو كانت العوامة الرئيسية في التنك الأصلي وعملنا التنك الجديد وليكن في ظهر الكنبة في آخر الشنطة من جوة ووصلناهم ببعض ما كل ما منسوب التنك الأصلي ها يقل التنك التاني ها يرمي فيه وبالطريقة دي اه نمشيها مناسيب من غير ما نعدد العوامات !!! ولكن الفكرة هيا لما ها تيجي تخط بنزين اعتقد ها تطر تفتح الشنطة عشان تملأ التنك التاني لأنه منسوبه ها يبقا اعلى من فتحة التنك اللي في جسم العربية وبالتالي البنزين مش ها يوصلوا !! ده اعتقاد ...

بمجرد ما التنك الرئيسى هيتملى هيبدا يملا التنك التانى وبالتالى فانت مش هتحس ان التنك الرئيسى اتملا لانه على طول بيملا التنك التانى لحد ما التنكين يتملوا يبدا البنزين يفوض برا وتعرف انك مليت الاتنين ومش عارف اذا كنت اقدر اعمل فتحه فى التنك الرئيسى فى منتصفه او فى اسفله ولا شىء صعب انى اخرم والحم فيه؟

**ramremo** · 04-02-2011 07:54 PM

المشاركة الأصلية كتبت بواسطة modyverna

فكرة جامدة
بس مش هايأثر على وزن العربية وأداء الموتور ومؤشر البنزين
لو حد عارف أرجو الإفادة

هو انا بقول من حيث النظريه والتطبيق ميه ميه وواثق من الكلام انه مش هيأثر على مؤشر البنزين ( العوامه ) او حتى وزن العربيه بس لسه عاوز اسال هل ينفع افتح فى التنك الرئيسى علشان فتحة التغذيه للتنك التانى ولا صعبه -- بس طبعا الظروف الحاليه مش مساعده ربنا يسترها على مصر يارب ويعدى الايام على خير وسلام

**shadyawad** · 06-02-2011 07:28 PM

طب هو مينفعش نشيل التنك ونركب واحد كبير بتاع اي عربيه تانيه بتاع 70 او 80 لتر

بس هي المشكله الكبيره فعلا ف امان الموضوع ده وعدم التسريب

**Ashraf_Ibrahim** · 06-02-2011 08:34 PM

مينفعش تركب تنك اكبر عشان هتعمل تعديل عشان تبيته في جسم العربية من تحت ولكن فكرة تنك احتياطي دي فكرة جميلة جدا وتنفيذها مش خطر على فكرة لأن اغلب عربيات الفور باي فور بتكون بتنكين فدي مش قضية يعني

**shadyawad** · 06-02-2011 09:17 PM

المشاركة الأصلية كتبت بواسطة ranger

مينفعش تركب تنك اكبر عشان هتعمل تعديل عشان تبيته في جسم العربية من تحت ولكن فكرة تنك احتياطي دي فكرة جميلة جدا وتنفيذها مش خطر على فكرة لأن اغلب عربيات الفور باي فور بتكون بتنكين فدي مش قضية يعني

طب والتنك الاحتياطي ده بيتملي بنزين لوحده لما تملى التنك الاصلي
ولا لازم يكون ليه فتحه تانيه عشان يتملي منها

**A.Saad** · 06-02-2011 10:09 PM

الاول الاوانى المستطرقة هتملى بعض لغاية منسوب المياة ما يتعادل
يعنى لو التنك الجديد كله اعلى من القديم يبقى الجديد مش هيشوف البنزين
فى راى
اعمل التنك الجيد فى نفس المنسوب ووصل بينهم
بس فيه مشكلة تانية
بخار البنزين
هتعمل فيه ايه