الموضوع: النقل المباشر لاحداث الاضراب -الجزء الثاني

المشاركة الأصلية كتبت بواسطة sara2001

حضرتك اكيد بره مصر
انا بأحاول اتصل بشبكة اتصالات وموبينيل
مش عارفه خالص
شبكة فودافون شغاله بس بعد الخطوط مش عارفه اتصل بيها برضه

اللي عمل كده اكيد مش من الشعب
اللي عمل كده بلطجية النظام + اللي هربوا من السجون والأقسام
المتظاهرين مش معاهم اسلحه ولا عربيات نقل علشان يحملوا فيها
بضائع المولات وينهبوها

فعلاً أنا برة مصر يا أستاذة سارة


و على فكرة......أنا قولت رأيي الشخصى فى الموضوع نظراً لعدة أسباب

يعنى مثلاً أمبارح بالليل فيه عضو كتب عن نزول ناس من ساكنى الكيلو 4.5 طريق السويس ( او ما يعرف بعزبة الهجانة ) نزلوا شوارع مدينة نصر و قاموا بسلب و نهب كل ما قابلهم.....و هو قال الكلام ده بناءً على اللى شافه بعينه.

و بعدين من زمان كتير من الناس كانت متوقعة حاجة تم أطلاق عليها أسم ثورة الجياع ( و الأسم مش داى سخرية من الناس دى و لا حاجة.....الأسم جاى من واقع الناس دى بتعيشه فعلياً )
و التوقع كان أنه فى حالة أستمرار أتساع الفجوة بين الناس القادرة على العيش و الناس الغير قادرة و مع سكوت الحكومة و عدم قيام أى تظاهرات أو ثورات على النظام......سوف يقوم من أطلق عليهم الجياع بثورة و سيقومون بتخريب و تدمير و سرقة و نهب......و هو أمر متوقع من فئة من الشعب لا يوجد فيها و عى ولا تعليم و لا معرفة ده غير أنهم بالمعنى الدارج " مش بيفرق معاهم حاجة ".......الناس دى فى الأيام العادية كنتى هتلاقى أخبارهم فى صفحات الحوادث كل يوم أو أتنين......بيقتلوا بعض علشان جنيه و أتنين و تلاتة.........عرفتى الحال كان وصل بيهم لفين ؟


ربنا يسترها.