النقل المباشر لاحداث الاضراب -الجزء الثاني

**aly_hosny** · 27-01-2011 08:24 PM

المشاركة الأصلية كتبت بواسطة mahmoud_afifi

هو المنتدى ده اتحجب ؟؟؟
مش راضي يدخل على نايل موتورز غير بالبروكسي !!!!

لا شغال

المشاركة الأصلية كتبت بواسطة mostafa3000

من مصدر من بني سويف المظاهرات تشتعل هناك

مصدر لحضرتك ولا خبر منقول ؟

**Xander2010_Evo** · 27-01-2011 08:24 PM

المشاركة الأصلية كتبت بواسطة shnory

معلش اني بعيد كلامي وبكرر البوست بتاعي في الاقتباس
بس دي اخبار اسكنديره لحد الساعه 2 الضهر

ياشنووري باشا أنا مش قصدي حضرتك

أنا بتكلم عمومآ إحنا عاوزين "إحنا" إللي نجيب الأخبار الحقيقية بدون تهويل وتسخين
بتنرفز صراحة لما بيقولو فيه مظاهرة بال5000 نفر فالحتة الفلانية
وأكلم ناس ساكنين هناك يقولولي

ثواني
.
.
لا مفيش حاجة خالص
إحنا شعب بيحب يهيص فالهيصة

**zaza_lanos** · 27-01-2011 08:25 PM

المشاركة الأصلية كتبت بواسطة mostafa3000

"سرور" خلال لقائه بالصحفيين البرلمانيين: "تونس هى اللى هتقلد مصر".. ولا يمكن سحب الثقة من حكومة لديها أغلبية برلمانية.. وحل البرلمان من سلطات الرئيس.. ولابد من مواجهة مشاكل الشباب

كفايا بقى كوابيس

**mostafa3000** · 27-01-2011 08:27 PM

المشاركة الأصلية كتبت بواسطة aly_hosny

لا شغال

مصدر لحضرتك ولا خبر منقول ؟

المصدر صديق لي لسة جاي من هناك كان بيعزي

**SHNORY** · 27-01-2011 08:28 PM

المشاركة الأصلية كتبت بواسطة xander2010_evo

ياشنووري باشا أنا مش قصدي حضرتك

أنا بتكلم عمومآ إحنا عاوزين "إحنا" إللي نجيب الأخبار الحقيقية بدون تهويل وتسخين
بتنرفز صراحة لما بيقولو فيه مظاهرة بال5000 نفر فالحتة الفلانية
وأكلم ناس ساكنين هناك يقولولي

ثواني
.
.
لا مفيش حاجة خالص
إحنا شعب بيحب يهيص فالهيصة

يا باشا انا فاهم قصدك
انت قولت الناس تجيب الاخبار اللي شافوها بعينهم
وانا كررت اللي شوفته علشان ممكن يكون فيه ناس متابعوش الموضوع من اوله
اشمعني الجزيره عماله تكرر اخبارها
هما احسن مني ؟؟؟
ههههههههههههههههههههههه

**aly_hosny** · 27-01-2011 08:28 PM

المشاركة الأصلية كتبت بواسطة mostafa3000

المصدر صديق لي لسة جاي من هناك كان بيعزي

طب الحمد لله
ان شاء الله بكرة هيبقى يوم اسود على النظام بالكااااااااااااااااااااا اامل

**wawoo** · 27-01-2011 08:29 PM

المشاركة الأصلية كتبت بواسطة wael17

....يعني عن طريق الصفحة دي ممكن مثلا ظابط مخابرات يتحكم في الاخبار اللي بتوصل لملايين الناس و يتحكم فيهم من خلال لابتوب صغير....حاجة تخوف بصراحة

للاسف فى فعلا جهات تحريضية كثيرة على الفيس بوك وفى المنتديات تريد انت تحول المظهارات السلمية اللى مسارات تخريبية مدمرة و دة بيتم عملة بالتدريج وانا و بعض الناس كشفنا شخصية مش مصرية من الشخصيات دى بتحاول تحرض على العنف و التظاهر و التدمير

طبعا يصعب فى الوقت الحالى التفرقة بين الشخصيات الحقيقية والشخصيات المزيفة و المحرضة لاغراض اخرى ..لكن الحذر مطلوب فى حالة اكتشاف احد هذة العناصر و نحاول قدر الامكان نشغل عقلنا فى حالة الشك فى اى دعوات مختلفة عن المسار الاصلى للتظاهر السلمى

**mahmoud_afifi** · 27-01-2011 08:29 PM

الشروق: محافظة سوهاج تحت الحصار.. ومدرعات لحصار 44 ناشطا

تحولت مدينة سوهاج إلى "ثكنة عسكرية"، وفرضت قوات الأمن حصارًا أمنيًّا حول المواقع الهامة، كمبنى المحافظة، ومديرية الأمن، ومقر الحزب الوطني، وأقسام الشرطة، وفرضت حراسة مضاعفة على الكنائس والبنوك والمساجد.

واستعانت الشرطة بالمدرعات والسيارات المصفحة، في حصار 44 شابًّا من قوى المعارضة، أثناء مسيرة لهم بدأت من مديرية التربية والتعليم، وطافت بعض مناطق المدينة، مرددين بعض الهتافات، مثل: "حركة وطنية وحدة ضد السلطة اللى بتدبحنا"، واستمرت ساعتين.

واعتقلت قوات الأمن الناشطان محمد محيي ومحمد سرحان، واحتجزتهما في قسم شرطة ثان سوهاج، ثم أفرجت عنهما بعد ساعات، كما صادرت كارنيهات بنتان، واضطر المحافظ للنزول للشارع والتفاهم مع المتظاهريين، لكنّ المتظاهرين رفضوا.

http://www.shorouknews.com/.......Data.aspx?id=384164

يارب الخبر يبقى بجد ويتحركوا بقى