النقل المباشر لاحداث الاضراب -الجزء الثاني

**mostafa3000** · 27-01-2011 08:34 PM

الجزيرة مباشر الان

**نور القمر** · 27-01-2011 08:35 PM

الفيس بوك اتقفل عندي
اول مرة اشوفه وااااااااااااااااااقع

**nagah400** · 27-01-2011 08:37 PM

R.n.n | شبكة رصد فتوى || القرضاوي || إطلاق الرصاص على المتظاهرين حرام شرعاً.. ومن خرجوا إلى الشوارع هم أبناء مصر
قبل بضع دقائق · أعجبني · تعليق

**mahmoudselim** · 27-01-2011 08:37 PM

المشاركة الأصلية كتبت بواسطة wael17

مش عارف ليه بدات احس بحاجة غريبة من شبكة رصد دي....في حاجة مش مظبوطة

اللهجة بتاعتهم مش اخبارية...دي لهجة تحريضية
و بعدين الاسلوب تحس ان اللي وراه ناس دارسة علم نفس او حرب نفسية مش لهجة شباب زينا

كلام عن اعداد بالالاف....سحل متظاهرين...الارهاق بدأ يظهر علي الأمن...
ايه شغل المخابرات ده....تخيل كام واحد ممكن يسخن و يستجيب "للنداءات" دي
احنا ممكن نكون هرشناهم في المنتدي بتاعنا بس في حوالي ربع مليون واحد متابع الصفحة بتاعتهم و بينشروا الاخبار للناس اللي حواليهم....يعني عن طريق الصفحة دي ممكن مثلا ظابط مخابرات يتحكم في الاخبار اللي بتوصل لملايين الناس و يتحكم فيهم من خلال لابتوب صغير....حاجة تخوف بصراحة

تمام كلامك ممكن جدا يكون صح عن شبكة رصد أنها بتسخن الناس وكدا..!!
طيب ثانية واحدة كدا
هو الشعب عاوز أية بالظبط؟!! انا مبقتش فاهم والله ناس كتير من ال كانو جابو جاز من الحكومة وبيتكلموا في مظاهرات اول ما الموضوع ابتدا يدخل في الجد لاقيت تفكير تاني خالص من نوعية طيب لو مشي مين هيمسك مكانة! دي البلد هتخرب من بعدة! وكلام كدا بصراحة من وجهة نظري مالوش اي 60 معني وال بيقول كدا مش عااف البلد بيحصل فيها اية من الحكومة ووالله والله لو حد من الناس ال بتقول كدا عرف المستخبي وال بيحصل في الشعب من الحكومة لا هيضرب نفسة 001جزمة انة في وقت ما فكر بالشكل دا (اعذروني انا اسف)

والله انا كل ال انا شايفة ان البني ادم دا شغال لحساب اليهود بجد والله راجع كل حاجة كدا واعقلها.

شبكة رصد فعلا بتسخن وتهول في الاحداث ودا كلة ايحاء للشعب ان المظاهرات لسة موجودة علشان الناس متبردش ويضيع المجهود دا كلة في الهوا ونصبح يوم الجمعة نلاقي الشعب بيضرب زبادي خلاط.

الفعل ورد الفعل الوسائل الحكومية بتشد الناس في حتة تانية خالص وشبكة رصد بتحاول تعمل رد فعل.. دي كل الحكاية

وكفاية اوي نغمة المؤمرة مش هنكمل حاجة واحدة لاخرها بالمنظر دا.

حاجة كمان انا متأكد ان لو حصل انقلاب هيكون في فوضي وسرقة ونهب ومش هيتم السيطرة عليها الا بعد ما تستقر الحكومة الجديدة.. بس مفيش حاجة بتيجي بالساهل ابد انتا بتصنع تاريخ متبصش انتا هتخسر كام دلوقتي ! وقال يعني هما كانوا محفظين علي الامن والامان شوف كام عربية اتسرقت من اعضاء المنتدي

**amr5500** · 27-01-2011 08:38 PM

انا النت عندي بطئ جدا
ومواقع كتير مش قادر افتحها
حتي الياهو ماكانش عايز يشتغل
هو ايه اللي بيحصل

**Samir Elshahawy** · 27-01-2011 08:39 PM

المشاركة الأصلية كتبت بواسطة mailo

i just called ma friend from suez and he told me that there is no military forces in there and ismaelia is helping to lower the police forces impact on them and port saied is following them tomorrow
i'm not sure of that but he told me that ppl are having alittle control there

الكلام ده صحيح ...
أنا كنت بأتابع مع زملائي في المكتب مكتبنا في السويس و الاسكندرية و أخر الاخبار من السويس كانت الساعة السادسة و محتواها :
- أشتباكات عنيفة في أنحاء مختلفة من مدينة السويس
- أغلاق كل مداخل السويس
- بدء قطع المياه و الكهرباء عن عدد من المناطق في السويس
- لاوجود مطلقا لقوات من الجيش

مع خالص تحياتي
م/ سمير الشهاوي

**ahmedabutaleb** · 27-01-2011 08:40 PM

ياجماعة حد يعرف اماكن المساجد اللى هتطلع منها المظاهرات بكرة ويارتى فيه حد رايح

**smsm_nabawy** · 27-01-2011 08:42 PM

أيه آخر الأخبار في القاهرة ....!!!!!!! الأسكندرية مفيهاااش حاجة و الأوضاع هادية

**a_tantawy7** · 27-01-2011 08:42 PM

يا جماعة أرجوكم بلاش نقل أخبار الا من مصادر موثوقة, عشان واضح أن في بعض المواقع بتحاول الاثارة فقط لأهداف لا يعلمها الا الله.
النهاردة كنت في منطظة التحرير, رمسيس, وسط البلد من الساعة 11 لحد الساعة 2. ومكنش فيه أي قلق. اللهم الا عربيات أمن مركزي بكثافة كبيرة. والله على ما أقول شهيد.