الموضوع: النقل المباشر لاحداث الاضراب -الجزء الثاني

ياجماعة الحل في نظري تقسيم المظاهرات بذكاء قسم داخل ميدان التحرير والقسم الأخر يدعمهم من خارج دائرة ميدان التحرير يعني ببساطة وضع القوات الأمنية والشرطة في النص مابين طبقتين من المتظاهرين لمحاولة تفادي أية أسلحة موجهة للتظاهر بس ياتري الكلام ده ممكن يوصلهم أزاي !وهايقدروا يطبقوه فعلا!أنا شايف الناس مندفعة وهاتحبس نفسها في دائرة محكمة زي ميدان التحرير ومافيش أمثل من كده مكان بالنسبة للقوات.
قنابل مسيلة للدموع وخلافه لأن الضرر هايجي علي الجانبين في الحالة دي ولو أني أتوقع أستخدامهم لأقنعة ضد الغازات

انا قلت لكم من الاول لا يمكن احتلال حضاره عظيمه من قوه خارجيه اذا لم تدمر نفسها من الداخل وهو ده الي بيحصل تماما احنا حضاره عظيمه ومحدش قدر يدمرها من الخارج وشوفو التاريخ وادينا دلوقتي بندمر نفسنا داخليا ولو تلاحظو مش بس احنا ولكن لاحظوه علي المستوي العربي انظرو الي الوراء واربطو الاحداث مع بعض وشوفو الدول العربيه واحده تلو الاخري والبقيه تأتي ياجماعه احنا بننهار واحده واحده الي ان نصل الي الحضيض ياجماعه اكررها تاني البلد بتنهار وهتبقي احزاب مختلفه وتنازع علي السلطه وهتبقي في حاله غوغائيه وسرقات واحزاب مختلفه وجماعات مختلفه ولا يوجد توحيد للصفوف ولارقي ولا حضاره ولا امان ياجماعه احنا كلنا بننهار في ناس بتبص تحت رجليها وبتنشر معلومات غلط لأجل مصالح شخصيه واطماع في السلطه او تحقيق رغبات دينيه ولكن لو نظرت الي المستقبل سوف تجد انها تدمر نفسها بنفسها كل الي اقدر اقوله يارب سترك يارب سترك يارب سترك.

المشاركة الأصلية كتبت بواسطة naser_56

انا قلت لكم من الاول لا يمكن احتلال حضاره عظيمه من قوه خارجيه اذا لم تدمر نفسها من الداخل وهو ده الي بيحصل تماما احنا حضاره عظيمه ومحدش قدر يدمرها من الخارج وشوفو التاريخ وادينا دلوقتي بندمر نفسنا داخليا ولو تلاحظو مش بس احنا ولكن لاحظوه علي المستوي العربي انظرو الي الوراء واربطو الاحداث مع بعض وشوفو الدول العربيه واحده تلو الاخري والبقيه تأتي ياجماعه احنا بننهار واحده واحده الي ان نصل الي الحضيض ياجماعه اكررها تاني البلد بتنهار وهتبقي احزاب مختلفه وتنازع علي السلطه وهتبقي في حاله غوغائيه وسرقات واحزاب مختلفه وجماعات مختلفه ولا يوجد توحيد للصفوف ولارقي ولا حضاره ولا امان ياجماعه احنا كلنا بننهار في ناس بتبص تحت رجليها وبتنشر معلومات غلط لأجل مصالح شخصيه واطماع في السلطه او تحقيق رغبات دينيه ولكن لو نظرت الي المستقبل سوف تجد انها تدمر نفسها بنفسها كل الي اقدر اقوله يارب سترك يارب سترك يارب سترك.

أنا معاك أن فيه مخطط بيتنفذ بس من الواضح أنهم عارفين هايعملوا أيه بالظبط
وفي الأغلب كده الأحزاب هاتختفي تماما من علي خريطة الدولة بدون خراب ولا حاجة الدنيا بس هاترجع للحكم بالحديد والنار
أيه الحل ياجماعة مافيش أي طريقة أو أي حاجة نلحق نعملها وتحول الموضوع لمكسب بدون خسارة

هو ده عين العقل ايه الي ممكن يحول الخساره الي مكسب او علي العقل يوقف الخساره انا بالرغم من عدم وجودي بمصر وكزلك وجود اهلي بالصعيد وهدوء الوضع هناك ولكن احساسي بالناس الموجوده في قلب الاحداث وعملي بالعراق لمده سنه من ۲۰۰٥ الي ۲۰۰٦ ورؤيتي بأم عيني لما يحدث هناك بيرسم في داخلي صوره مخيفه جدا الاحداث وتصور مخيف للمستقبل تصور الخساره لغايه دلوقتي الخساره ايه وتصور كمان لو استمر الحال اسبوع هتلاقي مصر في حاله شلل تام نفاز الاكل نفاز الوقود التجمع في طوابير من اجل العيش مش عارف اقلك ايه ولا ايه ولاايه يارب سترك نعم نطالب بالتغيير ولكن ليس كزلك ابدا اتصور حال البلد وكأنها شخص اصيب بسرطان ففضل الانتحار علي العلاج واضحك في نفسي وشر البليه ما يضحك .

يا أحمد باشا أيه رأيك في التحليل ألي أتكلمنا فيه ضروري؟