الموضوع: بعد خطاب الرئيس مبارك

انا عايز اسأل حضرتك سؤال هوا لو حسني ده مات والاعمار بيد الله .. كان هيبقى ايه النظام

المشاركة الأصلية كتبت بواسطة tarek gen 2

(ده اقتباس لكلامى فى رد اخر )

بن على فلوسه اتجمدت
مطلوب فى الانتربول
مستنداته اتفتحت
ورقه اتسرب
لاجئ سياسي
هيتحاكم

تفتكر مين حاكم دكر يرضى انه يتنحى عن الحكم؟؟

خطاب الريس

مفيهوش سيرة عن قانون الطوارئ اللى فى ايد عيال عندها 20 سنة و حاطط نجمة على كتفه
مفيهوش سيرة عن المادة 88 بتاعة الاشراف القضائى يعنى اللى هيقغد على الصناديق موظفين ب 50 جنيه يسودلك الصندوق
كل كلامه عن ناس مندسين مع الشعب خربت عن ان المظاهرات خربت عن ان الناس خربت
لكن الشرطة لا - مفيش غلطة من الحكومة - مشيوا بكل ديموقراطية يوم 25 - يا سلاااااااااااااام والضرب اللى اتضربته و المية اللى اترشيت بيها وانا بصلى و الغاز اللى اضربت بيه من 8 بليل لحد 5 الصبح ده كان ايه ؟؟ الحكومة بتهزر معايا

قال لم اكن انوى ان اترشح و لما الناس سالته قبل كدة مقالش كدة ليه
و لما هو كدة اتعمله حملة انتخابية جديدة بصور جديدة و عشان تطمن على مستقبل اولادك ليه ؟؟
ولما هو ناوى كدة معدلش الدستور عشان اللى جى بعده ليه
فى ظل الدستور الحالى ده ولا البرادعى ولا ايمن نور ولا عمرو موسى ولا كمال الجنزورى يقدر يرشح نفسه

فى خطابه لم يلمح لمحاكمة العادلى على موت 300 واحد و فقد 500 و جرح 3000 ؟؟ و استخدام الرصاص الحى
حى ؟؟ يا نهار ابيض !! ليه احنا كفرة ؟

فى خطابه قال شائت الاقدار ان اكون رئيس لمصر 30 عاما
لا والنبى لا يا راجل قال انتا مش عايزنا بس الاقدار هى اللى عملت كدة

فى تكليفه للوزراء شال 9 بس !! م ن اكتر من 20 واحد ده اسمه تشكيل وزارة و حكومة جديدة
ازاااااااااااى

انا احارب البطالة و ساب وزيرة القوة العاملة اللى معاها اعدادية و باست ايد ميراته
انس الفقى اكبر (------) فى الدنيا و اكبر كداااااااااااب و القنوات المصرية تشهد اللى مجبتش مشهد واحد من اللى حصل قبل كدة
مثلا من الشرطة تجاه المتظاهرين

احمد ابو الغيط اللى ميعرفش ينطق كلمتين واللى المصريين فى عهده بيتمسح بكرامة اللى جايبينه الارض برة واللى السفرات المصرية برة فى عهده مالهاش اى دور

بطرس غالى يطلع يقول انه رفض الانضمام للحكومة الجديدة على اساس اننا ماسكيييييييييين فيه !!

احمد زكى بدر لسة موجود !! على اساس ايه

بدل ما يحل المجلس اللى طلع قال عليه قبل كدة انه شرعى و ان اللى بيقول عليه مزور ده هو اللى بيكدب و يتمنى الخراب لمصر
497 عضو وطنى و ميبقاش مزور طب بعد الثورة و اثبات الناس انها مش عايزة خلقتهم و كسرت مقارتهم يبقى ايه يا ريس ؟؟
يطلع بدل ما يحلو يقول هنبص فى احكام المحكمة اللى هتاخدلها سنين بقى

حد يقدر يضمن المجلس الجديد اللى هيبقى من غير اشراف قضائى ؟؟
حد يقدر ان المجلس ده ميبايعش الريس لفترة جديدة زى ما حصل فى تالت ولاية ليه؟؟

حد يقدر يضمن ان صوته هيروح للى عايزى فى ظل عدم وجود اشراف قضائى
حد حقق فى كلام العادلى اللى وجه فيه حادث الكنيسة لناس معملتش حاجة ؟؟ و اتطرمخت

اللى بيقول ان البرادعى و جروب خالد سعيد مدفوعين من اسرائيل و امريكا اقولوهم كلمة واحدة بس
اسرائيل و امريكا عمرهم ما هيلاقوا ضفر مبارك تانى
ضفر واحد بيصدر الغاز لاسرائيل و نستورده احنا و الناس تمشى كيلوهات عشان تجيب انبوبة متلاقيش !!
ضفر واحد بيسبهم داخلين خارجين فى طابا و سينا و الوحيد فى افرقيا اللى بيستقبل وزرائها و حكومتها فى مصر !!

ضفر واحد راح المانيا و فرنسا اكتر ما راح الفيوم و اسكندرية
ضفر واحد دفع مليارات فى توشكى و المحصلة صفر و حسك عينك تجيب سيرتها فى حاجة

حد يقدر يضمن حاجة فى ظل نفوذ و وجود ( فتحى سرور - صفوت الشريف - زكريا عزمى) ؟


ده فيلم هندى منه يا جماعة والله فيلم و الايام بيننا

انا معاك فى حاجات يا باشا و معارض فى حاجات تانية انا بس عايز اقول ان تونس اللى تنحى فيها زين العابدين لغاية دلوقتى مفيش فيها استقرار و احوالها و اقتصادها فى النازل كل يوم ...... ثانيا احنا نبص قبل الانتفاضة او الثورة دى كان معانا ايه و بقى معانا ايه احنا اتحققلنا حاجتين فورى و 5 حاجات بعد الخطاب :
1 - تعيين نائب رئيس و دى حاجة اهالينا حفيوا عليها و معرفوش يعملوها 30 سنة كاملة .
2 - تغيير الحكونة او على اقل تعبير عشان متزعلش تعديل وزارى انا مش حقلك انه جامد بس احنا شعب لما كنا بنعوز نغير اخرنا تعديل فى وزير و لا 2 و بنتحزم و نرقص .
حاجات بقى خدناها بعد الخطاب :
3 - ان الرئيس مش حيرشح نفسه تانى .
4 - ان طعون القضاء بالنظر لقضايا مجلس الشعب و الشورى حتتحقق .
5 - ان الدستور حيتعدل منه مادتين طالع عينا من سنين عشان نعدلهم مش قادرين .
6 - ملاحقة المسئولين عن الانفلات الامنى و دى حاجة الناس مركزتش فيها فى الخطاب تماما .
7 - ملاحقة الفاسدين و القضاء على الفاسدين .

بعد الكلام دا كله حقلك مفيش حد فى العالم بياخد كل حاجة مرة واحدة انما انا شايف ان انت و انا و الشعب كله خدنا مكاسب مكناش نحلم بيها و حاجات كتير اتحققت حتقولى المادة 88 مش حتتعدل حقولك مش حتتزور الانتخابات مفيش اى حد يقدر يزور دلوقتى لكن لو حصل و اتزورت يا سيدى ننزل تانى الشارع كلنا و ادينا عرفنا السكة .
كلمة اخيره انت لو والدك كان ظالم و مستبد و انت جتلك الفرصة انك تحاكمه حتطرده من البيت انا عايز بس الناس تحترم الراجل دا اللى عملنا حاجات كتير و نفتكرله الكويس و كلها 7 شهور و بعدين والله لو الناس اصرت بجد حنخسر اكتر ما حنكسب احنا محتاجين الاستقرار و الاقتصاد يا جماعة حيتبهدل بزيادة كفاية لحد كدا و نصبر و نشوف مش جنخسر بل على العكس انا متاكد حنكسب اكتر لو صبرنا .......... اسف على الاطالة

المشاركة الأصلية كتبت بواسطة thedeveloper87

يا جماعة أنا عايز أسأل سؤال

لو فرضنا مبارك مات أو هرب .... ايه اللي ممكن يتم؟؟؟؟؟

اللى انا اعرفه ان رئيس مجلس الشعب هو اللى بيمسك لحين اجراء انتخابات ولان مجلس الشب مشكوك فيه ها يمسك البلد رئيس المحكمة الدستورية ده حسب الدستور

المشاركة الأصلية كتبت بواسطة mmffor

مظاهرة استمرت اسبوع كامل سلمية!
مظاهرة الحزن الوطني استمرت ساعتين امتلأت بقلة الادب و العنف و الاعتداء على الامنين!
الى كل مؤيد لحسني مبارك, من الله عليك ما تستحق

يا رب مبارك يحكمكوا ابد الابدين بالحديد و النار! و افراد الشرطه يعتدوا عليكم و يهينوكوا كمان و كمان
[OVERLINE]
يا اخى حرام عليك اللى حضرتك بتكلمهم دول غالبا ما يعرفوش معناة الشعب ولا مهتمين بالسياسة ووجب علينا توضيح الصورة لهم
[/OVERLINE]انتم شعب لا يستحق الحرية