الموضوع: بعد خطاب الرئيس مبارك

المشاركة الأصلية كتبت بواسطة mmffor

دخل متظاهرون مؤيدون للرئيس المصري حسني مبارك إلى ميدان التحرير في القاهرة الذي يشهد احتجاجات للمعارضين منذ يوم 25 يناير/كانون الثاني الماضي.
دول غالبا جماعة ماجورة من الحزب الوثنى او الشرطة وياريت نلتزم بضبط النفس علشان صورتنا لحد دلوقتى فى منتهى التحضر وتنال احترام العالم كله
وحدثت اشتباكات بين المؤيدين والمعارضين، وهناك أنباء عن حدوث إصابات، فيما تعرض طاقم العربية في ميدان مصطفى محمود بمنطقة المهندسين لاعتداء من بعض المؤيدين للرئيس مبارك وتم نقل الزميل أحمد بجاتو إلى المستشفى.

المشاركة الأصلية كتبت بواسطة modyverna

لا للتخريب .... نعم للإستقرار
بنحبك يا ريس

انا باحترم راى حضرتك بس ياريت تقول لى بتحبه ليه علشان انا عايز احبه انا كمان

المشاركة الأصلية كتبت بواسطة modyverna

لا للتخريب .... نعم للإستقرار
بنحبك يا ريس

بس يا كلب النظام ...... روح شوف بيحصل إيه في التحرير دلوقتي

البلطجية راكبين خيل و بيضربو المتظاهرين

المشاركة الأصلية كتبت بواسطة mmffor

مظاهرة استمرت اسبوع كامل سلمية!
مظاهرة الحزن الوطني استمرت ساعتين امتلأت بقلة الادب و العنف و الاعتداء على الامنين!
الى كل مؤيد لحسني مبارك, من الله عليك ما تستحق

يا رب مبارك يحكمكوا ابد الابدين بالحديد و النار! و افراد الشرطه يعتدوا عليكم و يهينوكوا كمان و كمان

انتم شعب لا يستحق الحرية

بهدوء
انت بتتكلم صح 100%
بعد اللي حصل في التحرير الان يبقي كدة فعلا متظبطة
بس يمكن انا و غيري اللي خيفين علي اللي في البيوت مش قادرين يفكرو كويس
انا بقالي 72 ساعة مش عارف انام و مش عارف افكر كويس
بس بعد اللي بيحصل دلوقتي لازم يكملو

المشاركة الأصلية كتبت بواسطة tarek gen 2

(ده اقتباس لكلامى فى رد اخر )

بن على فلوسه اتجمدت
مطلوب فى الانتربول
مستنداته اتفتحت
ورقه اتسرب
لاجئ سياسي
هيتحاكم

تفتكر مين حاكم دكر يرضى انه يتنحى عن الحكم؟؟

خطاب الريس

مفيهوش سيرة عن قانون الطوارئ اللى فى ايد عيال عندها 20 سنة و حاطط نجمة على كتفه
مفيهوش سيرة عن المادة 88 بتاعة الاشراف القضائى يعنى اللى هيقغد على الصناديق موظفين ب 50 جنيه يسودلك الصندوق
كل كلامه عن ناس مندسين مع الشعب خربت عن ان المظاهرات خربت عن ان الناس خربت
لكن الشرطة لا - مفيش غلطة من الحكومة - مشيوا بكل ديموقراطية يوم 25 - يا سلاااااااااااااام والضرب اللى اتضربته و المية اللى اترشيت بيها وانا بصلى و الغاز اللى اضربت بيه من 8 بليل لحد 5 الصبح ده كان ايه ؟؟ الحكومة بتهزر معايا

قال لم اكن انوى ان اترشح و لما الناس سالته قبل كدة مقالش كدة ليه
و لما هو كدة اتعمله حملة انتخابية جديدة بصور جديدة و عشان تطمن على مستقبل اولادك ليه ؟؟
ولما هو ناوى كدة معدلش الدستور عشان اللى جى بعده ليه
فى ظل الدستور الحالى ده ولا البرادعى ولا ايمن نور ولا عمرو موسى ولا كمال الجنزورى يقدر يرشح نفسه

فى خطابه لم يلمح لمحاكمة العادلى على موت 300 واحد و فقد 500 و جرح 3000 ؟؟ و استخدام الرصاص الحى
حى ؟؟ يا نهار ابيض !! ليه احنا كفرة ؟

فى خطابه قال شائت الاقدار ان اكون رئيس لمصر 30 عاما
لا والنبى لا يا راجل قال انتا مش عايزنا بس الاقدار هى اللى عملت كدة

فى تكليفه للوزراء شال 9 بس !! م ن اكتر من 20 واحد ده اسمه تشكيل وزارة و حكومة جديدة
ازاااااااااااى

انا احارب البطالة و ساب وزيرة القوة العاملة اللى معاها اعدادية و باست ايد ميراته
انس الفقى اكبر (------) فى الدنيا و اكبر كداااااااااااب و القنوات المصرية تشهد اللى مجبتش مشهد واحد من اللى حصل قبل كدة
مثلا من الشرطة تجاه المتظاهرين

احمد ابو الغيط اللى ميعرفش ينطق كلمتين واللى المصريين فى عهده بيتمسح بكرامة اللى جايبينه الارض برة واللى السفرات المصرية برة فى عهده مالهاش اى دور

بطرس غالى يطلع يقول انه رفض الانضمام للحكومة الجديدة على اساس اننا ماسكيييييييييين فيه !!

احمد زكى بدر لسة موجود !! على اساس ايه

بدل ما يحل المجلس اللى طلع قال عليه قبل كدة انه شرعى و ان اللى بيقول عليه مزور ده هو اللى بيكدب و يتمنى الخراب لمصر
497 عضو وطنى و ميبقاش مزور طب بعد الثورة و اثبات الناس انها مش عايزة خلقتهم و كسرت مقارتهم يبقى ايه يا ريس ؟؟
يطلع بدل ما يحلو يقول هنبص فى احكام المحكمة اللى هتاخدلها سنين بقى

حد يقدر يضمن المجلس الجديد اللى هيبقى من غير اشراف قضائى ؟؟
حد يقدر ان المجلس ده ميبايعش الريس لفترة جديدة زى ما حصل فى تالت ولاية ليه؟؟

حد يقدر يضمن ان صوته هيروح للى عايزى فى ظل عدم وجود اشراف قضائى
حد حقق فى كلام العادلى اللى وجه فيه حادث الكنيسة لناس معملتش حاجة ؟؟ و اتطرمخت

اللى بيقول ان البرادعى و جروب خالد سعيد مدفوعين من اسرائيل و امريكا اقولوهم كلمة واحدة بس
اسرائيل و امريكا عمرهم ما هيلاقوا ضفر مبارك تانى
ضفر واحد بيصدر الغاز لاسرائيل و نستورده احنا و الناس تمشى كيلوهات عشان تجيب انبوبة متلاقيش !!
ضفر واحد بيسبهم داخلين خارجين فى طابا و سينا و الوحيد فى افرقيا اللى بيستقبل وزرائها و حكومتها فى مصر !!

ضفر واحد راح المانيا و فرنسا اكتر ما راح الفيوم و اسكندرية
ضفر واحد دفع مليارات فى توشكى و المحصلة صفر و حسك عينك تجيب سيرتها فى حاجة

حد يقدر يضمن حاجة فى ظل نفوذ و وجود ( فتحى سرور - صفوت الشريف - زكريا عزمى) ؟


ده فيلم هندى منه يا جماعة والله فيلم و الايام بيننا

كلام 10/10 بجد

السلام عليكم ورحمة الله وبركاته
في قناة دريم اليوم 2 فبراير برنامج صياح دريم
مداخلة من استاذ في القانون ابراهيم درويش قال ان هذه محاولة التفاف لان الدستور اساسا لا يصلح الدستور سنة 71 تم تزويره بعد انا كان دستور برلماني
ثم عدل سنة 80 ليصبح مدد ولاية الرئيس غير منتهية
ثم عدل مرتين 2005 و 2007 واصبح فيه مواد متضاربة لذا ان المفروض طرح صياغة لدستور جديد وليس تعديل مواد فقط
واضاف أن تعديل الدستور لن يأخد وقت ممكن خلال اسبوع او اسبوعين لن هناك تخيلات بالفعل كتبت عن هذا الدستور وهو قد اصدر كتاب به تلك التخيلات

ملحوظة انا تنقلت بعد الفاصل الي قناة اخري ثم رجع الي قناة دريم مره اخري وحدت علي البانر ان برنامج صباح دريم به عطل فني ثم عرض بدلا منه فيلم