الموضوع: بعد خطاب الرئيس مبارك

المشاركة الأصلية كتبت بواسطة ahmed_su

الرئيس ورغم كل الاختلاف معه

الا انى بعد كابوس الايام السابقة وتحولنا الى غفراء

مقمين فى الشوارع انا معه تماما فيما قاله فى خطابه

الاخير - مجرد ايام معدودة حدث ماحدث - فما بالك

لو حدث فراغ فى السلطة مع عدم وجود اتفاق من اى قوى

سياسية بل مجموعة من الافاقين والانتهازين الذين ركبوا موجة الشباب

سواء البرادعى او الاخوان او الاحزاب التى ليس لها اى وزن بل كل ماكانت تقوم به

لعق حذاء الرئيس - لو ذهب هذا الراجل بتلك الطريقة الله وحده اعلم

بما سيحدث لهذا البلد - الرجاء الاستماع لصوت العقل - لقد حصلنا

على الكثير مما كنا نريده وما كان حلما من كام اسبوع اصبح واقعا

كلامك مظبوط و بعدين انا عامل دوريه بعربيتي عديت على الناس كلها رايها من رايك ما عدا 3 المفاجاه انهم كبار في السن بيقولوا لأ يمشي دلوقتي
انا بصيت باستغراب هو انتم طلعتوا حتى في مظاهره و لا عملتوا حاجه
انت لو تشوف حاله الاستنفار الامني بجد استنفار امني اللي عملينها في الشوارع خصوصا اول يوم
ما بين كماين و عمل افخاخ للبلطجيه و دوريات و اتصالات مكثفه علشان الاشاعات و كمان التنسيق في حاله الهجوم و الدعم
دا غير بقى الاسلحه المولتوف بقى حاجه عاديه و انا اللي عمري ما مسكت سلاخ و لا اتخانقت في حياتي كنت شايل سيف و عملت حاجات مكنتش اتخيل ان اعملها
احنا كده كسبنا كتير اوي و كل اللي عاوزينه هيتحقق
يبقى نصبر الكام شهر دول على الاقل هنتجنب مما لا شك فيه عيوب الثوره التونسيه
بالنسبه للاخوان فيكفي اللطمه اللي اخدوها مننا في الزقازيق و اجبارهم على تغيير شعاراتهم