الموضوع: بعد خطاب الرئيس مبارك

المشاركة الأصلية كتبت بواسطة wael17

الاخ اللي بيقول كلام مبارك خداع و هيزور الانتخابات تاني....طب لما ده يحصل نبقي ننزل الشارع تاني و نقول لأ زي ما عملنا يوم 25 و يوم 28 ...لكن نشوف البلد بتولع قدمنا و كل حاجة في النازل و نقعد نقول لأ اصله بيضحك علينا يبقي معلش..انتوا عايزين تخربوها!!!
مبارك سقط امام الشعب و امام العالم....و الشهور القادمة مجرد فترة انتقالية لتمهيد انتقال سلس للسلطة...و معلش لما يبقي البرلمان بعد كده مش عاجباك انزل اقول لأ ...لما عمر سليمان يحاول يستولي علي السلطة انزل اقول لأ...لما العادلي ما يتحاكمش علي الناس اللي ماتت انزل اقول لأ....لكن دلوقتي الناس اللي لسه في ميدان التحرير بتقول لأ علي ايه؟.....مش لازم نخرب مصر و نجيبها الارض و نبنيها من جديد...لأن ببساطة ممكن مانعرفش نبنيها تاني...أنا مش عايز ولادي يتربوا و يكبروا في بلد زي العراق

يا استاذ حضرتك زى ما قولت قبل كدة الحل مش التخريب الحل دلوقتى المفاوضات ودى اعتقد ممكن دلوقتى

فى البداية أتوجة بالشكر لأخى العزيز محمد على هذا الموضوع الرأئع وأتفق معه تماماً فى رأية وكذلك مع رأى أخى العزيز \شاركى (عذراً لعدم معرفتى بأسمك|)
ما أرغب فى توضيحة أن الرئيس محمد حسنى مبارك أعطى مصر 30 سنة من عمرة وقبلها خدم البلاد فى حرب أكتوبر لم تكن كل هذه السنوات عجاف ولكن لها سلبياتها وأيجابياتها
الرئيس وعى الدرس وانا اتخيل ان أحمد عز أفسد الدولة ولم يكن يعلم الرئيس بكل هذه التجاوزات وانا لا أعفية من المسئولية ولكن أرغب فى أنتقال سلمى للسلطة يحافظ على الأمن وأستقرار البلاد لمصلحة من الخسائر و ضرب السياحة و انهيار البورصة ووقف حال الوطن بهذا الشكل
الرئيس يرغب فى فرصة لأعادة ترتيب البيت وتسليم الدولة وان "يموت فى مصر " وهذا حقة
كلمة أخيرة من قام بهذه الثورة العظيمة هم الشباب ونحن ننتمى أليهم قلباً وقالباً ولكن حذارى من "يصطاد فى الماء العكر" واذا كان هناك توجهات لتغيير الدستور وتكوين للجنة للعقلاء يجب أن تكون خالية من الانتماءات الحزبية ( دكتور زويل، يحيى الجمل) لكن مع احترامى قفز الأخوان على أكتاف الثورة باطل فنحن نعلم علاقتهم بالنظام وكذا السيد البدوى الموظف لدى الحزب الوطنى ولا أعفى البرادعى من كلامى ، لأنه يريد أن يقطف ثمار الثورة أرفعوا أيديكم عن ثورة الشباب
وأسف على الأطالة وشكراً على الموضوع