الموضوع: جمعه رحيل الفساد بدل رحيل مبارك

المشاركة الأصلية كتبت بواسطة amahmed

فتنة ايه اللي بتتكلم عليها
الفتنة تكون بين قوتين شرعيتين و يؤكد ذلك التشبيه الذي استخدمته فقد كان اصحاب و تابعي الرسول صلي الله عليه و سلم في الطرفين
الوضع دلوقت الشعب ضد البلطجية و كل من اخذ 100 جنيه و شريط ترامادول او من امر بالنزول الي شارع او يفصل من العمل
و دي مش فتنة
دي ثورة شعبية مشروعة من اجل مستقبل افضل بلا شك باذن الله
لانك رايت وجه مبارك الحقيقي و عرفت معدنه الحقيقي و لا يجب ان نأمن له ابدا

صحابة الرسول اقتتلوا وكل منهم يعتقد انه على حق والعلم عند الله
والمؤيدين والمتعارضين كلاهما يقتتلان وكلاهما يعتقد انه على حق والله اعلم
وزي ما بتوصف المؤيدين انهم بلطجية زي ما سهل وصف المقيمين حتي الان في التحرير بانهم ثوار الكنتاكي اللى كان بيوصلهم يا زعيم ومعاه البيبسي والفلوس والا تفسر بايه العشرات اللى قبض عليهم الجيش من الاجانب ومعاهم فلوس ومنشورات باللغة العربية من جنسيات مختلفة
الموجود من 25 يناير حتي 28 يناير هي ثورة حقيقية
ما حدث من يوم السبت حتي الان هو فتنة

المشاركة الأصلية كتبت بواسطة lancelot

هوا مش لازم يبقى في تمن للاصلاحات اللي احنا كلنا عايزينها دي
بس انا برده مع انتقال سلمي للسلطه وشايف ان ده تمن قليل للي حققناه وان شاء الله هنحققه

تمن اصلاح البيت لا يكون بحرقه وهدمه على من فيه
الخطوات اللى تمت للان كافية للاصلاح المهم نتابع اجرائها انما كل شوية لا مش عاجبنا عايزين اكتر يبقي مش هنخلص وهنهدم البيت

المشاركة الأصلية كتبت بواسطة a7med_pharma

فتنة...؟؟؟؟
الفتنة دي هي النزاع المسلح بين طرفين مختلفين فكريا
لكن الحرب إلي بتحصل دلوقتي في التحرير.
دي حرب بين شرفاء ..وبين بلطجية
مش فتنة
لاااا
دي حرب التحرير .......... لو سكتنا تاني
هنفضل طول عمرنا ناخد بالشلاليت وناخد على قفانا
وساعتها مايبقاش حد يشتكي من سوء الحال ..أو من إهانة الشرطة ..أو من الفساد ..أو من البطالة ..أو إنه مش قادر يتجوز
أنا روحت التحرير 3 مرات
وإن شاء الله رايح الجمعة..ليس للفتنة
لكن زي ماقلت
دي حرب التحرير
البلد محتلة بالمعنى الحرفي .. والحرب لها توابع
سقط جنود في الحرب و الإقتصاد إتهز في حرب تحرير سيناء ... . ماقولناش كفاية ياجماعة ونرجع
وكفايا إننا هوشناهم ..وهيخافوا مننا ويرجعولنا سيناء تاني
لاااا
دي مش مظاهرات..دي حرب تحرير النفوس من الظلم..ودي أصعب من تحرير الأرض

شرفاء مين وبلطجية مين يا دكتور احمد ونزلت اتي ال3 مرات ميدان التحرير اخر محاولتين ليك قبل النت ما يقطع مكانوش بيبداو غير بالليل وكانوا بينتهوا انك تقفل تليفونك وتاني يوم تقول مقدرتش اوصل
احنا انضربنا واتعورنا واتعمينا غاز من 25 لغاية يوم الجمعة انما دلوقت مبقتش لا معركة تجرير ولا نيل مطالب مشروعة بقة عناد وديكتاتورية الاقلية تريد فرض رايها على الاغلبية الموافقة على الاستقرار وانقا البلد وانتظار ما ستسفر عنه الايام
واحتلال ايه اللى بتتكلم عنه
الاحتلال هايحصل لو استمرت الفتنة الداخلية دي وهايبقي احتلال حقيقي

المشاركة الأصلية كتبت بواسطة hofo

حرام عليكما كفاية دم كفاية فتنة

والله ده اللى بقوله
كفاية للطرفين
ارحموا البلد واهل البلد كلها مش الاقلية المؤيدة او المعارضة اللى في التحرير